raris mamona, ngicalang kayune sungsut, nimbangin sane
katunas, mapan jati, destine baya rinasa.
21. Sapunika dados meneng, tan wenten arsa nyawurin swabawane katon ocem, to nguda rungka ring kayun, atur
tityang papojolan, nenten sukil, yan jerone wantah wikan.
22. Nganutin sekadi gatra, dukuh balyan kasub ririh, sampun kasumbung ring jagat, masrama ring lamping gunung, nguda mangkin mamendolan, nengil ngesil, tan bina jangkrik ketebang.
23. Panguman I Balu Kawan, nyentil kuping nusuk hati, ngawe manah panes bara, dukuh Wija manteg pupu, sadu darma maring ambek, ngelawanin, jro dukuh masawur banban.
24. Rawos cening mengad pangan, nuwutin basange pedih,
puma bapa maningehang, rumasat maguru lagu, luwirsunari ngambara, nganyih-anyih, nyusupin ikang adnyana.
25. Apang da ngawe duhkita, men cening jani minehin, jele
melah wenang sambat, boya ja sangkaning ajum, mangupas daging pangiwa, neluh nesti, ngaliyak lan nerangjana.
26. Kawi yadnyaning manusa, ngurik lontar sane pingit, sarin aksara putusan, kaseranen uleng kayun, Ongkara Ngadeg lan mungsang, sida nunggil, ring siwa dwara magenah.
27. Tan sang ngelarang pangiwa, nyilib ngadol sane ugig ngulahang nyujuh berana, tan bina iula luwuk, sing jalan-jalan mamangsang, ngalih elih, ngagen ngutil ngawe lara.
28.Twara nyandang lakar tulad, apang da semunin gumi, kaucapang daging alas, dasare galak mamengkung, tan ngeputang pala karma, keto cening, ento madan jatma nista.
XI. PUPUH-SINOM
l. Ngelantur bapa nuturang, unggwan Ida Hyang Aji, dagingin buwana mabah, Turus-Bolong Klabang Sabit, kalih Bung
155
