Kaca puniki kavalidasi
Bébék Punyah
Made Taro
SATAK KLEPUG
Satak klepug
titiang makemit
mangda gelis kajabut
pasilan ngatut
Ngepah i taru kepah
ngitukang carang buah
kudang sekar sampun kalunggar
katadah sang nglumbar
Binguh i paksi tangsiah
ngruruh rembun dayuh
ngulat sebun ngelut taluh
mangda tan kaliwat pongah
sang kumaruk kumerandah
Sarahina kasaksiang
seka semal ngedum pongpongan
ngocok klungah
ngempug bungkak
sambrag maberarak
negar nyugar tendas lengar
nyupat manah cupak
taler durung kacunduk
sané kabaos akah-muncuk
49