Kaca puniki kavalidasi
Bébék Punyah
Made Taro
CIMPLUNGAN
Cing cing cimplungan
macebur ilang
uluh kalangan
ngindang macimplungan
ngincang mailehan
Gumi linggah
ngindang élah
ngodag maincangan
Nu masi ledap
takut liwat belat
takut macemplung
kena gedig kena pulung
Mlaib ke gumi cupek
makelid keled-keled
padidi sing kobet
dadua mroang
tetelu embet
patpat mrebat
roang magarang
kadang lawan kadang
Di gumi linggah
galahé elah
ngandup
ngaplug
nyaup
mabriuk
Cing cing cimplungan
sing sing singgukan
Denpasar, 2002
43
