Kaca:Bali-lontar-satwa-i-durma-250ppi.pdf/56

Saking Wikisource
Kaca puniki sampun kauji-wacén

[᭕᭕ 55B]
᭕᭕
ᬧ᭄ᬭᬳᬕᬸᬗᬾᬚᬦᬶᬢᬸᬭᬸᬦ᭄ᬧ᭄ᬭᬭᬢᬸ᭞ᬢ᭄ᬯᬄᬫᬸᬮᬳᬶᬬᬓᬯᬸᬮᬲᬶᬗ᭄ᬳᬧᬜ᭄ᬚᬭᭀᬦ᭄᭟ᬳᬶᬗ᭄ᬕᬶᬄᬬᬦ᭄ᬯᬦ᭄ᬢᬄ᭠ᬢ᭄ᬭᬸᬲ᭄ᬲᬸᬓᬳᬶᬥᭂᬧ᭄‌ᬚ᭄ᬭᭀᬦᬾᬗᬗ᭄ᬕᬾᬦ᭄ᬢ᭄ᬬᬂᬲᬯᬶᬢ᭄ᬭᬮᬘᬸᬃ᭞ᬦ᭄ᬤᬯᭂᬕᬂᬧᬶᬲᬦ᭄ᬢ᭄ᬬᬂᬭᬶᬂᬚ᭄ᬭᭀᬦᬾ᭞ᬗᬶᬭᬶᬂᬢ᭄ᬬᬂᬳᬢᭂᬄᬓᬦᬕᬭᬭᬶᬂ
ᬧᬸᬭᬶᬘᬭᬂᬲᬭᬶ᭞ᬢ᭄ᬬᬂᬚᬕᬶᬧᬋᬓ᭄ᬭᬶᬂᬕᬸᬲ᭄ᬢᬶᬦ᭄ᬚᭂᬭᭀᬦᬾᬫᬗ᭄ᬤᬵᬢ᭄ᬬᬂᬳᬸᬦᬶᬂᬭᬶᬂᬭᬤᬾᬦ᭄ᬫᬦ᭄ᬢ᭄ᬭᬶᬳᬦᭀᬫ᭄᭟ᬢᬦ᭄ᬜᬦ᭄ᬤᬂᬚ᭄ᬭᭀᬦᬾᬳᬶᬭᬶᬓᬶᬗᬲ᭄ᬢᬯ᭞ᬗᬶᬭᬶᬂᬧᬓᬬᬸᬦ᭄ᬕᬸᬲ᭄ᬢᬶᬦ᭄ᬚᭂᬭᭀᬦᬾ᭟ᬗᬶᬭᬶᬂᬲᬫ᭄ᬧᬸᬦ᭄ᬩᬸᬤᬮ᭄ᬲᬦᬾᬫᬗ᭄ᬓᬶᬦ᭄᭟ᬢᬦ᭄ᬧᬧ᭄ᬯᬭᬧᬶᬲ
ᬦ᭄ᬓᬬᬸᬦ᭄‌ᬚ᭄ᬭᭀᬦᬾ᭞ᬳᬶᬭᬶᬓᬶᬭᬳᬶᬦᬯ᭄ᬗᬶᬗᬲ᭄ᬢᬶᬢᬶᬯᬶᬥᬶ᭞ᬓᬤᭀᬂᬢ᭄ᬮᬲᬂᬗᬸᬜ᭄ᬘᬭᬂᬫᬦ᭄ᬢ᭄ᬭᬦ᭄ᬚᭂᬭᭀᬦᬾ᭞ᬚᬦ᭄ᬢᭂᬦ᭄ᬧᬶᬲᬦ᭄ᬢᬦ᭄ᬫᬫᬗ᭄ᬕᬶᬳᬶᬦ᭄ᬳᬚᬶᬦ᭄ᬳᬶᬤᬦᬾ᭟ᬳᬶᬗ᭄ᬕᬶᬄ᭞ᬬᬦ᭄ᬓᬬᬸᬦ᭄ᬚᭂᬭᭀᬦᬾᬫᬗ᭄ᬓᬶᬦ᭄ᬳᬶᬭᬶᬂᬢ᭄ᬬᬂᬩᬸᬤᬮ᭄ᬓᬦᬕᬭ᭞ᬳᬶᬭᬶᬓᬚᬕᬶᬚ
ᬦ᭄ᬢᭂᬦ᭄ᬧᬶᬲᬦ᭄‌ᬫᬗ᭄ᬕᬶᬳᬶᬦ᭄ᬭᬸᬧᬦ᭄ᬳᬦᬓᬾᬲᬦᬾᬓᬳᬲ᭄ᬢᬯᬵ᭞ᬢ᭄ᬬᬂᬚᬕᬶᬲᬸᬫᬗ᭄ᬕᬸᬧ᭄ᬫᬢᬸᬚᬸᬳᬶᬦ᭄ᬳᬦ᭄ᬢᬸᬓ᭄ᬯᬃᬡ᭄ᬦᬦ᭄ᬳᬶᬤ᭟ᬳᬶᬗ᭄ᬕᬶᬄᬬᬦ᭄ᬯᬦ᭄ᬢᬄᬳᬚ᭄ᬭᬶᬄᬚ᭄ᬭᭀᬦᬾᬧᭀᬗᭀᬭᬭᬶᬂᬕᬸᬲ᭄ᬢᬶᬦ᭄ᬚᭂᬭᭀᬦᬾ᭞ᬢ᭄ᬬᬂᬳᬢᬸᬭᬂᬲᬓᬤᬶᬓᬤᬶ᭞ᬲᬫᬮᬶᬄᬳᬮ᭠

[᭕᭖ 56A]
᭕᭖
ᬳᬬᬸᬦᬾᬢ᭄ᬬᬂᬚᬕᬶᬦᬗ᭄ᬕᬸᬂ᭟ᬲᬫ᭄ᬧᬸᬦᬂᬚᬚ᭄ᬭᭀᬦᬾᬲᬸᬫᬗ᭄ᬰᬬᬭᬶᬂᬢ᭄ᬬᬂ᭞ᬢ᭄ᬬᬂᬢᬦ᭄ᬳᬸᬦᬶᬂᬗ᭄ᬕᬯᬾᬗᬯᬾ᭞ᬢᬦᬶᬳᬤᬳᬤᬬᬂᬢ᭄ᬬᬂ᭞ᬲᬸᬓᬢ᭄ᬬᬂᬓᬉᬧᬵᬤᬃᬯ᭄ᬯᬲᬦᬾᬫᬗ᭄ᬓᬶᬦ᭄᭟ᬫᬭᬓᬾᬢᭀᬧᬗᬦ᭄ᬤᬶᬓᬦᬾ᭞ᬳᬶᬫᬗ᭄ᬓᬸᬥᬃᬫ᭄ᬫ᭞ᬳᬶᬢᬸᬭᬲᬶᬄ᭞ᬫ᭄ᬯᬄᬢᬸᬢᬸ
ᬢᬦ᭄ᬦᬾ᭞ᬓᬸᬫᭂᬜᭂᬢ᭄ᬤᬶᬳᬢᬶ᭞ᬩᬶᬮᬶᬄᬲᬚᬳᭂᬦ᭄ᬢᭀᬳᬚᬶᬦ᭄ᬳᬶᬤᬾ᭞ᬬᬦ᭄ᬳᬯᬲᬂᬫ᭄ᬭᬲᬧᬢᬸᬄᬲ᭄ᬯᬪᬵᬯᬦᬾ᭞ᬢᬶᬢᬄᬤᬦᬾᬦᬾᬗ᭄ᬭᬯᭀᬲ᭄ᬧ᭄ᬮᬧᬦ᭄ᬧᭂᬲᬦ᭄᭞ᬢᬸᬲᬶᬂᬓᬬᬸᬦ᭄ᬫᬤᬸᬳᬸᬭᬶᬦ᭄᭞ᬳᬧᬩᬸᬯᬶᬦ᭄ᬤᬶᬢᭂᬕᬓ᭄᭞ᬫ᭄ᬯᬄᬤᬶᬚᬮᬦ᭄᭞ᬗᬦ᭄ᬤᬧᬂᬧᭂᬲᬦ᭄ᬭᬕ
ᬦᬾᬮᬘᬸᬃᬩᬸᬯᬶᬦ᭄ᬯᭀᬂᬢᬦᬶ᭟ᬩᬸᬯᬶᬦ᭄ᬦᬾ᭞ᬢᬸᬲᬶᬂᬳᬤᬗᭀᬭᬳᬶᬦ᭄᭞ᬤᬤᬶᬤᬦᬾᬳᬸᬦᬶᬂᬭᬶᬂᬮᬶᬗ᭄ᬕᬶᬄᬜᬦᬾ᭞ᬤᬶᬓᬾᬦ᭄ᬓᬾᬦᬾᬚᬢᬸᬯᬄᬤᬦᬾᬢᬳᬸ᭟ᬳᭂᬦ᭄ᬢᭀᬓ᭄ᬭᬡᬦᬾᬳᬶᬫᬗ᭄ᬓᬸᬥᬃᬫ᭄ᬫᬫ᭄ᬯᬄᬢᬶᬫ᭄ᬧᬮ᭄ᬦᬾᬫᬓᭂᬚᬂ᭞ᬲᬸᬮᬸᬓ᭄ᬳᬶᬤᭂᬧ᭄ᬦᬾᬗᬢᭂᬄᬓᬦᬕᬭ᭞
ᬦᬗ᭄ᬓᬶᬮᬂᬤᬦᬾᬓᬧᬸᬭᬶᬘᬭᬂᬲᬭᬶ᭟ᬦᬗ᭄ᬳᬶᬂᬓᬾᬲᬂᬗᬢᭂᬄᬢ᭄ᬯᬭᬩᬸᬯᬶᬦ᭄ᬫᬚᬶᬜ᭄ᬚᬶᬦ᭄᭞ᬓᬶᬫᬸᬤ᭄ᬚᬮᬦᬾᬚᭂᬗᬾᬓ᭞᭠ᬯᬶᬭᬾᬄᬤᬦᬾᬫᬭᬹᬧᬯᬶᬓᬦ᭄᭞ᬢᬸᬃᬩᬾᬢᬾᬮ᭄ᬢᬶᬗ᭄ᬳᬮ᭄᭞ᬧᬳᬸᬍᬲᬦ᭄ᬳᬦᬓᬾᬗᬢᭀᬦᬂ᭟ᬬᬦ᭄ᬢᭂᬭᬫᬢᬓᭀᬦ᭄ᬲᬶᬂᬚᬲᬂᬗᬢᭂᬄᬫᬲᬳᬸᬃ᭞