10. Ceker Cipak nampi pipis, liang manahe tan pira, sada alon pangucape, inggih meme tiang luas, meme jumah majantosan, tiang luwas makatelun, madak wenten suecaning Hyang.
11. Kari nruput tiang pamit, dening edoh genahing pasar, sampunang meme nyangsayen, lascarya picana lasia, regede maphala ala, nganti titah Sanghyang Tuduh, sing sanget mamanggih sadi.
12. Nah keto majalan cening, patilesang raga naraka, eda runyam di margane, mrekatak mangaku bisa, ngangkag maeingkig dongkang, enjekine ya maklaput, dumadak cening kasadian.
13. Makruyuk ayam ping kalih, I Ceker Cipak majalan, sarwi ya manegen besek, tan sah ngadut jinah satak, kang limolas bekel memennya, padidian majalan ngucung, sampun ngalintangin desa.
14. Tatas rahina mamanggih, wenten janma luih wirosa, sahasa manigtig emeng, jantos gayal meh matia, Ceker Cipak kasenduan, saha ya mahatur alus, duh sampunang jua mademang.
15. Yan ledang titiang icenin, diastun titiang pacang numbas, aji seket panebasane, Ceker Cipak metek jinah, gelis mangkin narimayang, piolas manahe langkung, mon kari sida urip.
16. I Meong kaambil gelis, sarwi kakritisin toya, madak idup iba
emeng, kai magolasin iba, meonge slegak-slegak, angkihane ya maduwus, manglilir dados uripa.
17. Ceker Cipak raris mamargi, pajalane gagatenan, durung edoh pamargine, malih wenten nak wirosa, manyakcak ipun i sona, salahnya mangamah taluh, di kubun bebek ya akranjang.
18. Ceker Cipak kawelas asih, ngton asu slegak-slegak, kadi dudut
jua idhepe, tan sah nyikutang di raga, mula tuah kungguan naraka, asing lara jua kapangguh, titah tan kena sinimpang.
19. Ceker Cipak ngucap aris, enggih jero banggiang uwusan, pedalem titiang asune, titiang kuda icen nunas, titiang ngaturang padukonnya, aji seket nenten langkung, anggen pamurnan piduka.
64
