seleb, jemet mekarya kecarik, bagyane terus kerambang.
XIII. PUPUH-ADRI
1. Ni Sekar dipaturon ogah lesu, suwung ring pondoke, merah-meruh ngepes ngeling, mangenang dewekne lacur, kerasayang kadi balu, somahnya suwe maninggal jumah Ni Riris ngatekul, mata bonar empok sidem, tan ngeputang panak
somah.
2. Raren nyane ngatekul manyusu, Luh Sekar ngugah nyanden,
lawut niman manopdopin, pipinnya kaelus-elus, Luh Sari
masemu guyu, tan tahen alede teles, hayat wawu mebanyu,
kajemakang cita wangga, kebatang anggen nyalinang.
3. Memen Sekar age wawu rawuh, encong pemargine, cucunnyane katimbalin, tur kapetitipin bubuh, keadukin pisang
lumut, Ni Sekar iju matinggal, kateba nuruwin bangkung,
tan lali ngenyitin damar, wireh sampun nyalut sanja.
4. Ayame saget muwug makruyuk, tengah latri reke, katak siong nabuh nimbalin, samar-sawat edoh karungu, munyin calepuke tanglus, rasa mangeresin manah,bulun awak jering
nyelsel raga tani bangun, Nyoman Sekar bengong resah
bagya.
5. Anake cerik anyah aturu, sehantukan dingine, nadak bangun ya mangeling, menyerit tengahing dalu, cengar-cengir
lintang tanglus, ninirnyane pules padet, tangis icucu tong
karungu, Ni Sekar nyemak ngindengang, Luh Sari nyumu
ngaliyer.
6. Kadi ketus rinasa ring hulu, numonang pyanake, bapannya
lalis ninggalin, tan pendah ikaung buntut, doyan mamuronin bangkung, mangulahang ngalih lega, melaksana ngulah
laku, aduh ratu laran tityang, perake leburin logam.
161
