adan, Ni Luh masawur kenying, titiang lacur adan titiang Ni Seroja.
128. Umah tiang ring Banjar Sekar, titiang ubuh saking alit, katinggalan meme bapa, iriki titiang mapanjing, kantun lare sampun kambil, antuk ida sang perabu, driki titiang mamarekan, ring ida dewa agung istri, bas ngalangkung, lacur titiang tan pakadang.
129. I Ceker Cipak amelad prana, guliap ring rupa lewih manis, pamulune nyandatijo, alis tajep maingid, jariji rurus ngurining, kemikanne lemud, daroja luir i nyuh dhanta, I Cipak manahe paling, nyang linglung, tan sah marawat ring tingkat.
130. Aduh dewa dong picayang, pawayanganne asiki, anggen titiang pamurnayan, manah titiang sayan paling, paling ring i mas manik, mangde tan lali ratu, puniki titiang ngaturang, kewanten anggen pakeling, niki bungkung, mas socannya mirah dalima.
131. Ni Soraja manahe bungsang, tui tuah tuduhing widhi, katuju ngaba potretan, Ceker Cipak kaenjuhin, sampun reke padha nampi, bayune sayan manyusup, manahe padha kasemaran, yeh tinghal wetu naribis, padha sundu, padha sedeng mararasan.
132. Durus picayang dewa, suksma niking karasmin, rasa lami majantosan, wiakti tan sida cinangking, Ni Seroja saur aris, kewanten dina rahayu, titiang nora pacang tulak, luih kadi kakandinin, sampun puput, panamaya pakalihan.
133. I Cipak ngapuriang, pedek tangkil praya mapamit, sang natha ica wacana, kenken pamragatne cai, eda cai mangebangin, tuara nira bani ngungkus, sara-sara pakenehannya, tingkah cerik cara jani, elen malu, anake tuwa nuduhang.
134. Klisat-klisut I Ceker Cipak, matur saha wor bhakti, durusang
ratu suecayang, titiang tan mangladin bhakti, wantah sampun ipun nyadin, nyantos rahina rahayu, ledang ica panugraha, ne patut pacang marginin, buin telun, eda cai mangejohang.
135. Nah kemo jua dabdabang, nginkinang dae ajak mai, uli
76
