Alih Aksara Geguritan Candrawati
(Pupuh Ginada)
1. Somaning Tolune kocap, ditu ngiket ngawe gending, manuju wulan wisangka, suklapaksanya ping telu, irika ngawe carita, ati sedih, kidunge anggon murnayang.
2. Ana ta mangke kocapan, prabu ring Kreta negara, madruwe putra saroro, lanang istri ayu-ayu, prabu wibuh mating jagat, suka luih, magehang kalingan sastra.
3. Wuwusan putrane lanang, warnane tuhu apekik, maaran I Wiranata, budi alus kadi Wisnu, wicaksana sidhi ngucap, dharma jati, weruh ring rasa utama.
4. Arine istri mangayang, maaran I Candrawati, istri luih ring pawongan, Hyang Ratih ica tamurun, anuronin saking swargan, sangkan dadi, ayu luih pari purna.
5. Warnane luih sura-sara, ayune luir pendeh Ratih, raga lempung magelohan, akweh pada para ratu, nglawar ida tan arsa, pacang suami, kayun nyukla brata carya.
6. Sadina mangulik sastra, astiti ring saraswati, miwah ring tutur utama, yoga bratane rinangsuk, paican sang Muniwara, resi sidhi, aran Baghawan Utitya.
7. Sadina manangun brata, aurus tanjung jiwa latri, nuju purnama Kartika, punika rahina ayu, I Candrawati akramas, tur masisig, ngarangsuk raja busana.
8. Raris munggah ring pasucian, malinggih ring bale gading, mayoga ngarcana Dewa, astiti ening ing kayun, turun ada Sang Hyang Smara, anuronin, kajamah I Candrawatia.
9. Pirang dina lawas nira, I Candrawati ngerempini, dadi matemahan mobot, sampun magatra ring susu, I Candrawati kosekan, tur manangis, kudiang jani manyaruang.
10. Yan uning ida Sang Natha, miwah ibu pramisuari, keken antuk manguningang, kaselek pacang umatur, dening awake nu bajang, labwan cerik, dereng manemu dikarma.
19
