[᭔᭓ 43B]
᭔᭓
ᬤ᭄ᬬᬧᬶᬦ᭄ᬚᭂᬮᬾ᭞ᬳᬧᬩᬸᬯᬶᬦ᭄ᬳᬦᬾᬫᭂᬮᬄ᭞ᬬᭀᬕ᭄ᬬᬧᭂᬲᬦ᭄ᬢᬸᬳᬸᬢᬂ᭟ᬩᬸᬯᬶᬦ᭄ᬫᬢᬸᬃᬳᬶᬤᬸᬃᬫ᭄ᬫᬲᬃᬯ᭄ᬯᬶᬮᬶᬂᬢᬸᬃᬫᬜᭂᬫ᭄ᬩᬄ᭞ᬳᬶᬗ᭄ᬕᬶᬄᬭᬢᬸᬤᬾᬯᬳᬕᬸᬂ᭞ᬤᬾᬦᬶᬂᬓᭂᬤᭂᬄᬧᬶᬲᬦ᭄ᬫᬺᬕᬶᬮᬶᬫᬦᬄᬢᬶᬢ᭄ᬬᬗᬾ᭞ᬢᬦ᭄ᬯᬾᬦ᭄ᬢᭂᬦ᭄ᬧᬶᬲᬦ᭄ᬤᬤᭀᬲ᭄ᬧᬫᬶᬢᬶᬦ᭄ᬧᬓ᭠
ᬬᬸᬦ᭄ᬘᭀᬓᭀᬃᬳᬶᬤᬾᬯ᭞ᬢᬶᬢ᭄ᬬᬂᬢᬦ᭄ᬧᬜ᭄ᬚᬂᬳᬢᬸᬃᬫᬮᬶᬄ᭟ᬲᬓᬾᬯᬦ᭄ᬢᭂᬦ᭄ᬢᬶᬢ᭄ᬬᬂᬫᬧᬶᬦᬸᬦᬲ᭄᭞ᬫᬗ᭄ᬤᬵᬘᭀᬓᭀᬃᬳᬶᬤᬾ᭠ᬯᬗᬩᬶᬄᬤᬾᬯᬾᬓ᭄ᬢᬶᬢ᭄ᬬᬗᬾ᭞ᬳᬦ᭄ᬢᬸᬓ᭄ᬢᬶᬢ᭄ᬬᬂᬓᬭᬶᬯᭀᬂᬯᬶᬫᬸᬥᬫᬮᬶᬄᬦᬶᬱ᭄ᬝᬤᬫ᭞ᬢᬸᬦᬕᬸᬡᬢᬦ᭄ᬧᬓᬾᬃᬣᬶ᭞ᬢᬍᬃᬘᭀᬓᭀᬃᬳᬶ᭠
ᬤᬾᬯᬳᬶᬘᬗᬫ᭄ᬧᬸᬭᬬᬂᬲᬳᬶᬯᬂᬳᬶᬯᬂᬢᬶᬢ᭄ᬬᬗᬾ᭞ᬦᬶᬢᬳᬂᬓᬯᬸᬮᬤ᭄ᬭᬸᬯᬾᬦᬾᬲᬫᬶᬲᬦᬾᬓᬯᭂᬗ᭄ᬓᬸᬳᬦ᭄ᬢᬸᬓ᭄ᬢᬶ᭠ᬢ᭄ᬬᬂᬳᬶᬦᬶᬱ᭄ᬝᬤᬫᬢᬸᬦᬩᬸᬤ᭄ᬥᬶ᭟ᬫᬭᬓᬾᬢᭀᬳᬢᬸᬃᬦᬾᬳᬶᬤᬸᬃᬫ᭞ᬗᬦ᭄ᬤᬶᬓᬳᬦᬓᬾᬳᬕᬸᬂᬲᬃᬯ᭄ᬯᬶᬳᬶᬘᬫᬗᬓᬓ᭄᭟ᬳ᭞ᬳ᭞ᬳ᭞ᬦᬄ
ᬩ᭄ᬯᬢ᭄ᬢᭀᬢᭀᬦᬦ᭄ᬫᬲᬩᭂᬮᭀᬕ᭄ᬩᬧ᭞ᬢᬸᬲᬶᬂᬦᭂᬧᬶᬦ᭄ᬳᬧᬩᬸᬓᬩᬧ᭞ᬳᬦᬓᬾᬩᬸᬓᬘᭂᬦᬶᬂ᭟ᬲᬸᬳᬸᬤ᭄ᬳᬦᬓᬾᬳᬕᬸᬂᬳᬶᬘᬫᬗᬓᬓ᭄᭞ᬓᬢᬶᬫ᭄ᬩᬮ᭄ᬩᬳᬦ᭄ᬓᬯᬸᬮᬦᬾᬫᬓᭂᬚᬂ᭞ᬧᬧᬢᬶᬄ᭞ᬤ᭄ᬫᬂ᭞ᬢᬸᬫᭂᬗ᭄ᬕᬸᬂ᭞ᬧᬸᬗ᭄ᬕᬯ᭞ᬚᬓ᭄ᬱᬮᬦ᭄ᬓᬜ᭄ᬘ᭞ᬲᬩᬦ᭄ᬢᬲ᭄ᬳ
[᭔᭔ 44A]
᭔᭔
ᬦᬾᬦᬗ᭄ᬓᬶᬮ᭄ᬤᬶᬢᬸ᭞ᬕᬃᬕᬶᬢᬧᭂᬲᬦ᭄ᬳᬶᬤᭂᬧ᭄ᬦᬾ᭞ᬩᬳᬦ᭄ᬳᬶᬤᬸᬃᬫᬗᬶᬭᬶᬂᬓᬬᬸᬦ᭄ᬳᬶᬤᬳᬦᬓᬾᬳᬕᬸᬂᬜᭂᬦᭂᬂᬭᬢᬸᬤᬶᬲᬶᬗ᭄ᬳᬧᬜ᭄ᬚᬭᭀᬦ᭄᭞ᬯᬯᭂᬗ᭄ᬓᭀᬦ᭄ᬯᬦᭀᬓ᭄ᬮᬶᬂ᭞ᬢᬸᬃᬲᬹᬃᬬ᭄ᬬᬓᬾᬫᬯᬦ᭄ᬢᬶᬯᬦ᭄ᬢᬶᬢᬸᬲᬶᬂᬧᭂᬕᬢ᭄ᬧᭂᬕᬢ᭄ᬤᬶᬮᬶᬗ᭄ᬕᬶᬄᬳᬶᬤᬦᬾ᭞ᬜᬶᬭᬶᬬᬂᬮᬓᬃᬕᬸᬫᬶ
ᬦᬾᬳᬬᬸ᭞ᬧᬜ᭄ᬚᬓᬾᬮᬓᬃᬦᭂᬫᬸᬢᬶᬲ᭄ᬩᬸᬓᬤᬬᬸᬳᬶᬦ᭄᭟ᬬᬦ᭄ᬢᭀᬦ᭄ᬤᬾᬦ᭄ᬦᬶᬓᬬᬗᬲᭂᬧᬶ᭞ᬢᭀᬦ᭄ᬤᬾᬦ᭄ᬚᬮᬓᬃ᭠ᬲᭂᬧᬶᬲᬹᬃᬬ᭄ᬬᬓᬾ᭞ᬩᬳᬦ᭄ᬓᭂᬦ᭄ᬤᭂᬮ᭄ᬦᬾᬩᭂᬲ᭄ᬱᬗᭂᬢ᭄᭞ᬭᬲᬳᬫ᭄ᬩᬸᬮ᭄ᬫᭂᬦᬂᬳᬓ᭄ᬝᬶ᭞ᬳᬓᬾᬢᭀᬓᭂᬦᭂᬄᬓᬯᬸᬮᬦᬾᬫᬓᭂᬚᬂ᭞ᬳᬧᬩᬸ
ᬯᬶᬦ᭄ᬓᬬᬸᬦ᭄ᬳᬶᬤᬦᬾᬲᬸᬩᬍᬩᬶᬄᬍᬩᬶᬄᬓᬾᬦᬓ᭄᭞ᬢᬸᬲᬶᬂᬲᭂᬤᭂᬂᬢᬸᬢᬸᬭᬂᬩᬳᬦ᭄ᬓᬫ᭄ᬮᬳᬦᬾ᭚ᬗᬦ᭄ᬤᬶᬓᬳᬶᬤᬳᬦᬓᬾᬳᬕᬸᬂᬢᭂᬓᬾᬦ᭄ᬓᬯᬸᬮᬦᬾᬫᬓᭂᬚᬂ᭟ᬳᬶᬄᬩᬧᬧᬢᬶᬄ᭞ᬢᬸᬫᭂᬗ᭄ᬕᬸᬂ᭞ᬤ᭄ᬫᬂ᭞ᬧᬸᬗ᭄ᬕᬯ᭞ᬫᬦ᭄ᬢ᭄ᬭᬶ᭞ᬓᬜ᭄ᬘ᭞ᬚᬓ᭄ᬱ᭞ᬫ᭄ᬯᬄᬓᬯᬸᬮᬵ
ᬓᬯᬸᬮᬦ᭄ᬦᬶᬭᬦᬾᬤᬶᬦᬶᬧᬤᬫᬓᭂᬚᬂ᭞ᬦᬾᬚᬦᬶᬓᭂᬦᬫᬓᭂᬚᬂᬧᬤᬤᬶᬦᬶᬲᬸᬤᬶᬗᬗ᭄ᬕᭀᬦ᭄ᬳᬶᬦᬦᬓ᭄ᬕᬸᬲ᭄ᬢᬶ᭞ᬓᭂᬦᬫᬓᭂᬚᬂᬜᬸᬗ᭄ᬲᬸᬂᬳᬧᬂᬫᭂᬮᬄ᭞ᬳᭂᬤᬧᭂᬲᬦ᭄ᬫᬩᬶᬦᬩᬶᬦᬬᬦ᭄ᬳᬶᬤᭂᬧ᭄ᬩᬧᬦᬾᬜᬸᬗ᭄ᬲᬸᬂᬳᬶᬦᬦᬓ᭄᭞ᬭᬸᬫᬲᬢ᭄ᬦᬶᬭᬫᬲᬶᬄᬜᭂᬦᭂᬂᬭᬢᬸ
