teri tunggal wastanipun, pikantennya soleh pisan, nggeh masatru dari asih.
120. Yan tan sang luihing jnyana, tong dugi ipun pacang ninutin,
i meong matatadahan bikul, mesatru ring i sona, saking rihin, ne mangkin ipun sadulur, mula ungguh I Ceker Cipak, pacang mangguhang wibhogi.
121. Meweweh idepnya dumya, kasugihane suba ngebekin, jani nabdabang praya nawur, ring ida sang natha, mumpung eling, ring pasuecane dumun, tangkil mangaturang ayam, miwah paksi luih becik.
122. Pajalane pasemengan, negen siap miwah kedis, gelis rawuhing
puri agung, sang natha sedek pranamya, maring loji, I Ceker Cipak umatur, ndaweg mamitang lugraha, kewanten aturan pikeling.
123. Sang natha sredha ngandika, waca,nane arum amanis, duh inget ja cai bagus, kurap gudig caine suba, jani malengis, goban cai tuhu bagus, nah manira tarima, aturan caine pasti.
124. Ayam kurungan saselikan rupa genah tandang becik, makakalih padha-padha patuh, padha-padha ya matandang, muah i paksi, ris kaulur klempung-klempung, kalintang ledang sang natha, ring I Ceker Cipak.
125. Raris ida ngandika ring i panjroan cerik-cerik, kawukin jani i Saroja malu, apang ngaba pacanangan, miwah kopi, manira nekaan tamu, gelis perapti Ni Seroja, ring yeng naneplek tangkil.
126. Sang natha ida ngandika, ring I Ceker Cipak ne mangkin, bisayang deweke bagus, nira tuara ngelah daya, kanggo cai, dini cai nira mandus, meneman ajak Ni Saroja, eda enden cai mapamit.
Puh Sinom
127. Sang natha ida masudhyan, sang kalih atemu tiring, padha kencep paliatnya, manahe mawetu rimrim, I Ceker Cipak tages ngrawosin, apang tan kadi guyu, ditu ya nakonang
75
