XV. PUPUH-DURMA
1. Sawatara kirang langkung kalih masa, I Umbaran jumah
Ni Riris, tan eling ring awak , mangendanin ringkus jagat,
guna sandi jati luwih, pangan pisan nguripang semara asih.
2. Dina semeng sawetara dawuh pisan, Ni Riris ngarod mengeling, rupa sebuh ladeg, uwek-uwek ngutah bayar, kerikan
basang kasisi, metangledan, nehen gidat ngarerengih.
3. Ni Wiri gageson ngungkab cerakenan, nyemak cekuh tumbah kunyit, miwah anget-anget, I Umbaran nimbal makpak, Ketut Riris kakeprusin, gidat Ian tangkah, batisnyane
kaborehin.
4. Tan asuwe Ni Riris sayan bingaran , NI Wiri renaring hati,
ngucap alon banban, uduh cening atmajiwa, kemete malu
masugi, tepenge dahar, dimejane wadah piring.
5. Ketut Riris slenag-sleneg tur mangucap, rarisang beli mariki,
tityang mangkin ngidam, kemu beli ngalih juwet, di abing
tukad Keloncing, beten danginan , ne selem manis pilihin.
6. I Umbaran nyemak arit tur majalan, cebar-cebur mirig
tangkid , ring pinggirin, tukad kelod-kawuh desa Selat, aget
ipun memanggihin, juwet mabuwah, mangurence olem
bangkit.
7. Mabulet nyelit mamongkod ngamenekang, woh juwete kapikpik, ane selem-selem, kabongkosin antuk kamben, semangahe tidong bedik, pada ngerayang, ngarebut galak ngutgutin.
8. Makaukud awaknya garang semangah, ngatos bungker mangintengin, awak sayan ngaap, tan sida mapelawanan, ngalongsor tuwun digati, rawuh ring tanah, Ni Sekar nadak
kepanggih.
9. Bayu runtag pati grape pati gabag, elek jengah pati sili,
164
