[ ᭑᭔ 14B]
᭑᭔᭞
ᬲ᭄ᬢ᭄ᬭ᭞ᬳᬢ᭄ᬬᬦ᭄ᬢᬧ᭄ᬭᬫᬵᬤᬦᬶᬭᬾᬂᬥᬃᬫ᭄ᬫᬲᬵᬥᬦ᭛ᬫᬸᬯᬄᬧ᭄ᬯᬬᬦ᭄ᬫᬮᬓ᭄ᬯᬦ᭄ᬮᬓ᭄ᬯᬦ᭞ᬳᬲᬶᬂᬲᬧᬭᬦᬦᬶᬭᬵᬦ᭄ᬮᬸᬫᬓᬸ᭞ᬢᬦ᭄ᬫᬭᬄᬭ᭄ᬬᬾᬳᬸᬫᬄᬦᬶᬂᬧ᭄ᬯᬗᬚᬕᬮ᭄᭞ᬧ᭄ᬯᬗᬫᬮᬦ᭄ᬢᭂᬦ᭄᭞ᬧ᭄ᬯᬗᬫᭀᬭᭀᬂᬫᭀᬭᭀᬂ᭞ᬧ᭄ᬯᬂᬩᭀᬦ᭄ᬤᬦ᭄᭞ᬳ
ᬤᬵᬲ᭞ᬳᬲᬶᬂᬓᬶᬦᭀᬳᬸᬢᬦ᭄ᬢᬦ᭄ᬧᬭᬦᬦ᭄ᬭ᭄ᬬᬾᬳᬸᬫᬄᬦ᭄ᬬ᭞ᬳᬬ᭄ᬯᬚᬸᬕᬲᬶᬭᬫᬭ᭞ᬗᬸᬦᬶᬬᬸᬦᬶᬦ᭄ᬧᬫᬗᬦᬦ᭄ᬭ᭄ᬬᬾᬳᬸᬫᬄᬦ᭄ᬬ᭛ᬮᬵᬯᬦ᭄ᬢᬫᬸᬯᬄᬢᬦ᭄ᬧᬮᬸᬗ᭄ᬕᬸᬳᬾᬂᬧᬚᬸᬤ᭄ᬬᬦ᭄᭞ᬳᬤ᭄ᬬᬧᬶᬢᬦ᭄ᬳᬦᬳᬦᬦᬶᬂᬩᭀᬢᭀᬄ
ᬢᬸᬧᬶ᭞ᬢᬦᬸᬲᬶᬋᬦ᭄ᬚᬸᬕᬤᬾᬲᬂᬧᬶᬓᬸ᭞ᬫᭀᬦ᭄ᬓᬳᬸᬤᬦᬦ᭞ᬬᬦ᭄ᬓᬧᬦᬲᬦᬓᬸᬦᬂᬧᬦ᭄ᬢᭂᬦ᭄ᬲᬶᬭᬬᬦ᭄ᬫᬸᬲᬶᬭᬾᬭᬶᬓᬵ᭛ᬓᬸᬦᬗᬶᬓᬬᬦ᭄ᬳᬦᬩᬮᬾᬧᬚᬸᬤ᭄ᬬᬦ᭄᭞ᬢᬦ᭄ᬳᬦᬦᬶᬂᬕᬮᬗ᭄ᬕᬂᬫᬸᬯᬂᬮᬫ᭄ᬧᬶᬢ᭄᭞ᬓᬮᬷᬗᬦ᭄ᬬᬢᬦ᭄ᬢᬸ
ᬳᬸᬢᬸᬳᬸᬦᬶᬂᬧᬚᬸᬤ᭄ᬬᬦ᭄᭞ᬢᬦ᭄ᬲ᭄ᬣᬶᬢᬶᬗ᭄ᬕ᭄ᬯᬦᬶᬂᬩᭀᬢᭀᬄᬫᭀᬢᭀᬄ᭞ᬢᬦ᭄ᬤᭀᬱᬲᬶᬭᬦ᭄ᬧᬗ᭄ᬳᭃᬩᬗ᭄ᬓᬵᬦ᭛ᬬᬦ᭄ᬓᬩᭂᬍᬳᬶᬂᬳᬸᬤᬦ᭄ᬫᬸᬯᬂᬧᬦᬲ᭄᭞ᬓᬸᬦᬂᬬᬦ᭄ᬳᬦᬕᬮᬗ᭄ᬕᬂᬲᬳᬮᬫ᭄ᬧᬶᬢ᭄ᬦ᭄ᬬ᭞ᬧᬦ᭄ᬢᭂᬦ᭄ᬬᬦ᭄ᬲᬶᬭᬧᬗᬸᬲᬶᬭᬾ
[ ᭑᭕ 15A]
ᬭᬶᬓᬵ᭛ᬗᬸᬦᬶᬬᬸᬦᬶᬬᬦ᭄ᬳᬦᬦᬶᬂᬩᭀᬢᭀᬄ᭛ᬮᬵᬯᬦ᭄ᬢᬫᬸᬯᬄ᭞ᬳᬬ᭄ᬯᬢᬲᬂᬯᬶᬓᬸᬫᬗ᭄ᬳᭃᬩᬶᬂᬧᬤᭀᬤᭀᬮᬦ᭄᭞ᬲᭀᬗ᭄ᬕ᭄ᬯᬦ᭄ᬓᬦ᭄ᬬ᭞ᬬᬦ᭄ᬧᬤᭀᬤᭀᬮᬦᬶᬂᬘᬡ᭄ᬥᬮᬚᬵᬢᬶ᭞ᬳᬶᬭᬶᬓᬵᬢᬲᬶᬭᬵᬦ᭄ᬓᬸᬫᬯᬰᬓᭂᬦᬓᬵᬮᬦᬶᬭᬓᬵᬤ
ᬦᬦ᭄᭞ᬓᬧᬦᬲᬦᬢᬸᬯᬶ᭞ᬢᬦ᭄ᬤᬤᬶᬲᬶᬭᬵᬦ᭄ᬧᬃᬭᬵᬬᬦᬾᬭᬶᬬ᭞ᬓᬸᬫ᭄ᬯᬮᬶᬗᬶᬂᬰᬲ᭄ᬢ᭄ᬭ᭞ᬧᬦ᭄ᬢᭂᬦ᭄ᬲᬶᬭᬮᬦ᭄ᬧᬳᭃᬩᬶᬗ᭄ᬓᬵᬦ᭄᭛ᬓᬶᬳᬦᬶᬓᬶᬰ᭄ᬮᭀᬓᬦ᭄ᬬ᭟᭐᭟ᬲᬸᬭᬲᬹᬢ᭄ᬓ᭄ᬭᬶᬫᬶᬤᬵᬳᬰ᭄ᬘ᭞ᬧ᭄ᬭᬵᬡᬖ᭄ᬦᬄᬓᬸᬫ᭄ᬪᬵᬓᬭᬶᬓᬄ᭞ᬥᬢᬸᬤᬕ᭄ᬥ
ᬰ᭄ᬘᬧᬜ᭄ᬘᬾᬢ᭞ᬘᬡ᭄ᬥᬮᬄᬧᬭᬶᬓᬷᬃᬢ᭄ᬢᬶᬢᬄ᭟᭐᭟ᬮᬵᬯᬦ᭄ᬢᬫᬸᬯᬄ᭟ᬧᬶᬦᬓᬵᬤᬶᬦᬶᬓᬂᬘᬡ᭄ᬥᬮ᭞ᬮᬶᬫᬓ᭄ᬯᬾᬄᬦ᭄ᬬ᭟ᬢᬜᭀᬕ᭄ᬬᬧᬭᬦᬦ᭄ᬧᬤᬾᬤᬾᬮᬦ᭄ᬬ᭞ᬫᬸᬯᬂᬧᬃᬭᬵᬬᬦᬦ᭄ᬓᬸᬦᬂ᭛ᬦ᭄ᬤ᭄ᬬᬢᬂᬮᬶᬫᬵᬤᬶᬦᬶᬂᬘᬡ᭄ᬥᬮ
ᬧ᭄ᬯᬗᬤᭀᬮ᭄ᬲᬚᭃᬂ᭞ᬯ᭄ᬯᬂᬳᬫᬮᬦ᭄ᬢᭂᬦ᭄᭞ᬯ᭄ᬯᬗᬚᬕᬮ᭄᭞ᬯ᭄ᬯᬗᬤ᭄ᬬᬸᬦ᭄᭞ᬯ᭄ᬯᬗᬧᬡ᭄ᬥᬾᬫᬵᬲ᭄᭞ᬳᬶᬓᬵᬢᬓᬮᬶᬫ᭞ᬢᬦ᭄ᬲᬶᬗ᭄ᬕᬢᬦᬲ᭄ᬣᬦᬦ᭄ᬬᬦ᭄ᬧᬤᭀᬤᭀᬮᬦ᭄᭞ᬫᬓᬵᬤᬶ᭟ᬳᬸᬫᬄᬦ᭄ᬬ᭞ᬢᬦ᭄ᬧᬭᬵᬃᬬᬦᬦᬶᬭᬲᬂᬯᬶᬓᬸᬭᬶᬂᬫᬗ᭄ᬓ
Kaca:Bali-lontar-wrati-sasana-300ppi.pdf/15
Kaca puniki sampun kauji-wacén
