buka lablab, peluh narebes kasisi, nora jenek manengil, uyang paling pati blenyuk, bedake tidong jangkayan, pragat bayu kahinemin, basang kembung, mangaruduk buka lemah.
4.Kocap mangkin I Umbaran, ngaruput semeng ka carik, mangandong keranjang padang, nikul tambah nyelet arit, tansah manandan sampi, godelnyane milu nugtug, semohanyane Ni Nyoman Sekar, manututin saking dori, nyuwun ebun, praya pacang kacelekang.
5. Sarawuh ring pabiyanan, iju matok talin sampi, godele kadumplang-dumplang, inannyane kacandenin , ikunya kutal-kutil, tur ngelanting ngisep susu, I Umbaran madekesan, Luh Sekar geli medasin, katon pangus, tingkah wawu pangan tenan.
6. Tansah mametengin tanah, sang kalih makarya gipih, nyelekang ebun kasela, karirigan katon rapi, sawetara apenalik, gegarapan sida rampung, I Umbaran nyemak tambah, ngebuhang penampih sami, sela kutuh katanem anggon pagehan.
7. Nyoman Sekar maencolan, ngungsi kubu nyemak bibit, tur mangetep carang dapdap, pundeukane katajukin, kapulain kacang ranti, kasawenin bilang tanggu, kala sampun tajeg surya, maka kalih peluh pidit, tundun kebus, bendet panes sayan ngaap.
8. Sida rampung magarapan, becat sepan mirig tangkid, ngungsi genah tarebesan, magenah ring ingsor abing, sakundan ngaratak ening, kadayuhin taru bunut, tan sah ipun masriyugan, saling timbal mangurutin, wusan mandus, becat sepan kapondokan.
9. Tur mareren masanekan, duwur jelukung malinggih, I Umbaran kadi egar, Ni Luh Sekar kadesekin, tan lali ngelus pipi, ngusap rambut mangerumrum, uduh adi atma jiwa,
147
