[ ᭑᭓ 13B]
᭑᭓᭞
ᬰᭀᬘᬵᬃᬘᬦ᭞ᬧᬭᬳᬸᬧᬦᬦ᭄ᬢᬭᬶᬪᬝᬵᬭᬰᬶᬯᬵᬤᬶᬢ᭄ᬬ᭞ᬫᬗ᭄ᬕᭂᬮᬭᬲᬹᬃᬬᬰᬾᬯᬦ᭞ᬫᬗ᭄ᬕᭂᬮᬭᬲ᭄ᬯᬦᬸᬲ᭄ᬣᬦ᭞ᬫᬪᬲ᭄ᬫ᭞ᬫᬚᬧ᭞ᬲᬪᬵᬕ᭄ᬬᬬᬦ᭄ᬯ᭄ᬭᬸᬳᬭᬶᬂᬲ᭄ᬦᬦᬯᬶᬥᬶ᭛ᬫᬗ᭄ᬓᬦᬂᬰᭀᬘ᭞ᬩ᭄ᬬᬓ᭄ᬢᬓᬢᭂᬫᬸᬲᬓᬮᬦᬶᬱ᭄ᬓᬮ᭞ᬳᬶᬓᬂᬓᬪ᭄ᬬᬸ
ᬤᬬᬦ᭄ᬫᬸᬯᬂᬓᬦᬶᬭᬵᬰ᭄ᬭᬬᬦ᭄᭞ᬢ᭄ᬭᬶᬢᬷᬬᬲᬂᬳ᭄ᬬᬂᬦᬶᬬᬫᬩ᭄ᬭᬢ᭛ᬳᬳᬵᬭᬮᬵᬖᬯᬗᬭᬦᬶᬂᬰᬦ᭄ᬢᭀᬲᬭᬶᬲᬳᬦᬦᬶᬂᬧᬶᬦᬗᬦ᭄᭞ᬳᬧᬦ᭄ᬬᬦ᭄ᬓᬾᬯᬮᬵᬳ᭄ᬬᬸᬦᬾᬗᬳᬵᬭᬚᬸᬕᬲᬂᬯᬶᬓᬸᬚᭂᬦᭂᬓᬾᬂᬲᬸᬭᬲ᭞ᬢᬫ᭄ᬢᬫᬦᬲ
ᬓᬳ᭄ᬬᬸᬦᬶᬂᬫᬦᬄ᭞ᬦᬶᬬᬢᬦ᭄ᬬᬦ᭄ᬫᬓᬯᬰᬵᬡᬗᬳᬸᬢᬗᬳᬸᬢᬗᬦᬶᬮᬶᬄ᭞ᬧᬶᬮᬶᬄᬲ᭄ᬣᬾᬬᬲᬶᬭ᭞ᬧᬶᬮᬶᬳᬫᬗᬦ᭄ᬢᬦ᭄ᬬᭀᬕ᭄ᬬᬧᬗᬦᭂᬦᬶᬭ᭞ᬧᬦ᭄ᬢᭂᬦ᭄ᬲᬂᬯᬶᬓᬸᬬᬦ᭄ᬫᬗ᭄ᬓᬦ᭛ᬬᬢᬦ᭄ᬬᬦ᭄ᬧ᭄ᬭᬶᬳᭂᬦ᭄ᬚᬸᬕᬳᬗᬕ᭄ᬯᬗᬳᬵᬭᬮᬵᬖᬯ᭞
ᬗ᭟ᬘᬢᬸᬃᬢ᭄ᬬᬲᬂᬳ᭄ᬬᬂᬦᬶᬬᬫᬩ᭄ᬭᬢ᭛ᬳᬧ᭄ᬭᬫᬵᬤᬗᬭᬦᬶᬂᬢᬦ᭄ᬧᬍᬄᬧᬍᬄ᭞ᬳᬾᬗᭃᬢ᭄ᬢᬭᬶᬲᬧᬯᭂᬓᬲ᭄ᬲᬂᬕᬸᬭᬸ᭞ᬳᬶᬭᬶᬓᬵᬂᬳᬸᬮᬳᬓᭂᬦᬫᬸᬯᬂᬢᬦᬸᬮᬳᬓᭂᬦ᭛ᬦ᭄ᬤ᭄ᬬᬢᬮ᭄ᬯᬶᬃᬦ᭄ᬬᬦᬶᬳᬦ᭄᭟ᬰᬶᬃᬯᬵᬲᬦ᭞ᬳᬤ᭄ᬬᬵ
[ ᭑᭔ 14A]
ᬬ᭞ᬳᬤ᭄ᬬᬵᬯᬓᬵ᭞ᬲᬤ᭄ᬬᬵᬬ᭞ᬩ᭄ᬭᬢ᭞ᬥ᭄ᬬᬦ᭞ᬬᭀᬕ᭛ᬰᬶᬯᬵᬃᬘᬦ᭞ᬗ᭟ᬲᬂᬯ᭄ᬭᬸᬄᬭᬶᬂᬤᬶᬧᬦᬧ᭄ᬭᬡᬧᬢ᭄ᬧᭂᬢ᭄ᬭᬶᬓᬧᬹᬚᬵᬦ᭄ᬪᬝᬵᬭ᭞ᬳᬥ᭄ᬬᬵᬬ᭞ᬗ᭟ᬲᬂᬫᬗᬚᬶᬲᬃᬯᬰᬵᬲ᭄ᬢ᭄ᬭ᭛ᬳᬥ᭄ᬬᬧᬓᬵ᭞ᬗ᭟ᬲᬂᬫᬫᬭᬳᬶᬭᬶᬂᬰᬶᬱ᭄ᬬᬦᬶᬭᬵ
ᬦ᭄ᬧᬗᬚᬶᬲᬃᬯᬰᬵᬲ᭄ᬢ᭄ᬭ᭛ᬲ᭄ᬯᬥ᭄ᬬᬵᬬ᭞ᬗ᭟ᬲᬂᬫᬸᬲ᭄ᬮᬵᬭᬡᬓᭂᬦ᭄ᬲᭀᬮᬶᬄᬦᬶᬭᬵᬦ᭄ᬧᬗᬚᬶᬲᬃᬯᬰᬵᬲ᭄ᬢ᭄ᬭᬲᬗ᭄ᬓᬾᬂᬕᬸᬭᬸ᭛ᬩ᭄ᬭᬢ᭞ᬗ᭟ᬲᬂᬮᬸᬫᭂᬓᬲᬩ᭄ᬭᬢᬦᬶᬭᬵᬳᬵᬭᬵᬤᬶ᭛ᬥ᭄ᬬᬵᬦ᭞ᬗ᭟ᬲᬗᬸᬫᬗᭂᬦᬗᭂᬦ᭄ᬪᬝᬵᬳᬭ᭞ᬲᬂᬲᬹᬓ᭄ᬱ᭄ᬫ
ᬤᬾᬯᬓᬳᬶᬥᭂᬧᬶᬦᬵᬃᬘ᭄ᬘᬦ᭛ᬬᭀᬕ᭞ᬗ᭟ᬧ᭄ᬭᬡᬖᬫᬵᬤᬶ᭞ᬫᬸᬯᬂᬯ᭄ᬭᬸᬳᬢᬲᬶᬭᬭᬶᬲᬂᬳ᭄ᬬᬂᬳᬸᬧᬤᬾᬰ᭞ᬫᬵᬃᬕ᭄ᬕᬵᬦᬶᬭᬗᬸᬫᬗ᭄ᬕᬸᬳᬓ᭄ᬦᬂᬓᬍᬧᬲᭂᬦ᭄ᬤᭀᬦᬶᬓᬳᬶᬦᬸᬮᬳᬓᭂᬦ᭄᭛ᬬᬢᬫᬢᬗ᭄ᬬᬦ᭄ᬮᬓ᭄ᬯᬦᬦᬳᭂᬓᬧ᭄ᬲᬂ
ᬯᬶᬓᬸ᭞ᬳᬦᬧ᭄ᬯᬾᬓᬵᬲᬗᬋᬧ᭄ᬲᬗ᭄ᬕᬳᭂᬦ᭄ᬯᬶᬓᬸᬮᬸᬫᭂᬓᬲᬲᬂᬲᭂᬓᬭ᭟ᬫᬍᬫᭂᬳᬦᬸᬮᬶᬲ᭄ᬦᬸᬮᬶᬲ᭞ᬳᬍᬫᭂᬄᬫᬗᬚ᭄ᬬ᭞ᬳᬍᬫᭂᬳᬲ᭄ᬯᬥ᭄ᬬᬵᬬ᭞ᬳᬍᬫᭂᬳᬫᬢᬓ᭄ᬯᬦ᭄ᬢᬓ᭄ᬯᬦ᭄᭛ᬬᬦ᭄ᬳᬦᬓᬲᬗ᭄ᬰᬬᬦᬶᬂᬢ᭄ᬯᬲᬶᬭᬾᬂᬲᬃᬯᬰᬵ
Kaca:Bali-lontar-wrati-sasana-300ppi.pdf/14
Kaca puniki sampun kauji-wacén
