[᭗᭑ 71B]
᭗᭑
ᬓ᭄ᬫᬗ᭄ᬓᬶᬦ᭄ᬓᬧᬸᬭᬶᬘᬭᬂᬲᬭᬶ᭞ᬳᬶᬭᬶᬓᬚᬕᬶᬳᬶᬤᬾᬯᬳᬫᬗ᭄ᬕᬸᬄᬓᬲᬸᬓᬦ᭄ᬲᬋᬂᬧᬜ᭄ᬚ᭄ᬭᭀᬯᬦ᭄ᬳᬶᬤᬾᬯ᭟ᬲᬫ᭄ᬧᬸᬦᬂᬳᬶᬤᬾᬯᬳᬲᬧᬸᬦᬶᬓᬵ᭞ᬳᬓ᭄ᬱᬶᬤᬾᬯᬾᬓ᭄ᬢᬶᬢ᭄ᬬᬗᬾ᭞ᬭᬢᬸᬳᭂᬫᬲ᭄᭟ᬭᬤᬾᬦ᭄ᬫᬦ᭄ᬢ᭄ᬭᬶᬳᬦᭀᬫ᭄ᬢᬦ᭄ᬱᬄᬫᬗ᭄ᬭᬸ
ᬫ᭄ᬭᬸᬫ᭄ᬳᬶᬤᬭᬤᬾᬦ᭄ᬤᬾᬯᬶᬳᬦᭀᬫ᭄᭞ᬲᬃᬯ᭄ᬯᬶᬗᬦ᭄ᬤᬶᬓᬳᬗᬲᬶᬳᬲᬶᬄᬢᬸᬃᬲᬶᬦᬫ᭄ᬩᬸᬢ᭄ᬢᬗᬦ᭄ᬳᬶᬤᬭᬤᬾᬦ᭄ᬤᬾᬯᬶ᭞ᬲᬳᬗᬦ᭄ᬤᬶᬓᬳᬗᬺᬫᬶᬄᬋᬫᬶᬄ᭟ᬳᬶᬗ᭄ᬕᬶᬄᬳᭂᬫᬲ᭄ᬢᬶᬢ᭄ᬬᬗᬾᬳᬶᬤᬾᬯ᭞ᬘᬸᬢᭂᬢᬂᬧᬶᬲᬦ᭄ᬧᬓᬬᬸᬦᬦᬾᬫᬗ᭄ᬤᬲᬫ᭄ᬧᬸ᭠
ᬦ᭄ᬫᬮᬶᬄᬯᬮᬂᬓᬬᬸᬦ᭄᭞ᬳᬗ᭄ᬕᬾᬦ᭄ᬢᬶᬢ᭄ᬬᬂᬳᬶᬤᬾᬯᬧᬋᬓᬦ᭄᭞ᬤᬤᭀᬲ᭄ᬚᬸᬭᬸᬳᭂᬫ᭄ᬩᬦ᭄ᬫᬶᬯᬄᬤᬤᭀᬲᬂᬚᬸᬭᬸ᭠ᬧᬬᬲ᭄ᬭᬳᬶᬦᬯ᭄ᬗᬶ᭞ᬯᬦ᭄ᬢᬄᬢᬶᬢ᭄ᬬᬂᬗᬶᬭᬶᬂᬓᬾᬫᬯᭀᬦ᭄᭟ᬳᬧᬶᬢᬸᬯᬶᬢᬶᬢ᭄ᬬᬂᬗᬶᬭᬶᬂᬤᬾᬯᬲᬓᬶᬂᬪᬓ᭄ᬢᬶ᭞ᬬᬤ᭄ᬬᬦ᭄ᬓᬭᬯᬸ
ᬳᬦ᭄ᬧᬢᬶ᭟ᬮᬶᬬᬸᬧᭂᬲᬦ᭄ᬬᬜ᭄ᬘᬭᬶᬢᬬᬂᬳᬦᬓᬾᬓᬭᬰ᭄ᬫᬶᬦᬦ᭄᭚᭜᭚ᬢᬦ᭄ᬓᭀᬘᬧᬦ᭄ᬲᬸᬩᬭᬯᬸᬄᬓᬧᬸᬭᬶᬳᬶᬤᬭᬤᬾᬦ᭄ᬫᬦ᭄ᬢ᭄ᬭᬶᬮᬦ᭄ᬭᬤᬾᬦ᭄ᬤᬾᬯᬶ᭞ᬗ᭄ᬭᬜ᭄ᬚᬶᬂᬓᬧᬸᬭᬶᬘᬭᬂᬲᬭᬶ᭞ᬓᬳᬶᬭᬶᬂᬳᬦ᭄ᬢᬸᬓ᭄ᬧᬜ᭄ᬚ᭄ᬭᭀᬯᬦᬾᬦᬶᬲᭀᬓᬦ᭄ᬤ
[᭗᭒ 72A]
᭗᭒
ᬧᬫᬶᬯᬄᬧᬋᬓᬦ᭄ᬳᬶᬤᬦᬾᬫᬓᭂᬚᬂ᭟ᬲᬦᬧᬓᬾᬳᬶᬤᬮᬦᬂᬳᬶᬲ᭄ᬢ᭄ᬭᬶᬓᬧᬸᬭᬶ᭞ᬭᬭᬶᬲ᭄ᬓᬯᬸᬮᬦ᭄ᬳᬶᬤᬦᬾᬫᬓᭂᬚᬂ᭞ᬫᬧᬫᬶᬢ᭄ᬓᬳᬸᬫᬄᬳᬶᬧᬸᬦᬾᬲᭀᬯᬂᬲᭀᬯᬂ᭞ᬲᬃᬯ᭄ᬯᬶᬕᬃᬕᬶᬢᬧᭂᬲᬦ᭄ᬫᬦᬄᬳᬶᬧᬸᬦᬾ᭞ᬯᬶᬭᬾᬄᬕᬸᬲ᭄ᬢᬶᬦ᭄ᬦᬾᬲᬸᬩᬧᭀᬮᬶᬄᬳᬶ
ᬲ᭄ᬢ᭄ᬭᬶᬍᬯᬶᬄᬫ᭄ᬯᬄᬳᬶᬲ᭄ᬢ᭄ᬭᬶᬳᬸᬢ᭄ᬢᬫ᭟ᬩᬸᬯᬶᬦ᭄ᬫᬦᬶᬦ᭄ᬦᬾᬮᬳᬸᬢ᭄ᬭᬤᬾᬦ᭄ᬫᬦ᭄ᬢ᭄ᬭᬶᬳᬦᭀᬫ᭄᭞ᬧᬋᬓ᭄ᬭᬶᬂᬳᬚᬶᬦᬾᬳᬶᬤᬲᬂ᭠ᬧ᭄ᬭᬪᬸ᭞ᬗᬢᬸᬭᬂᬮᬘᬸᬃᬢᬦ᭄ᬧᭀᬮᬶᬄᬫᬧᬶᬓᬢ᭄᭞ᬲᬶᬦᬫ᭄ᬩᬶᬗᬢᬸᬭᬂᬧᭀᬮᬶᬄᬭᬩᬶᬫᬬᬸᬤ᭄ᬥᬭᬶᬂᬯᭀᬂᬧ᭄ᬭᬳᬸ᭞ᬗᬺᬩᬸᬢ᭄ᬳᬦᬓᬾᬳᬶ
ᬲ᭄ᬢ᭄ᬭᬶᬧᬸᬦᬶᬓᬗᬦ᭄ᬢᭀᬲ᭄ᬓᭂᬦᬶᬓᬩᬓ᭄ᬢᬩᬸᬤᬮ᭄ᬓᬾᬗᬶᬦ᭄ᬲᬳᬶᬦ᭄ᬤᬶᬓᬶᬦ᭄ᬤᬶᬓ᭄ᬓᬳᬢᬸᬭᬂᬧᬫᬃᬕ᭄ᬕᬶᬦᬾᬭᬶᬂᬲᬂᬧ᭄ᬭᬪᬸ᭟ᬯᬸᬲ᭄ᬳᬲᬧᬸᬦᬶᬓᬧᬸᬧᬸᬢ᭄ᬗᬢᬸᬭᬂᬧᬳᬶᬦ᭄ᬤᬶᬓᬦ᭄᭞ᬭᬭᬶᬲ᭄ᬫᬢᬸᬃᬫᬮᬶᬄᬭᬶᬂᬳᬶᬤᬲᬂᬧ᭄ᬭᬪᬸᬓᬮᬶᬄᬭᬶᬂᬳᬶᬤᬧᬤᬡ᭄ᬥ᭞ᬦᬸᬦᬲᬂᬤᬾ
ᬯᬰᬲᬦᬾᬩᭂᬘᬶᬓ᭄᭞ᬩ᭄ᬯᬢ᭄ᬧᬫᬃᬕ᭄ᬕᬶᬦᬾᬚᬕᬶᬫᬩᬸᬜ᭄ᬘᬶᬂ᭟ᬤᬾᬦᬶᬂᬲᬫ᭄ᬧᬸᬦ᭄ᬓᬧᬳᬶᬘᬤᬾᬯᬰᬲᬦᬾᬫᬳ᭠ᬬᬸᬧᬘᬂᬫᬩᬸᬜ᭄ᬘᬶᬂ᭞ᬭᬭᬶᬲ᭄ᬳᬶᬤᬭᬤᬾᬦ᭄ᬫᬦ᭄ᬢ᭄ᬭᬶᬓᬮᬶᬄᬭᬤᬾᬦ᭄ᬤᬶᬯᬶᬓᬩᬸᬜ᭄ᬘᬶᬗᬂᬭᬶᬂᬳᬶᬤᬲᬂᬧ᭄ᬭᬪᬸ᭞ᬲᬓᬤᬶᬉᬧᬵᬘᬭᬦᬶᬂᬧᬩᬸᬜ᭄ᬘᬶ᭠
