tindakane srayang-sruyung, jlempah-jlempoh kadi punyah,
mirig tangkid, tong ada anak kepangguh, dina sampun nyerepet sanja, ring tegale katon sepi.
4.Satiba tekaning desa, Ni Riris menyantos ring jebag koro,
I Umbaran katon gepu, tan lali nyerahang juwet, niki adi,
suweke sampun manunggu, beli kasep teka peteng, kadung
kapingon ring margi.
5. Raris beli mangkin ngajeng, tityang tragia sampun menabdab sagi, I Umbaran nimbal masawur, basang beli enu wareg, wiwit tuni, kemute adi malungguh, beli lakar ngebah
pules, eda adi mangulgulin.
6. Tumuli kepesarenan, maberiyug leleh ngepes mangeling,
eling ring tihkahe malu, dawege kari jejaka, hidup niri,
Ni Sekar olas mangugu, sida durus mejangkepan, wastu
lekad Putu Sari.
7. Apa saja ngeraneyang, pianak somah lawut katinggalin,
kaliputan ring I Ketut, rasa ya merawat-rawat ngarad hati,
tan pendah bulan narudu, sahi dadi rerambangan, matika
ngelut ngasihin.
8. I Umbaran engsek manah, sirah pengeng mawetu kebus
dingin, ,Palihate sayan layu , manengkul mapalekes, lepeh
gati , Ni Riris cangeg tangkejut, manyerit ngokin rerama,
Ni Wiri teka nyagjagin.
9. Tan sah mecik-mecik gidat, tan lali ngurutin ban kayu putih,
tangan tangkah rawuh pupu, tundunnya kapecel-pecel,
tur kakerik, I Umbaran laya-luyu, lihate narudu ngidem,
nadak , sara lawut liplip.
10. Ngalad nyambat Nyoman Sekar, sadulur ring rarennya
neluh Sari, Ni Riris taler kesebut, katiga kauman uman,
selegenti, Ketur Riris metu bingut, kenkenang jani madaya,
reh unduke buka jani.
11 . Swaran manuk matangguran, cukalang-cukaling icrukcuk
nguci, Ni Riris magebras bangun, tan lali ring I Umbaran,
166
