bakat I Umbaran, tan urung icening buduh, mapan tan dadi pasahang, lulut asih, teken iya I Umbaran.
11. Memen cening apang resep, pakeweh bapane jani, prade
muru I Umbaran, wastu ngelah anak eluh, somahnyane sinah galak, sandang jani, ngelarang pangindrajala.
12. Memen Riris matur nembah, sengi-sengi saha tangis, yan
kapineh antuk tityang, tan wenten lisig katuwut, tulus
mangkin kadi nekat, memasangin, sarwa guna sane pangan.
13. Sawireh pada kapelek, papinehe ogah paling, gunane jalan tembungang, apang da icening buduh, mapan jati I Umbaran, tiwal janji, ngawenang I Riris lara.
14. Ngawit jani bapa nabdab, ngelarang upaya singid, guna
sandi Rangdeng Dirah, maserana bungan jepun, lengis duyung
Tatit ngincang, Tungtung tangis, maduluran Jaran Guyang.
15. Jro dukuh ngagem pangerupak, Ni Riris kepasupatinin,
lidahnya lawut kerajah, Ongkara Tunggal kawuwus, gidat
tangkah miwah pala, katorekin, malingga Ongkara Ngadeg.
16. Kukun batis kukun lima, maka sami kagetepin, tumuli
raris kageseng, abunnya sami kaduduk, seranan guna punika, jati luwih, keharanin Ringkus Jagat.
17. Nahte ne malu tegarang, jalan bareng manetesin, dumadak apanga sida, I Umbaran dadi lulut, nanging da malu nyumbarang, keto Wiri, pagehang malu meyasa.
18. Memen Riris masebeng bingar, semu rimrim kenyarnyir,
ngawawanin manunasang, ampura tityang jro dukuh, lintang momo yan kapineh, mamindonin, tityang nunas isin awak.
19. Jro dukuh age waspada, daging atur memen Riris, makeneh doyan memangsang, kala peteng maid sabuk, matemahan lutung alas, ngusak-asik, ngawe rusak wong sadesa.
20. Rasa engsek maring dada, kadi ketus hulu hati, mamegeng
154
