[᭖᭘ 68B]
᭖᭘
ᬳᬬᬸᬍᬯᬶᬄᬢᭀᬢᭀᬦᬦ᭄᭞ᬭᬲᬫᬓ᭄ᬮᬧ᭄ᬓᭂᬮᬧ᭄ᬤᬶᬫᬢ᭞ᬫᬕᬦ᭄ᬢᬸᬂᬕᬦ᭄ᬢᬸᬂᬤᬶᬳᬢᬶ᭟ᬳᬤᬚᭂ᭠ᬦᭂᬂᬭᬲᬓᭂᬦᭂᬳᬾᬩᬸᬤᬸᬄᬓᭂᬦᬕᬸᬡᬦ᭄ᬳᬶᬚᬭᬦ᭄ᬕᬸᬬᬂ᭟ᬬᬦ᭄ᬳᬧᬫᬓᬤᬓᭂᬦᭂᬳᬾᬩᬸᬓᬓᬾᬦᬾ᭞ᬜᬕ᭄ᬋᬫᬸ
ᬓ᭄ᬩᬸᬓᬕ᭄ᬥᬳᬾᬧᬦ᭄ᬢᬶᬕᬂ᭞ᬢᭀᬂᬓᭂᬦᬩᬳᬦ᭄ᬦᬸᬧ᭄ᬢᬸᬧᬂ᭞ᬩᬳᬦ᭄ᬗᬢᭀᬦᬂᬓᬚᭂᬕᬾᬕᬦ᭄ᬦᬾᬦᬶᬤᬾᬯᬶᬭᬢᬶᬄ᭟ᬩᬸᬯᬶᬦ᭄ᬤᬸᬮᬸᬭᬶᬦ᭄ᬳᬦ᭄ᬢᬸᬓ᭄ᬧᬗᬦ᭄ᬤᬶᬓᬦ᭄ᬲᬂᬯᬶᬓᬸᬲᬂᬫᬳᬃᬱᬶ᭟ᬤᬤᬶᬜᬸᬫᬶᬗ᭄ᬓᬶᬦᬂᬳᬶᬤᭂᬧᬾᬳᭀᬲᬄ᭟ᬫᭂᬓ
ᬩᬸᬓᬩ᭄ᬮᬶᬩ᭄ᬮᬶᬧᬤᬫᬓᭂᬚᬂ᭞ᬢᬶᬡ᭄ᬥᬶᬄᬮᬓᬭᬢᭂᬓᬾᬦ᭄ᬤᬾᬯᬾᬓ᭄ᬢ᭄ᬬᬗᬾ᭟ᬦᬄ᭞ᬬᬦ᭄ᬲᬸᬩᬢᬶᬡ᭄ᬥᬶᬄᬢᬸ᭠ᬫᬢᬶᬗ᭄ᬕᬮ᭄ᬳᬸᬮᬶᬤᬾᬯᬾᬓ᭄ᬢ᭄ᬬᬗᬾ᭞ᬓᭂᬦᬩ᭄ᬮᬶᬩ᭄ᬮᬶᬧᬤᬬᬢ᭄ᬦᬵ᭞ᬢ᭄ᬭᬸᬲᬂᬧᭂᬲᬦ᭄ᬳᬶᬥᭂᬧᬾᬫᬕᬸᬲ᭄ᬢᬶᬭᬶᬂᬢ᭄ᬬᬂ᭞ᬳᭂᬤᬧᭂᬲᬦ᭄ᬩᭂᬮᬶᬗᬸᬢᬂᬢ᭄ᬬᬂ
᭞ᬳᬧᬂᬲᬸᬓᬢᬺᬱ᭄ᬡᬵᬳᬲᬶᬄᬳᬶᬤᭂᬧᬾᬫᬕᬸᬲ᭄ᬢᬶᬩᬸᬓᬦᬾᬲᬸᬩᬵ᭟ᬮᬳᬸᬢ᭄ᬫᬢᬸᬃᬳᬶᬭᬗ᭄ᬕᬢ᭄ᬭᬶᬚᬝ᭞ᬓᭂᬩᭀᬫᬢᬶᬲ᭄᭞ᬳᬶᬍᬫ᭄ᬩᬸᬓᬶᬭᬫ᭄ᬯᬄᬳᬶᬕᬕᬓ᭄ᬩᬦᬶᬂ᭞ᬫᬩ᭄ᬭᬶᬬᬸᬓ᭄ᬱᬩᬋᬗᬦ᭄ᬳᬢᬸᬃᬦ᭄ᬦᬾ᭟ᬳᬶᬗ᭄ᬕᬶᬄ᭞ᬭᬢᬸᬦ᭄ᬢᬶᬢ᭄ᬬᬗᬾᬳᬦᬓ᭄ᬳᬕᬸᬂᬳ
[᭖᭙ 69A]
᭖᭙
ᬦᭀᬫ᭄᭞ᬲᬫ᭄ᬧᬸᬦᬂᬳᬶᬤᬾᬯᬗᬦ᭄ᬤᬶᬓᬳᬲᬧᬸᬦᬶᬓᬵ᭟ᬫᬯᬶᬦᬦ᭄ᬢᬶᬢ᭄ᬬᬂᬗᬶᬭᬶᬂᬭᬯᬸᬄᬫ᭄ᬭᬶᬓᬶ᭞ᬧᬸᬦᬧᬶ᭠ᬲᬶᬄᬩ᭄ᬯᬢ᭄ᬲᬸᬪᬓ᭄ᬢᬶᬢ᭄ᬬᬗᬾᬗᬶᬭᬶᬂᬘᭀᬓᭀᬃᬳᬶᬤᬾᬯ᭟ᬧᬸᬦᬧᬶᬫᬮᬶᬄᬳᬸᬭᬶᬧ᭄᭞ᬤ᭄ᬬᬲ᭄ᬢᬸᬢᬶᬢ᭄ᬬᬂᬧᬤᭂᬫ᭄ᬗᬶᬭᬶᬂᬓᬬᬸᬦ᭄ᬘᭀᬓᭀᬂᬳᬶ
ᬤᬾᬯ᭞ᬯᬦ᭄ᬢᬄᬢᬶᬢ᭄ᬬᬂᬲᬳᬶᬭᬶᬂ᭞ᬧᬶᬢᬸᬯᬶᬲᬗ᭄ᬓᬦᬶᬂᬢᬶᬢ᭄ᬬᬂᬲᬸᬪᬓ᭄ᬢᬶᬗᬶᬭᬶᬂᬧᬓᬬᬸᬦᬦ᭄᭟ᬗᬦ᭄ᬤᬶᬓᬭᬤᬾᬦ᭄ᬫᬦ᭄ᬢ᭄ᬭᬶ᭠ᬳᬦᭀᬫ᭄᭞ᬦᬄᬬᬦ᭄ᬲᬸᬩᬳᬓᬾᬢᭀ᭞ᬚᬮᬦ᭄ᬳᬦᬓᬾᬳᬶᬲ᭄ᬢ᭄ᬭᬶᬍᬯᬶᬄᬳᭂᬦ᭄ᬢᭀᬧᬺᬩᬸᬢᬶᬦ᭄᭞ᬤ᭄ᬬᬲ᭄ᬢᬸᬮᬓᬃᬫᬲ᭄ᬬᬢ᭄ᬚᬮᬦ᭄ᬢᬦ᭄ᬤ᭠
ᬓᬶᬦ᭄᭞ᬓᭂᬦᬩ᭄ᬮᬶᬩ᭄ᬮᬶᬧᬤᬫᬓᭂᬚᬂᬳᬧᬂᬬᬢ᭄ᬦᬢᭂᬓᬾᬦᬶᬂᬤᬾᬯᬾᬓ᭄᭞ᬳᬧᬂᬲᬸᬩᬦᬦ᭄ᬓᬭᬶᬳᬶᬦᬦ᭄ᬫᬸᬲᬸᬄ᭟ᬳᬧᬂᬩᬓᬢ᭄ᬚᬩᬳᬦ᭄ᬳᬦᬓᬾᬳᬶᬲ᭄ᬢ᭄ᬭᬶᬍᬯᬶᬄᬳᭂᬦ᭄ᬢᭀᬫ᭄ᬮᬳᬶᬩᬂᬗᬩᬓᬧᬸᬃᬬ᭄ᬬᬦ᭄᭞ᬓ᭄ᬭᬡᬳᬬᬸᬦᬾᬢᬦ᭄ᬲᬶᬧᬶᬲᬶᬧᬶ᭞ᬫᬶᬦ᭠
ᬩ᭄ᬳ᭄ᬬᬂᬭᬢᬶᬄᬢᬸᬫᬸᬭᬸᬦ᭄ᬳᬗ᭄ᬮᬂᬮᬂᬳᬸᬮᬗᬸᬦ᭄᭟ᬢᬸᬲᬶᬂᬢᬳᬾᬦ᭄ᬧᭂᬲᬦ᭄ᬢ᭄ᬬᬂᬦᭂᬧᬸᬓᬶᬦ᭄ᬳᬦᬓ᭄ᬳᬶᬲ᭄ᬢ᭄ᬭᬶᬩᬸᬓᬓᬾᬦᬾᬍᬯᬶᬄᬦᬾ᭞ᬚᭂᬕᬾᬕᬾᬫᬗᬬᬂᬗᬬᬂ᭟ᬲᬳᬸᬃᬫᬦᬸᬓ᭄ᬫᬓᭂᬚᬂ᭟ᬳᬶᬗ᭄ᬕᬶᬄᬢᬶᬢ᭄ᬬᬂᬜᬤ᭄ᬬᬲᬳᬶᬭᬶᬂ᭟ᬬᬦ᭄ᬯᬦ᭄ᬢᬄᬓᬤᬕᬶᬗᬦ᭄ᬧᬶ
