Kaca puniki kavalidasi
Bébék Punyah
Made Taro
SIRA PANGAWI
Cis ulam kumis
nglangi ngulangunin
cuk ulam tanduk
ngigel ngégol ngangguk
Cis bias putih
mimih kaanggé bungah
lumut igelang ombak
katon sarwi sumringah
Saking nguni jagaté budri
tan renga sira pangawi
rahina wengi puput nglumbih
bebungkilan saulah-ulih
tan kayun nancebang carang
tan suka mulihang bulih
Cuk bias anyud
cis ulam kampih
mimih Déwa Ratu
kaang barak magelung timah
lumut gadang magelung kawat
Buuurr...!
pirengang ombaké gelar-gelur
gebiar-gebiur ngebug pagebag
sira sané ngawi-awi
sira jati pangawi
Denpasar, 2022
9
