ambil, mas manik tekesing untut, punika jua anggen titiang, panebasaning urip.
68. Wus manerimayang panebas, i wiala lara mangkin kaambil, i ula sarwi amuwus, duh dewa sampurayang, titiang mapamit, bungkung panebas puniku, yan inasuhing barang-barang, barange ndadi mas manik.
69. Wekasan yan kabuatan, amet titiang den awisik, tan antara titiang rawuh, parek ring linggih i dewa, praya nindih, diastun
atangkeping ripu, nora titiang pacang ginggang, eling ring mautang urip.
70. Wus puput punang rarasan, I Ceker Cipak raris mamargi, bungkunge bungselang ring sabuk, pajalane gagancangan, saget prapti, mari(ing) umahnya suwung, memenne nuju kayehan, bungkunge mangkin elusin.
71. Makesiab sabuke ngrepiak, dadi emas tipis makekatih, I Ceker Cipak marasa gelu, tagen nya nampedang, emas miwah simsim, genehang ring dingdinging dulu, di paon pasarean, memennyane saget prapti.
72. Meme niki ja tampedang, (ja) gung miwah kamben misi pipis, pasuecan ida sang prabhu, ida ledang jua ring titiang, mangicenin, saha mapaica sangu, lungsuran wus ngrayunang, rasane kalintang becik.
73. Tiang mangkin mandusang ubuhan, meng bikul miwah ipun i
cicing, sami antuk titiang nuku, aji lebak makaphatphat, muang lalipi, kewanten sampun matebus, niki praya ubuh titiang, anggon pamurnaning ati.
74. Tong dugi piolase ilang, diastun ring wateking gumatap-gumitip, Sanghyang Titah tan hyun pilu, ida mamegegang pangrerata, manyuecanin, ring sang madharsana ayu, ayu jua pinanggiha, ala ula ala panggih.
75. Memennya nampedang barang, jagung kamben miwah pipis, pasuecan ida dewagung, lawut kaaba ngaduluwang, ring punapi, mara nolih dadi rungu, di dingdinge ada emas, manyulantah tui akatih.
70
