bapa rumasatang damuh, manelesin kala lemeng, wastu medal cening jani.
7. Luh Sekar bangun ngadesem, ningeh papiringan pongah juari, arah beli nguda ngacuh, rahina mangkin patut blag-bag, jati gesit, mamunyi kaliwat bancuk, kimud titiyang maningehang, pantes mangkin kasigitin.
8. Nah te rerenan mamunyah, marikiyangke i cening Luh Sari, pacang pacecepin susu, minab ipun sampun bedak, ngarerengih, alede punduhang jemuh, sane daki dong kocokang, sampunang lalu nyabunin.
9. Ni Luh Sari katimbalang, I Umbaran age encong ne mangkin, makarya sekadi gupuh, tan lali manguligang buwat, pulasai, pancarsono klabet sembung, boreh batis matiyosan, beras cekuh don ligundi.
10. Dasare kaliwat tresna, makurenan manyama sep awai, Luh Sekar tan sida bangun, bokong sakit rasa palas manembenin, ngamedalang bangyang bayu, nika juwa makrana, tong nyidayang ngelawanin.
11. Nah te jani suba pragat, beli ninggal lakar ngaritang sampi, jumah adi ngempu I Luh, sing ja nganti lingsir sanja, beli mulih ngemaang celeng bangkung, madak saget magagapan, lakar loloh selaguwi.
12. Ni Luh Sekar manggutan, rarisang beli digelis mamargi, ring labake tuju dumun, moga beli polih lanjang kladi putih, tamba becik anggen jukut, ngemancarang toya bangyang, daging ipun kalintang tis.
13. Kocap mangkin I Umbaran, sadiya polih lanjang lan seleguwi, kranjangnya majeljel sampun, becat sepan madabdaban, age mulih, nadak angine ngalinus, hujan bales magejegan, kilate saling timbalin.
14. Aget wenten kubu tampek, ngabirit pondoke lawut kaungsi, tan tahen nadak kacunduk, ring gagelannya lawas, Ketut Riris, deha selah lemah-lembut, buka ada matuduhang,
150
