Kaca puniki kavalidasi
Bébék Punyah
Made Taro
DON CAMPLUNG
Don camplung
cingak sira ring sor
sirsir angin
ngelut tangkah, ngilgil
tigang warsa mapasah
pangkah i sampan
mlayar ke tengah
Don camplung
cingak sira sané nyurat
wénten pawarah anak mlayar
nyampuh segara jengah ngurasah
deres arus nganyudang sampan
ngelut angin ngulah ke tengah
nyulub ombak mungkab ambah
nincap jagat ngulat manah
Malih pidan i sampan mawali
i don camplung nartayang
sampun macemplung
ring segara pelung
banggayang sirep
reprep
madakep
13
