10. I Umbaran kitak-kituk, makebyos toyan pengaksi, ngangseh ngelawanin ngucap, uduh Ketut dewan beli pagehang meyase jumah, ngertinin tungkakan beli.
11. Dumadak lasya rahayu, panemayan lekad icening, ngawitin jani mabesen, yan pet lekade muwani, aran ipun Wayan Durma, yan wadon Luh Mas kang nami.
12. Tan sida nugtugang tuwuh, beli gelis ninggal adi, sampunang nyelselang raga, dening sampun titih widi, ngiringke pada meyase, tresnane puput iriki.
13. Melahang adi memadu, saling tulung silih asih, eda pati majengilan, rukune nyandang kukuhin, rarene bareng runguwang, salah tampine pinehin.
14. I Umbaran nadak linglung, lihat sawat mecuk alis, giginnya ngaretek caket, Ni Riris bangun manyerit mretag-mretig kamegmegan, I Umbaran tiwang paling.
15. Nyoman Sekar saget rawuh, ngabirit mondong Luh Sari, kagiat ipun ngantenang, sida bingut kemu-mai, tan wenten kajemak, Luh Sari tangkejut nyerit.
16. Meme Wiri katon gupuh, I Umbaran kacundangin, tingalnya kewapin bawang, suna jangu Ian lengis pik, tan suwe malih mangsengan, sanak sami ngarumunin.
XIX.PUPUH-SEMARANDANA
1.Nyoman Sekar sedih kingking, numonang somahnya tiwang, tan mari negakang rare, Luh Sari bengong nyangongak, Ketut Riris manyenteeng, meme Wiri saah-sauh, mangajap Hyang sasuwunan.
2.Nyoman Sekar mepasihin, duh beli Wayan Umbaran dong
cingak rarene beline, mangkin sampun sida teka ambat tan laran idepnya, napet beli mangkin kantu, gelisang eling ring raga.
3. Napi pwaran tityang mangkin, urip tityang nirdon pisan,
171
