tan urungan sakit hati
20. Cek-cek cekceke masuryak, cek-cek-cek tabuh pelayon
upami, rasa kangen ya memangguh, tingkah somah I Umbaran, maka kalih, katon luwes sami ayu, anak istri tuhu satya, budi pekertine luwih.
21. Angine ngasisir tiba, malikub ambun cempakane miyik,
mekadi isekar gadung, kelawan isekar sandat, mengamburin, sarwa harum nyusup irung, rasa ngugah I Umbaran,
mangda kenakan digelis.
22. Kadi katrimayang tigah, I Umbaran ngaliyab ya ngendusin,
tingale enduk narudu, rasa tan peatma jiwa, leleh gati, angsengane sayan ngangsur, ngangseh mangulapin tangan, ring
somahnya makekalih.
XVII. PUPUH-DEMUNG
1. Uduh adi makekalih, atma jiwa, sweca ugi ida rawuh, dumadak nenten tandruh, ring kawentenanne mangkin, ledang ngampurayang, iwang beli sange dangu, kadung sampun tuna data, mangkin rumasat bacin, ngawenang iratu
duleg, dulege natunin kayun.
2. Mapan sampun titah kawi, ne katiba, prenamya beli nuwun,
saluwirin katuduh, sampun tragya manampenin, palaning
ring karma, diyastu te dados awu, nenten beli makelidang,
uripe ngantosang mati, catur sangu tan pasahang, sekalannya wantah niku.
3. Suka-duka wantah tunggil, rwa bineda, imanah sane mahayu, upami manemu cupu, suka lila maring hati, yan manemu beda, janten osek maring eyun, imanah pinih wisesa,
ngetangang buwana alit, hatu ngaran ila-ila, toyan Ida Hyang
Kidul.
4. Imbayang tan bina kusir, kreta kuda, ikuda risatsat bayu, kretane sabda niku, sang kusir idep upami, yan pet kuda binal,
tan wangde baya kepangguh, kreta rusak kusir duka, Kirang
168
