[ ᭒᭗ 27B]
᭒᭗᭞
ᬲᬶᬂᬲᬕᬯᬾᬦ᭄ᬢ᭞ᬗᬸᬦᬶᬯᬾᬄᬭᬶᬲᬧᬗᬸᬢᬸᬲᬶᬂᬲᬂᬕᬸᬭᬸᬳᬬ᭄ᬯᬢᬦ᭄ᬧᬗᬶᬭᬶᬗ᭞ᬬᬦ᭄ᬢᬦ᭄ᬓᬾᬥᭂᬧᬲᬧᬗᬸᬢᬸᬲᬶᬂᬲᬂᬲᬶᬦᬗ᭄ᬕᬄᬫᬢᬸᬳᬵ᭞ᬤᬾᬲᬂᬰᬶᬱ᭄ᬬᬧᬦ᭄ᬢᭂᬦ᭄ᬲᬶᬭᬬᬦ᭄ᬫᬗ᭄ᬓᬦ᭛ᬢᬦ᭄ᬯᬸᬦ᭄ᬧᬵᬧᬢᬶᬦᭂᬫᬸᬦ᭄ᬬᬫᬕᭃᬂ᭞ᬓᬤ᭄ᬬᬗ᭄ᬕᬵᬦᬶᬂᬩᬜᬸᬫᬶᬮᬶ᭛
ᬦᬵᬳᬦ᭄ᬦ᭄ᬬᬂᬦᬶᬬᬫᬩ᭄ᬭᬢ᭞ᬗ᭟ᬮᬶᬪᬝᬵᬭᬰᬶᬯᬫᬗ᭄ᬓᬦ᭛ᬳᬶᬓᬢᬂᬬᬫᬦᬶᬬᬫᬩ᭄ᬭᬢ᭞ᬧᬶᬡ᭄ᬤᬦ᭄ᬬᬲᬧᬸᬮᬸᬄᬓ᭄ᬯᬾᬄᬦ᭄ᬬ᭛ᬬᬢᬤᬰᬰᬶᬮ᭞ᬗ᭟ᬯᭂᬓᬲᬦ᭄᭟᭐᭟ᬬᬚ᭄ᬜᭀᬘᬯᬷᬢᬳᬶᬢᬶᬪᬦ᭄ᬥᬓᬭᭀᬪᬯᬶᬱ᭄ᬬ᭞ᬪᬲ᭄ᬫᬧ᭄ᬭ
ᬘᬡ᭄ᬥᬤᬳᬦᬾᬦᬭᬓᬿᬭᬶᬳᬢ᭄ᬭ᭞ᬲᬤ᭄ᬬᬄᬕᬡᬶᬢ᭄ᬭᬶᬕᬡᬦᬾᬰᬢᬤᭀᬱᬥᬡ᭄ᬥᬄ᭞ᬢᬾᬢᬵᬦᬶᬧᬵᬧᬬᬢᬶᬧᬵᬰᬸᬧᬢᬾᬦᬰᬷᬮᬾ᭟᭐᭟ᬳᬶᬓᬂᬯᬶᬓᬸᬬᬦ᭄ᬢᬦ᭄ᬧ᭄ᬭᬬᬢ᭄ᬦᬾᬂᬧᬜ᭄ᬘᬰᬶᬓ᭄ᬱᬤᬰᬰᬷᬮ᭞ᬗᬸᬦᬶᬯᬾᬄ
ᬲᬗ᭄ᬳ᭄ᬬᬂᬲᬶᬯᭀᬯᬓᬵᬭᬡ᭞ᬩ᭄ᬬᬓ᭄ᬢᬮᬸᬫᬗᬸᬳᬓᭂᬦ᭄ᬭ᭄ᬬᬯᬓ᭄ᬦ᭄ᬬᬭᬶᬂᬓᬯᬄ᭛ᬦ᭄ᬤ᭄ᬬᬢᬮ᭄ᬯᬶᬃᬦᬶᬓᬂᬲᬶᬯᭀᬧᬓᬵᬭᬡ᭞ᬧᬶᬦᬓᬪᬹᬲᬡᬲᬂᬯᬶᬓᬸ᭟ᬬᬚ᭄ᬜᬵᬲᬹᬢ᭄ᬭᬮᬯᬾᬲᬯᬷᬢ᭞ᬪᬲ᭄ᬫ᭞ᬕᬡᬶᬢ᭄ᬭᬶ᭞ᬳᬫ᭄ᬩᬸᬮᬸᬗᬦ᭄᭛ᬳᬶᬓᬢᬂ
[ ᭒᭘ 28A]
ᬮᬯᬾᬲᬯᬶᬳ᭞ᬬᬢᬳᬢᭂᬫᬳᬦ᭄ᬯᬶᬯᬮᬢᬸᬂ᭞ᬧᬫᭂᬩᭂᬦ᭄ᬯ᭄ᬬᬯᬓ᭄ᬢᬗ᭄ᬓᬵᬦᬭᬶᬂᬬᬫᬮᭀᬓ᭛ᬬᬦ᭄ᬢᬦ᭄ᬓᬭᬵᬓ᭄ᬱᬰᬷᬮᬤᬾᬦ᭄ᬢ᭛ᬓᬸᬦᬂᬬᬦ᭄ᬓᬭᬵᬓ᭄ᬱᬰᬶᬮᬤᬾᬦ᭄ᬢ᭞ᬧᬶᬦᬓᬫᬃᬕ᭄ᬕᬦ᭄ᬢᬳᬓᬵᬭᬶᬂᬧᬤᬪᬝᬵᬭᬳᬶᬰᬵ᭛ᬫᬗ᭄ᬓᬦᬢᬂᬪ
ᬲ᭄ᬫᬲᬂᬯᬶᬓᬸ᭞ᬬᬢᬶᬓᬳᬢᭂᬫᬳᬦ᭄ᬳᬧᬸᬮ᭄ᬲᬕᬸᬦᬸᬂ᭞ᬕᬸᬫᭂᬲᭂᬗᬶᬭ᭄ᬬᬯᬓ᭄ᬢᬗ᭄ᬓᬵᬦᬭᬶᬂᬬᬫᬮᭀᬓ᭞ᬬᬦ᭄ᬢᬦ᭄ᬓᬭᬵᬓ᭄ᬱᬰᬮᬤᬾᬦ᭄ᬢ᭛ᬬᬧ᭄ᬯᬦ᭄ᬓᬭᬵᬓ᭄ᬱᬳᬶᬓᬂᬰᬷᬮᬤᬾᬦ᭄ᬢ᭞ᬧᬶᬦᬓᬢᬾᬚᬦ᭄ᬢᬭᬳᬶᬦᬲᬤᬵᬲᬶᬂᬲᬧᬭᬦ᭄ᬢ᭞ᬫᬗ᭄ᬓᬦᬧ᭄ᬯᬂᬕᬡᬶᬢ᭄ᬭᬶ᭞ᬧᬶ
ᬦᬓᬕᬡᬶᬢ᭄ᬭᬶᬲᬂᬯᬶᬓᬸ᭞ᬫᬢᭂᬫᬳᬦ᭄ᬓᬵᬮᬓᬵᬃᬢ᭄ᬢᬦ᭄ᬧᬶᬦᬓᬳᬗ᭄ᬕᬦᬶᬂᬤᭀᬱᬦ᭄ᬢᬳᬶᬓᬵ᭛ᬧᬶᬭᬢᬄᬮᬯᬲ᭄ᬦ᭄ᬬᬵᬦ᭄ᬯᬶᬦᬶᬮᬂᬕᬶᬦᬮᬭᬦ᭄᭟ᬲᬵᬢᬸᬲ᭄ᬢᬳᬸᬦ᭄ᬓᬮᬓᬃᬢ᭄ᬢᬭᬶᬂᬲᬯᬶᬚᬶ᭞ᬬᬦ᭄ᬢᬦ᭄ᬓᬭᬵᬓ᭄ᬱᬰᬶᬮᬤᬾᬦ᭄ᬢ᭛ᬓᬸᬦᬂᬬᬦ᭄ᬓᬭᬵᬓ᭄ᬱᬰᬶ
ᬮᬤᬾᬦ᭄ᬢ᭞ᬫᬢᭂᬫᬳᬦ᭄ᬢᬮᬫᬡᬶᬭᬢ᭄ᬦᬲᬕᬸᬦᬸᬂ᭞ᬳᬫᬶᬚᬶᬮᬓᭂᬦ᭄ᬲᬃᬯ᭄ᬯᬨᬮᬪᬶᬦᬸᬓ᭄ᬢᬶᬲᬤᬵᬓᬵᬮ᭞ᬳᬶᬓᬵᬢᬧᬗᬸᬧᬓᬵᬭᬡᬯᬶᬓᬸ᭞ᬫᬗ᭄ᬤᬤ᭄ᬬᬓᭂᬦ᭄ᬲ᭄ᬯᬃᬕᬫᭀᬓ᭄ᬱ᭞ᬦ᭄ᬤᬄᬬᬦ᭄ᬓᬭᬵᬓ᭄ᬱᬰᬶᬮᬤᬾᬦ᭄ᬢ᭛ᬓᬸᬦᬂᬬᬦ᭄ᬢᬦ᭄ᬓᬭᬵᬓ᭄ᬱ
Kaca:Bali-lontar-wrati-sasana-300ppi.pdf/28
Kaca puniki sampun kauji-wacén
