53. I Patih umatur nembah, uduh dewa ening pasih, mapamit titiyang matulak, titiyang mangiring i ratu, kalih manjake makejang, titiyang pamit, malih tulak ka nagara.
54. Duh titiyang manunas ica, pisan ngaula iriki, manatakin suka duka, wyadin titiyang pacang puput, I Candrawati angucap, minuturin, saking aris manulakang.
55. Ne ada kojarang sastra, sang Ramadewa nguni, polih idane kakutang, arine sang Brata tumut, masih kayun ida tulak, kento patih, tutur ramane ingetang.
56. I patih suka miarsa, miwah kaulane sami, raris ya mamargi budal, pajalane jempya jempyu, mandeg ya bilang tindakan, sarwi nangis, pada sedih ya matulak.
57. I Candrawati kocapan, kari ring alase sedih, kalih wang jero sanunggal, bajang cerik lintang ayu, warnane lwir Nilotama, tan patanding, maaran I Pranacitra.
58. Sareng kalih di pamereman, masasambatan manangis, kene saja dadi jadma, sangsara titiyang nu idup, yening wonten Bhatara ica, pisan ambil, urip titiyange gelisang.
24
