30. Tabuh pangrawose manis, jero sampunang ja mademang, titiang numbas aji selae, mangda ipun mauripa, sang nigtig masuryak, cai nguda meli bikul, buka mabet-mabet motah.
31. Basange jua isinin, pipise ento beliang amah, dong sing keto
brig leteg, buka jrangkonge majalan, abete sada magegas, mapi pang kadena payu, telektek ngamah ngapuan.
32. Ne lenanmasaur kenying, nah icang jani ngejukang, mainang pipis caine, selae dogen kangguang icang, Ceker Cipak mabayahan, maka panukun i bikul, bikule eboh kacelepang.
33. I Ceker Cipak raris mamargi, baat manegen babelanjaan, jagat sampun tambis sore, lawut ngojog ka pasar, jinahe telah lebak, dados panukun puniku, miyong bikul ula sona.
34. Manah ne sayan maribi, jagat siteb makabidang, maliged mumbul guleme, I Ceker Cipak ngencongang, pajalanne matrayudan, dulurin basange seduk, katiban durmanggala.
(Puh Durma)
35. Kirang langkung nawi wenten dawuh sapta, Ceker Cipak wus prapti, maring tengahing pasar, tamuli raris mararyan, ujane bales tan sipi, masayuban, nyinut di batan bingin.
36. Ditu membon di wataning ghrota, kamben belus lintang gesit, ndewek ya mapitungan, ngrencana pacang mablanja, jinahe kari kidik, telah lebak, apa jani jua beli.
37. Sampun pasti mapitungan padidian, nginkinang mameli nasi, bikul asu meong ula, kabeliang aji duang dasa, pedalem ya suud matigtig, iraga kangguang, kawala sok maisi,
38. Tumuli ya meli bubuh sagu ji lalima, sarwi ya madaar raris,
sambilang mengeneh-ngenehang, cager tuara sida matulak, dening jagat suba lingsir, suwud madaar, meli nasin ubuhane mangkin.
39. Ji duang dasa pada ji lalima, dening ajak phatphat sami, raris
ngasisiang ubuhan, makaphatphat kaderekang, kadi titahing
ghrota - grodha, beringin.
66
