Kaca:Bali-lontar-satwa-i-durma-250ppi.pdf/51

Saking Wikisource
Kaca puniki sampun kauji-wacén

[᭕᭐ 50B]
᭕᭐
ᬗᬬᬂᬗᬬᬂ᭟ᬫᬭᬲᬸᬳᬸᬤ᭄ᬳᬶᬤᬗ᭄ᬭᬯᭀᬲᬂᬓᬍᬯᬶᬳᬦ᭄ᬧᬸᬭᬶᬦᬾᬫ᭄ᬯᬄᬲᬉᬧᬵᬋᬗ᭄ᬕᬦ᭄ᬜᬲᬃᬯ᭄ᬯᬳᬲ᭄ᬭᬶ᭞ᬮᬳᬸᬢ᭄ᬳᬶᬭᬗ᭄ᬕᬵᬢ᭄ᬭᬶᬚᬝ᭞ᬳᬸᬫᬢᬸᬃᬳᬮᭀᬦ᭄᭟ᬳᬶᬗ᭄ᬕᬶᬄᬭᬢᬸᬳᬦᬓ᭄ᬳᬕᬸᬂᬳᬦᭀᬫ᭄᭞ᬫᬸᬗ᭄ᬕ᭄ᬯᬶᬂᬓᬍᬯᬶᬳᬦ᭄ᬧᬸᬭᬶᬦᬾᬫᬶᬯᬄᬲᬉᬧᬵᬋᬗ᭄ᬕ
ᬦ᭄ᬜ᭞ᬯ᭄ᬬᬓ᭄ᬢᬶᬢᬦ᭄ᬩᬶᬦᬩᬶᬦᬧᬶᬲᬦ᭄ᬭᬶᬂᬧᬸᬭᬶᬦ᭄ᬳᬶᬤᬲᬂᬧ᭄ᬭᬪᬸᬳᬚᬶᬦ᭄ᬘᭀᬓᭀᬃᬳᬶᬤᬾᬯ᭞ᬲᬓᬾᬯᬦ᭄ᬢᭂᬦ᭄‌‌ᬘᬾᬤᬦ᭄ᬳᬶᬧᬸᬦ᭄ᬫ᭠ᬮᬶᬄᬳᬓᬶᬤᬶᬓ᭄᭞ᬳᬦ᭄ᬢᬸᬓ᭄ᬘᭀᬓᭀᬃᬳᬶᬤᬾᬯᬤᬸᬭᬸᬂᬫᬤ᭄ᬭᬸᬯᬾᬧ᭄ᬭᬫᬾᬰ᭄ᬯᬭᬶ᭟ᬬᬦ᭄ᬧᬸᬦᬶᬓᬯᬾᬦ᭄ᬢᭂᬦ᭄‌᭞ᬲᬧᬸᬦᬧᬶᬓᬍᬯᬶᬳᬦ᭄ᬧᬸ
ᬭᬶᬦᬾ᭞ᬦᬾᬦ᭄ᬢᭂᬦ᭄ᬯᬾᬦ᭄ᬢᭂᬦ᭄ᬧᬶᬲᬦ᭄ᬗᬲᭀᬭᬂᬫᬮᬶᬄ᭟ᬭᬾᬄᬧᬸᬦᬶᬓᬯ᭄ᬬᬓ᭄ᬢᬶᬳᬗ᭄ᬕᬾᬦ᭄ᬫᬸᬲ᭄ᬢᬶᬓᬦᬶᬂᬧᬸᬭᬶᬦ᭄ᬘᭀᬓᭀᬃᬳᬶᬤᬾᬯ᭞ᬭᬸᬫᬲᬢ᭄ᬧᬗᬶᬓᭂᬢ᭄ᬘᭀᬓᭀᬃᬳᬶᬤᬾᬯᬬᬾᬦᬶᬂᬓᬬᬸᬦᬾᬧᬸᬂᬲᬂ᭟ᬬᬾᬦᬶᬂᬭᬯᬸᬄᬲᬓᬶᬂᬫᬮᬮᬸᬗᬬᬦ᭄᭞ᬯᬾᬦ᭄ᬢᭂᬦ᭄ᬲᬦᬾ᭠
ᬜᬧᬫᬶᬯᬄᬫᬜᭀᬤ᭄ᬥᬬᬂ᭞ᬲᬫᬮᬶᬄᬢᬦ᭄ᬫᬤᬕᬶᬂᬲ᭄ᬮᬂᬭᬶᬂᬧᬓᬬᬸᬦ᭄᭟ᬫᬭᬳᬓᬾᬢᭀᬳᬢᬸᬃᬦᬾᬳᬶᬭᬗ᭄ᬕᬵᬢ᭄ᬭᬶᬚᬝ᭞ᬗᬦ᭄ᬤᬶᬓᬳᬶᬤᬭᬤᬾᬦ᭄ᬫᬦ᭄ᬢ᭄ᬭᬶᬳᬦᬓ᭄ᬳᬕᬸᬂᬳᬦᭀᬫ᭄᭞ᬢᬸᬃᬲᭂᬫᬸᬳᬶᬘ᭟ᬳᭂᬤᬚᬵᬩ᭄ᬮᬶᬗ᭄ᬭᬯᭀᬲ᭄ᬩᬸᬓᬳᬓᬾᬢᭀ᭞ᬯᬶᬭᬾᬄᬓ

[᭕᭑ 51A]
᭕᭑
ᬘ᭄ᬭᬶᬓᬦ᭄ᬳᬶᬘᬗᬾᬢᭀᬦ᭄ᬤᬾᬦ᭄ᬜᬦ᭄ᬤᬂᬧᭂᬲᬦ᭄ᬫᬓᬸᬋᬦᬦ᭄ᬳᬦᬓᬾᬩᬸᬓᬳᬶᬘᬂ᭞ᬩᬸᬯᬶᬦ᭄ᬦᬾᬳᭂᬦᬸᬳᬶᬗᭂᬢ᭄ᬢᭂᬓᬾᬦᬶᬂᬮᬘᬸᬃ᭞ᬓᬢᬶᬗ᭄ᬕᬮᬦ᭄ᬫᬾᬫᬾᬩᬧ᭞ᬳᬸᬩᬸᬄᬢᬦ᭄ᬧᬩ᭄ᬭᬬ᭟ᬬᬦ᭄ᬜᬓ᭄ᬩᬸᬓᬢ᭄ᬬᬂᬗᬮᬶᬄᬢᬸᬲᬶᬂᬳᬫ᭄ᬩᬸᬮ᭄ᬳᬧᬫᬓ᭄ᬮᭀᬦ᭄ᬦᬾ᭞ᬭᬲᬳᬤᬫᬾᬄᬗᬸ
ᬕᬸᬳᬸᬓᬸᬤᬦ᭄ᬳᬶᬘᬗᬾ᭟ᬦᬄ᭞ᬩ᭄ᬯᬢ᭄ᬢᭀᬢᭀᬦᬦ᭄ᬩᬸᬯᬶᬦ᭄ᬧᬶᬤᬦ᭄ᬳᬶᬢᬸᬗᬂ᭟ᬬᬦ᭄ᬢᭀᬦ᭄ᬤᬾᬦ᭄ᬢᭂᬧᬸᬓ᭄ᬩᬧᬦ᭄ᬢ᭄ᬬᬗᬾᬦ᭠ᬗᬸᬦ᭄ᬩ᭄ᬭᬢᬤᬶᬳᬮᬲᬾ᭞ᬢᭀᬦ᭄ᬤᬾᬦ᭄ᬮᬓᬃᬢ᭄ᬬᬂᬗᭂᬦᭂᬳᬂᬳᬦᬓ᭄ᬮᬸᬄ᭞ᬩᬸᬯᬶᬦ᭄ᬲᬶᬂᬳᭂᬤᬮᬓᬃᬍᬕᭂᬍᬕᭂᬓᭂᬦᭂᬄᬢ᭄ᬬᬗᬾ᭟ᬫᬢᬸᬃᬳᬶ᭠
ᬭᬗ᭄ᬕᬵᬢ᭄ᬭᬶᬚᬝ᭞ᬲᬫ᭄ᬧᬸᬦᬂᬘᭀᬓᭀᬃᬳᬶᬤᬾᬯᬜᬸᬗ᭄ᬓᬦᬂᬳᬚᬶᬦ᭄ᬳᬶᬤᬾᬯᬦᬾᬧᬸᬦᬶᬓ᭞ᬳᬦ᭄ᬢᬸᬓ᭄ᬱᬫ᭄ᬧᬸᬦ᭄‌‌ᬧᬗ᭄ᬤᬦ᭄ᬲᬗ᭄ᬳ᭄ᬬᬂᬯᬶᬥᬶᬯᬰ᭟ᬗᬦ᭄ᬤᬶᬓᬳᬶᬤᬭᬤᬾᬦ᭄ᬫᬦ᭄ᬢ᭄ᬭᬶ᭟ᬦᬄᬘᬸᬢᭂᬢ᭄ᬩᬳᬦ᭄ᬢ᭄ᬬᬂᬫᬓᭂᬦᭂᬄ᭞ᬓᬤᭀᬂᬲᬸᬩᬢ᭄ᬬᬂᬩᬸᬓᬚᬦᬶ᭞ᬫᬲᬶᬄ
ᬢ᭄ᬬᬂᬫᬤ᭄ᬭᬸᬯᬾᬳᬶᬩᬧᬗᬾᬃᬢ᭄ᬬᬂᬢ᭄ᬬᬂᬩᬸᬓᬚᬦᬶ᭞ᬳᭂᬦ᭄ᬢᭀᬓ᭄ᬭᬡᬦᬾᬢ᭄ᬬᬂᬗᬮᬶᬄᬳᬶᬩᬧᬤᬶᬧᬢᬧᬦ᭄᭞ᬩᬸᬯᬶᬦ᭄‌‌ᬩ᭄ᬯᬢ᭄ᬳᬾᬮᬶᬂᬦᬾᬫᬧ᭄ᬬᬦᬓ᭄ᬢᭂᬓᬾᬦᬶᬂᬢ᭄ᬬᬂᬍᬩᬶᬄᬍᬩᬶᬄᬧᭂᬲᬦ᭄᭞ᬢᬸᬲᬶᬂᬳᬤᬗᬗ᭄ᬕᭀᬦ᭄ᬗᬸᬦ᭄ᬢᬲᬂ᭞ᬳᭂᬦ᭄ᬢᭀᬳᬦᬾᬗ᭄ᬭᬸᬧ