[᭕᭓ 53B]
᭕᭓
ᬦᬶᬂᬓᬮᬗ᭄ᬕᭂᬗᬦ᭄ᬬᬰᬦ᭄ᬤᬦᬾᬦᬾᬤᬶᬢᬸ᭞ᬤᬤ᭄ᬬᬦ᭄ᬜᬫᬳᬦ᭄ᬤᬦᬾᬬᬰ᭞ᬫᬶᬋᬂᬰᬩ᭄ᬤᬲᬓᬶᬂᬫᬦ᭄ᬢᬭ᭞᭠ᬦᬗ᭄ᬳᬶᬂᬲ᭄ᬯᬭᬦᬾᬧᬸᬦ᭄ᬦᬶᬓᬵᬲ᭄ᬓᬤᬶᬗ᭄ᬭᬫᬂᬲᬯᬗᬾ᭟ᬓᬾᬦᬾᬰᬩ᭄ᬤᬦᬾ᭞ᬳᬶᬄᬘᬳᬶᬭᬵᬚᬧᬮ᭞ᬩᬸᬯᬢ᭄ᬓᬧᬕᭂᬳᬦ᭄ᬘᬳᬶᬦᬾᬗ᭠
ᬬᬰᬬᬂᬧ᭄ᬬᬦᬓ᭄ᬳᬧᬂᬫᭂᬮᬄ᭟ᬦᬄ᭞ᬦᬾᬚᬦᬶᬧ᭄ᬬᬦᬓ᭄ᬘᬳᬶᬦᬾᬳᬶᬤᬸᬃᬫᬲᬸᬩᬫᬳᬦ᭄ᬬᬰ᭞ᬫᭂᬮᬄᬧᭂᬲᬦ᭄ᬢᭀᬗᭀᬲ᭄ᬦᬾᬤᬶᬢᬸ᭞ᬬᬚᬦᬶᬫᬫᬸᬓ᭄ᬢᬶᬓᬲᬸᬓᬦ᭄ᬫ᭄ᬯᬄᬓᬯᬶᬃᬬ᭄ᬬᬦ᭄ᬤᬶᬯᬦᭀᬓ᭄ᬮᬶᬂ᭞ᬜ᭄ᬦᭂᬂᬳᬕᬸᬂᬗᭂᬦ᭄ᬢᬶᬦᬶᬦ᭄ᬳᬕᬸᬗᬾᬳᬦᬾᬮᬶᬗ᭄ᬲᬶᬃ᭟ᬫᬭ᭠
ᬓᬾᬢᭀᬢᬢᬃᬧᬶᬋᬗᬰᬩ᭄ᬤᬦᬾᬢᬸᬲᬶᬂᬳᬤᬓᬲᬦ᭄ᬤᬸᬂ᭞ᬧ᭄ᬭᬚᬦᬶᬋᬓᭀᬭᬕᬦ᭄ᬤᬦᬾᬦᬾᬓᭂᬩᬸᬲ᭄ᬫᬸᬭᬸᬩ᭄ᬩᬸᬓᬳᬧᬶᬦᬾ᭞ᬳᬦᬾᬲᬃᬯ᭄ᬯᬫᬶᬚᬶᬮ᭄ᬳᬸᬮᬶᬲᬹᬓ᭄ᬱ᭄ᬫ᭞ᬳᭂᬦ᭄ᬢᭀᬦᬲ᭄ᬢᬲᬂᬢᬸᬃᬗᭂᬲᭂᬂᬲᬳᬦᬦᬶᬂᬳᬦᬾᬗᬧᬸᬢ᭄ᬭᬕᬦ᭄ᬤᬦᬾᬦᬾ᭟ᬤ
ᬤᬶᬳᬶᬭᬵᬚᬧᬮᬧ᭄ᬭᬚᬦᬶᬩᬸᬓᬦᬾᬲᬸᬩᬭᬕᬦ᭄ᬦᬾ᭞ᬦᬗ᭄ᬳᬶᬂᬢᭀᬦ᭄ᬤᬾᬦ᭄ᬓᬾᬤᬤᬶᬩᬳᬦ᭄ᬤᬦᬾᬫᬢᬗᬶᬳᬸᬮᬶᬧᬢᭂᬕᬓᬦ᭄᭞ᬩᬳᬦ᭄ᬳᭂᬦᬸᬦᬸᬧ᭄ᬢᬸᬧᬂᬩᬬᬸᬧ᭄ᬭᬫᬡ᭟ᬫᬭᬫᬢᬗᬶ᭞ᬗᬗ᭄ᬓᬲᬗ᭄ᬓᬲ᭄ᬫᬫᬃᬕ᭄ᬕᬶ᭞ᬢᬸᬲᬶᬂᬧᭂᬲᬦ᭄ᬜᬶ᭠
[᭕᭔54A]
᭕᭔
ᬤ᭄ᬥᬬᬂ᭞ᬮᬳᬸᬢ᭄ᬢᬗᬦ᭄ᬦᬾᬫᬓᬤᬤ᭄ᬯᬵᬗᬶᬯᬦᭂᬗᭂᬦ᭄ᬳᬗ᭄ᬕᭀᬦᬢᬢ᭄ᬓᭂᬦ᭄᭞ᬫᬭᬜᬶᬤ᭄ᬥᬬᬂᬤᬦᬾᬫᬢ᭠ᬗᬶ᭞ᬦᬗ᭄ᬳᬶᬂᬢᬸᬲᬶᬂᬩᬦᬶᬓᬬᬸᬦ᭄ᬦᬾᬫᬓ᭄ᬱᬫᬚᬮᬦ᭄ᬕᬗ᭄ᬲᬃ᭞ᬳᭂᬦᬸᬫᬲᬶᬄᬧᬢ᭄ᬮᬦ᭄ᬧᭂᬲᬦ᭄᭟ᬤᬾᬦᬶᬂᬲᬸᬩᬫ᭄ᬭᬲᬚᭀᬄᬧ᭠
ᬚᬮᬦᬾ᭞ᬗᬗ᭄ᬲᬦ᭄ᬚᭀᬄ᭞ᬗᬗ᭄ᬲᬦ᭄ᬗᭂᬋᬗᬂᬭᬕᬦ᭄ᬦᬾᬫᬚᬮᬦ᭄᭞ᬮᬳᬸᬢ᭄ᬧᬓ᭄ᬱᬦᬓᬬᬸᬦ᭄ᬦᬾᬕᬕ᭄ᬮᬶᬲᬦ᭄ᬫᬫᬃᬕ᭄ᬕᬶ᭞ᬳᬧᬂᬳᬕᬾᬋᬓᭀᬭᬯᬸᬄᬤᬶᬲᬶᬗ᭄ᬳᬧᬜ᭄ᬚᬭᭀᬦ᭄᭚᭜᭚ᬢᬦ᭄ᬓᭀᬘᬧᬦ᭄ᬲᬸᬩᬫᬓ᭄ᬮᭀᬤᬦᬾᬫᬫᬃᬕ᭄ᬕᬶ᭞ᬢᬸᬃᬲᬸ
ᬩᬲᬯᬢ᭄ᬧᭂᬲᬦ᭄ᬧᬫᬃᬕ᭄ᬕᬶᬦᬾ᭞ᬓᬕᬾᬢ᭄ᬦᬧᬓ᭄ᬤᬦᬾᬲᬶᬕ᭄ᬢᭀᬗᭀᬲ᭄ᬳᬶᬫᬗ᭄ᬓᬸᬥᬃᬫ᭄ᬫᬦᬾᬗᬲ᭄ᬢᬯᬵ᭞ᬓᬧᬗ᭄ᬕᬶ᭠ᬳᬶᬦ᭄ᬳᬶᬬᬲ᭄ᬥᭂᬓ᭄ᬗᬲ᭄ᬢᬸᬢᬶᬯᬶᬥᬶᬤᬶᬧᬦᬢᬭᬦ᭄ᬧᬸᬭᬦᬾ᭟ᬫᬭᬳᬶᬫᬗ᭄ᬓᬸᬥᬃᬫ᭄ᬫᬫᬢᭀᬮᬶᬳᬦ᭄᭞ᬢᬗ᭄ᬓᭂᬚᬸᬢ᭄ᬳᬶᬬᬗᬢᭀᬦᬂᬲ᭄ᬯᬪᬵ
ᬯᬦ᭄ᬲᬂᬩᬯᬸᬭᬯᬸᬄ᭞ᬫᬓ᭄ᬢᬕᬶᬡᬶᬢ᭄ᬭᬶ᭞ᬫᬓᭂᬝᬸ᭞ᬮᬳᬸᬢ᭄ᬫᬮᬶᬗ᭄ᬕᬶᬄᬤᬶᬩᬩᬢᬸᬭᬦ᭄ᬕᭂᬤᭀᬗᬾ᭟ᬤᬾᬦᬶᬂᬢᬯᬄ᭠ᬳᬦᬓᬾᬢᭂᬓᬫᬳᬶ᭞ᬭᬲᬩᬸᬓᬗᬤᬸᬓᬤᬸᬓ᭄ᬧᬢᬧᬦᬾᬕ᭄ᬦᬳᬾᬗᬲ᭄ᬢᬯᬵ᭟ᬮᬳᬸᬢ᭄ᬫᬢᬸᬃᬧᬢᬓᬾᬦ᭄᭞ᬓᬾᬦᬾᬳᬢᬸᬃᬦᬾ᭞᭠
