Kaca:Bali-lontar-satwa-i-durma-250ppi.pdf/67

Saking Wikisource
Kaca puniki sampun kauji-wacén

[᭖᭖ 66B]
᭖᭖
ᬢᬾᬦᬶᬦ᭄᭞ᬳᬗ᭄ᬕᬾᬦᬳᬶᬭᬭᬾᬧᬸᬦᬶᬓᬩ᭄ᬯᬄᬩᬲᬂ᭞ᬫᬓᬧ᭄ᬬᬦᬓ᭄ᬳᬶᬧᬸᬦ᭄᭟ᬤᬾᬦᬶᬂᬲᬫ᭄ᬧᬸᬦ᭄ᬲᬸᬯᬾ᭠ᬳᬦ᭄ᬢᬸᬓᬫ᭄ᬬᬭᬳᬦᬓᬾᬳᬮᬶᬢ᭄ᬳᬶᬲ᭄ᬢ᭄ᬭᬶᬧᬸᬦᬶᬓ᭞ᬓᬾᬗᬶᬦ᭄ᬢ᭄ᬭᬸᬡᬶᬤᬾᬯᬾᬓ᭄ᬳᬶᬧᬸᬦᬾ᭞ᬳᬬᬸᬦᬾᬢᬦ᭄ᬧᬢᬡ᭄ᬥᬶᬗᬦ᭄‌‌ᬭ᭠
ᬲᬓᬲᭀᬃᬤᬤᬭᬶᬦᬾᬭᬶᬂᬓᬾᬦ᭄ᬤ᭄ᬭᬦ᭄᭞ᬩᬳᬦ᭄ᬓᬍᬯᬶᬳᬦ᭄ᬜᬦᬾ᭟ᬲᬬᬦ᭄ᬫᭂᬂᬧᭂᬂᬢ᭄ᬭᬸᬦᬶᬦᬾᬲᬬᬦ᭄ᬳᬗᬸ᭠ᬮᬗᬸᬦᬶᬦ᭄ᬧᬶᬲᬦ᭄᭞ᬳᬲᬶᬂᬗᬢᭀᬦᬂᬧ᭄ᬥᬲ᭄ᬓᬳᬾᬤᬦᬦ᭄᭟ᬳᬦᬓᬾᬳᬶᬲ᭄ᬢ᭄ᬭᬶᬢ᭄ᬭᬸᬦᬶᬧᬸᬦᬶᬓ᭞ᬫᬗ᭄ᬓᬶᬦ᭄ᬩᬓ᭄ᬢᬦᬫᬮᬬᬃᬭᬶᬂᬯᭀᬂ
ᬧ᭄ᬭᬳᬸᬳᬾᬧᬸᬦᬶᬓᬵ᭞ᬭᬶᬂᬢ᭄ᬧᬶᬦ᭄ᬳᬮᬲᬾᬓᬯᬸᬄᬳᬶᬧᬸᬦ᭄ᬜᬂᬘᬂᬧ᭄ᬭᬳᬸᬦᬫ᭄ᬧᭂᬓ᭄ᬧᬲᬶᬲᬶ᭟ᬳᬶᬭᬶᬓᬳᬶᬧᬸᬦ᭄ᬫᬗ᭄ᬓᬶᬦ᭄ᬫᬕᭂᬦᬄ᭟ᬬᬦ᭄ᬫᬸᬗ᭄ᬕ᭄ᬯᬶᬂᬳᬦᬓᬾᬳᬶᬲ᭄ᬢ᭄ᬭᬶᬧᬸᬦᬶᬓᬓᬭᬶᬲᭂᬦᭂᬂᬦᭀᬦ᭄ᬢᭀᬦ᭄ᬳᬸᬮᬗᬸᬦ᭄᭞ᬫᬮᬶᬄᬦᬾᬢᬦ᭄ᬯᬾᬦ᭄ᬢᭂᬦ᭄ᬧᬦ᭄ᬢᭂᬲ᭄ᬫᬮᬶᬗ᭄ᬕᬶᬄ
ᬭᬶᬂᬳᬮᬲ᭄ᬳᬮᬲᬾ᭞ᬳᬦᬓ᭄ᬳᬶᬲ᭄ᬢ᭄ᬭᬶᬢ᭄ᬭᬸᬦᬶᬫᬮᬶᬄᬳᬬᬸ᭟ᬳᬦ᭄ᬢᬸᬓᬾᬦᬾᬦ᭄ᬢᭂᬦ᭄ᬯᬾᬦ᭄ᬢᭂᬦ᭄ᬓᬳᬸᬮᬗᬸᬦᬦ᭄ᬭᬶᬂᬳᬮᬲᬾᬓᬮᬶᬄᬢ᭄ᬗᬳᬶᬂᬲᬫᬸᬤ᭄ᬭᬵ᭟ᬳᬦ᭄ᬢᬸᬓ᭄‌‌ᬧᭂᬲᬾᬗᬦ᭄ᬤᬦᬾᬦᬾᬧᬸᬦᬶᬓ᭞ᬤᬾᬯᬶᬭᬢᬶᬄᬢᬍᬃᬲᬓᬶᬂᬧᬳᬶᬘᬦ᭄ᬳᬶᬤᬲᬗ᭄ᬳ᭄ᬬᬂᬯᬶᬥᬶᬯᬰ᭠

[᭖᭗ 67A]
᭖᭗
ᬭᬶᬂᬳᬶᬤᬾᬯ᭟ᬳᬶᬗ᭄ᬕᬶᬄᬤᬾᬯᬲᬂᬗᬩᬕᬸᬲ᭄᭞ᬩᭂᬘᬶᬓ᭄ᬓᬤᬶᬳᬶᬤᬾᬯᬜᬭᬢᬂᬧᬶᬲᬦ᭄ᬳᬦᬓᬾᬳᬶᬲ᭄ᬢ᭄ᬭᬶᬳᬬᬸᬧᬸᬦᬶᬓ᭞ᬧᬢᬸᬢ᭄ᬧᬶᬲᬦ᭄ᬳᬗ᭄ᬕᭀᬦ᭄ᬳᬶᬤᬾᬯᬤᬕᬶᬂᬧᬸᬭᬶ᭞ᬲ᭄ᬥᭂᬂᬜᬦ᭄ᬤᬶᬂᬳᬶᬤᬾᬯ᭞ᬓᬤᬶᬰ᭄ᬮᭀᬓᬦᬾ᭞ᬲ᭄ᬮᭂᬧᬫᬳᬦ᭄ᬢᭂᬓᭂᬧ᭞ᬳᬶᬤᬾ
ᬯᬭᬶᬂᬤᬾᬯᬶᬭᬢᬶᬄ᭟ᬲᬚᬯᬶᬦᬶᬂᬳᬶᬤᬾᬯ᭞ᬦᬾᬦ᭄ᬢᭂᬦ᭄ᬯᬾᬦ᭄ᬢᭂᬦ᭄ᬱᬦᬾᬧᬢᬸᬢ᭄ᬚᬕᬶᬗᬫ᭄ᬩᬶᬮ᭄ᬤᬾᬯᬶᬭᬢᬶᬄᬧᬸ᭠ᬦᬶᬓᬵ᭟ᬬᬦᬶᬂᬓᭂᬤᭂᬄᬯᬾᬦ᭄ᬢᭂᬦ᭄ᬳᬦᬓ᭄ᬮ᭄ᬬᬦ᭄ᬱᬦᬾᬗᬫ᭄ᬩᬶᬮ᭄ᬤᬾᬯᬶᬭᬢᬶᬄᬧᬸᬦᬶᬓᬚᬦ᭄ᬢᭂᬦ᭄ᬧ᭄ᬭᬫᬗ᭄ᬓᬶᬦ᭄ᬳᬸᬯᬸᬕ᭄ᬱᬤᬶᬦᬢᬦ᭄ᬤᬤᭀ
ᬲ᭄ᬚᬦ᭄ᬫᬵᬫ᭄ᬯᬄ᭞ᬘᬸᬘᬸᬩᬸᬬᬸᬢ᭄ᬦ᭄ᬬᬢᬦ᭄ᬳᬫᬗ᭄ᬕᬸᬄᬭᬳᬬᬸ᭞ᬧᬧᬦᬭᬓᬵᬲᬦᬾᬓᬧᬗ᭄ᬕᬸᬄᬧᬸᬦᬶᬓᬵ᭟ᬦᬗ᭄ᬳᬶᬂᬬᬾ᭠ᬦᬶᬂᬳᬶᬤᬾᬯᬓᬬᬸᬦ᭄ᬗᬫ᭄ᬩᬶᬮ᭄ᬤᬾᬯᬶᬭᬢᬶᬄᬗᬗ᭄ᬕᬾᬦ᭄ᬳᬶᬤᬭᬩᬶ᭞ᬦᬾᬦ᭄ᬢᭂᬦ᭄ᬯᬾᬦ᭄ᬢᭂᬦ᭄ᬚᬕᬶᬜᬫᬾᬦᬶᬦ᭄ᬳᬦ᭄ᬢᬸᬓ᭄ᬓᬍᬯᬶᬳᬦ᭄ᬦᬾ᭞ᬭᬸᬫᬲ᭠
ᬢ᭄ᬳᬶᬤᬾᬯᬫᬤ᭄ᬭᬸᬯᬾᬫᬡᬶᬓ᭄ᬱᬓᭂᬘᬧ᭄᭟ᬲᬫᬮᬶᬄᬫᬯᬸᬯᬸᬄᬯᬸᬯᬸᬄᬓᬳᬕᬸᬗᬦ᭄ᬳᬶᬤᬾᬯᬦᬾ᭞ᬚᬕᬢ᭄ᬭᬳᬬᬸᬫᬶᬯᬄᬓᬯᬸᬮᬦᬾᬲᬫᬶᬲᬸᬓᬢᬺᬱ᭄ᬡᬵᬲᬶᬄᬗᬗ᭄ᬕᬾᬦ᭄ᬳᬶᬤᬾᬯᬕᬸᬲ᭄ᬢᬶ᭞ᬳᬦ᭄ᬢᬸᬓᬾᬳᬦᬓᬾᬮᬸᬄᬧᬸᬦᬶᬓᬳᬶᬲ᭄ᬢ᭄ᬭᬶᬓᬮᬶᬦ᭄ᬢᬂᬍᬯᬶᬄ᭞