Kaca puniki kavalidasi
Bébék Punyah
Made Taro
TOGTOG SIRAH
Togtog sirah
ketogang sakadang sirah
ulah apang késah
togtog uli pengkeban
I Kempul I Kembar
buin I Celomang
sing ja lén ané ngrékang kuku
sing ja lén ané ngrukang siku
tikeh pandan anggon belat
keneh beneh anggon nakeh
I Pengalih I Pengeleb
tebag katebag
edeng kaedeng soang-soang
depang galang kalah-menang
Togtog sirah
ketogang sakadang sirah
krék i barak ngobar
krék i pandan buyar
sing ja lén ané ngrékang korék
sing ja lén ané mretang berek
di pengkeban mabudi ngeléb
di peléban ngoyong magandong
Denpasar, 2002
7
