gah, nylaksak tukub mangalihin, katon peti ngabar-ngabar.
110. Luih wirosa i bikul mamongpong peti, kyet-kyet pasuwarannya, ya i pande mangendusin, sut-sut mangulahang.
111. Macengkongan ya jani i cicing, i meng mangiongan, bikul mreren mangitgitin, i pande sayan ngeleppepang.
112. Ngdas lemah bungkunge suba kagisi, nglawut ya nuwunang, nangal bungkunge ngulanting, sang tiga mangkin matulak.
113. Madaderek pajalane makatrini, i bikul di tengah, meong asune mangabih, sami tan aneng pungkuran.
Puh Pangkur
114. Bas alon baan majalan, ndag surya kari ring margi, sareng
kalih nyaga i bikul, maderek pajalannya, wus tengahi, tan dumade gelis rawuh, sikep nyander lewih galak, i bikul ya cuit-cuit.
115. Meong asu ya menyangkuak, negen tendas nangal kampid, sampun padem sikepeku, emase kalikuban, maring paksi, ring awak sikep puniku, kadangal pakalihan, sikep emas lintang-lintang asri.
116. Tan carita ya ring jalan, I Ceker Cipak caritayang ne mangkin,
ngutabtab ya mara rungu, ring inon-ingonnyane ical, makatrini, sebet manahnya mawuwuh, panes ngunyang maplasadan, mula tuah titah Hyang Widhi.
117. Wau menga saget prapta, bikul meong muang cicing, i bikul
manangal hungkung, sikep emase to kabandong, sareng kalih, sang trini sampun umatur, I Cipak kagiat umulat, cai luas tan pawangsit.
118. Kaundukang saparipolah, saking kawit jantos rawuhe mangkin, Ceker Cipak liang kalangkung, bungkunge ne mula tatuian, sampun keni, maweweh sikep mas puniku, tan pentah lambang nagara, kagenahang duwuring kori.
119. Sakeng rika sang tigang sanak, bikul meong muang i cicing, padhu arep makatatelu, kauwehin paparadan, sane mangkin,
74
