males, budi, suba kadung, gelah anak kagelekang.
15. Twara ngelah santep idep, bani lakar mangetohin, lagase memarong sinang, ngulah samah ajak ngukik, kolongan
tusing makelit, pragat nyapa kadi aku, dini endep ditu
lebah, yan tetes pada pedasin, tatag-tutug, madan guwet
nenten tawang.
16. Prade demen ngimpek timpal, deweke malu sigitin, apang
da gangsaran tindak, kurang naya tuna arti, yan rasa suba
sakit, sinah lakar aduh-aduh, keto juwa sujatinnya, tong
nyandang lakar kebangin, nyahit baju, diraga malu sikutang.
17. Jalanke dini punggelang, tutur bapa teken cening anggon tunggal dipakuren, sida boyaan ribut sahi, basang kebus nyukil hati, pelengane ebek embuh, rukune jalan dabdabang, apanga kedek pakenying, canden gulgul, iyegin lakar sayangang.
18. Wireh suba galang tanah, bapa jani lakar mulih, pagehang malu meyasa, ngayahin icening sakit, moga kaswecanin widi, gunane enggal manyusup, makemulan jatu karma, I Umbaran ring I Riris, asih lulut, melah-melah masomahan.
XII. PUPUH-RENGANIS
1. Kocap mangkin I Umbaran, tingkahe ngelabang akit, tan
jenek pati manegak, ulate tan bina bingung, klimpang-klimpeng kipak-kipek, bengang-bengong pesu-mulih, panak
somah tong kerambang.
2. Nora ngingetang gaginan, dipaturon sahi ipit, Ni Sekar
tahen ring sipta, keparna lakaran buduh, iju ngaturin rerama, meme bapa makekalih, praya tunasin tatimbang.
3. Rikala dina nyarepet, I Umbaran pesu nyilib, mangungsi
ketanggun desa, pejalane nyemah nyunut, pondok Ni Riris
katrunga, magenah ring kidul kali, maring ancut desa Bengkel.
158
