nagwenang gering, satsat kupu-kupu sawah, maulekan ampuwang aus, kuning grigis kambang-kambang, kasatan, sweca adi manambanin, gerah beli doh ring tengah.
9. Duh mas mirah sang kadi apsari, nyalantara, ayu ngayang-ngayang, kelap-kelap di langite, ledangke I ratu tedun, nyayut titiyang nandang sedih, kadi pitik kadinginan, lelep maring banyu, uyang paling mamulisah, kasengsaran, tulung beli adi ningting, pang nu hidup mamarekan.
10. Ni Luh Sekar lek jengah pati sili, madingehang, papiring misannya, wyakti beneng tatebekne, ayat ipun kapilayu, I Umbaran nyaup ngabin, ngaras pipi ngelut dada, susunyane kaurut, makelap sinjange munggah, kalukaran, I Umbaran uyang paling jaran binal kalumbaran.
11. Nglanglang ulangun di tepi siring, katon segara, mijil manik tinggal, samar sawat panglayange, arus we aad mancuh, mamuter kembangin hati, mawastu lelep manidra, luwir ula senduk, angangkas wak bayu bajra, ngajap tawang, kapingon nandang karasmin, amupu lara wigena.
12. Ngeber bidak palayare ngasirisir, nedun munggah, katuju purnama, galang padang di langite, teles kasiratin lancut, ombak galak manigtigin, linuh sasih magejeran, kapingon tan surud, jangkayan meneng mamona, ngudarang weda, wawu sengeh karancabin, nyoman sekar kekasorang.
VI. PUPUH GINANTI
1. Matengkas Luh Sekar bangun, ngerasayang bokong sakit,tumuli nyabukin kamben, rambutnyane kasuwahin tan lali nyapuang tikeh, galeng kasur kabenahin.
2. Manguringis sedih ngunngun, kadi sekar robin bingin, jangkayan mapulisahan, layu dusdus kuning grigis, minab nandang kasakitan hujan riris manyiratin.
3. Macapcap yeh mata pesu, nyelsel raga tan pakerti, lagas manambarang awak, rasa mangkin tan pa aji, dehene tulus
144
