[᭔᭒ 42B]
᭔᭒
ᬧᬫᬚᭂᬕᬂᬧᬦᬕᬭᬯᬦᭀᬓ᭄ᬮᬶᬗᬾ᭞ᬩᬳᬦ᭄ᬰᬢ᭄ᬭᬸᬦᬾᬮᬶᬬᬸᬳᬦᬾᬮᬓᬃᬢᭂᬓᬦ᭄ᬤᬸᬕᬗᬸᬲᬓᬲᬶᬓ᭄ᬩᬳ᭠ᬦ᭄ᬓᬫᭀᬫᭀᬳᬦ᭄ᬩᬧᬦᬾ᭞ᬭᬲᬰᬢ᭄ᬭᬸᬳᬘᭂᬗᭂᬮ᭄ᬢᬸᬲᬶᬂᬜᬶᬤᬬᬂᬩᬳᬦ᭄ᬩᬧᬫᬲ᭄ᬢ᭞ᬓᬮᬶᬗ᭄ᬓᬾᬗᬫᬢ᭄ᬬᬂ᭟ᬫᬢᬸᬃᬳᬶᬤᬸᬃᬫ᭞ᬳᬶᬗ᭄ᬕᬶᬄᬭ
ᬢᬸᬤᬾᬯᬕᬸᬂ᭞ᬲᬫ᭄ᬧᬸᬦᬂᬧᬶᬲᬦ᭄ᬗᬮᬶᬗ᭄ᬕᬶᬳᬶᬦ᭄ᬧᬶᬦᬸᬦᬲ᭄ᬓᬯᬸᬮᬦᬾᬲᬫᬶ᭞ᬫᬗ᭄ᬤᬵᬲᬫ᭄ᬧᬸᬦ᭄ᬘᭀᬓᭀᬃᬳᬶᬤᬾᬯᬗᭂ᭠ᬕᬳᬢᬸᬃᬓᬯᬸᬮᬦᬾᬲᬫᬶ᭞ᬢᭀᬬᬧᬸᬢᭂᬓ᭄ᬭᬯᭀᬲᬂᬢᭀᬬᬲᬸᬘᬶᬦᬶᬃᬫ᭄ᬫᬮᬵ᭞ᬫᬶᬯᬄᬳᬶᬧᬓ᭄ᬱᬶᬕᬕᬓ᭄ᬩᬯᭀᬲᬂᬘᭀᬓᭀᬃᬳᬶᬤᬾᬯ
ᬓᬸᬦ᭄ᬢᬸᬮ᭄ᬳᬗ᭄ᬮᬬᬂ᭞ᬢᬍᬃᬳᬶᬦ᭄ᬤᬬᬂᬩᬯᭀᬲᬂᬫᬶᬯᬄᬢᬶᬫ᭄ᬩᬗᬂᬲᬋᬂᬫᬓᬾᬄ᭞ᬫᬗ᭄ᬤᬵᬲᬫ᭄ᬧᬸᬦ᭄ᬫᬓᬩᬾᬜ᭄ᬚᬂᬧᬸᬗ᭄ᬓᬸᬃᬤᬤᭀᬲ᭄ᬢᬗ᭄ᬕᬸᬦ᭄ᬭᬯᭀᬲ᭄᭟ᬬᬦ᭄ᬯᬦ᭄ᬢᬄᬓᬮᬸᬕ᭄ᬭᬳᬵᬧᬶᬦᬸᬦᬲ᭄ᬢᬶᬢ᭄ᬬᬗᬾᬢᬦ᭄ᬫᬳᬯᬦᬦ᭄ᬢᬶᬢ᭄ᬬᬂᬲᬶᬲᬶᬧ᭄ᬗᬶᬭᬶᬂᬓᬬᬸᬦ᭄ᬘᭀᬓᭀᬃᬳᬶᬤᬾᬯ᭞ᬢᬶᬢ᭄ᬬᬂᬯᬦ᭄ᬢᬄᬫ
ᬧᬫᬶᬢ᭄ᬲᬧᬶᬲᬦ᭄᭞ᬩᭂᬘᬶᬓ᭄ᬘᭀᬓᭀᬃᬳᬶᬤᬾᬯᬗᬺᬋᬄᬮ᭄ᬬᬦᬦ᭄᭞ᬲᬫ᭄ᬧᬸᬦᬂᬘᭀᬓᭀᬃᬤᬾᬯᬫ᭄ᬩᬯᭀᬲᬂᬤᬾᬯᬾᬓ᭄ᬢᬶᬢ᭄ᬬᬗᬾ᭞ᬳᬦ᭄ᬢᬸᬓ᭄ᬱᬓᬤᬶᬢᬶᬢ᭄ᬬᬂᬢᬦ᭄ᬧᬢᬸᬢ᭄ᬘᭀᬓᭀᬃᬳᬶᬤᬾᬯᬗᬗ᭄ᬕᬾᬦ᭄ᬢᬶᬢ᭄ᬬᬂᬧᬸᬢ᭄ᬭ᭞ᬤᭀᬄᬧᬶᬲᬦ᭄ᬢᬦ᭄ᬤᬶᬂᬳᬶᬧᬸᬦ᭄᭞ᬳᬓᬾᬢᬾᬂᬢᬶᬫ᭄ᬧᬮ᭄ᬳᬓ᭄ᬝᬶ
[᭔᭓ 43A]
᭔᭓
ᬳᬲᬧᬸᬦᬶᬓᬳᬸᬧᬫᬶᬦ᭄ᬜ᭟ᬲᬫᬮᬶᬄᬬᬦ᭄ᬓᭂᬤᭂᬄᬧᬓᬬᬸᬦ᭄ᬘᭀᬓᭀᬃᬳᬶᬤᬾᬯᬜᭂᬦᭂᬗᬂᬢᬶᬢ᭄ᬬᬂᬭᬢᬸᬭᬶᬂᬯᬦᭀᬓ᭄ᬮᬶᬂ᭞ᬚᬦ᭄ᬢᭂᬦ᭄ᬲᬫ᭄ᬧᬸᬦ᭄ᬪᬸᬝᬪᬸᬝᬶᬦᬾᬫ᭄ᬯᬄᬧᬫᬮᬶᬦᬾᬗᭂᬤᬾᬓᬶᬦ᭄ᬢᬶᬢ᭄ᬬᬂᬗᬓᬓ᭄᭟ᬩᬗ᭄ᬕᬬᬂᬲᬫ᭄ᬧᬸᬦ᭄ᬢᬶᬢ᭄ᬬᬂᬫᬗ᭄ᬤᬵᬓᬦ᭄ᬢᬸᬦ᭄ᬲ᭄ᬓᬤᬶ
ᬲᬦᬾᬲᬫ᭄ᬧᬸᬦ᭄ᬤᬤᭀᬲ᭄ᬯᭀᬂᬢᬦᬶ᭚᭜᭚ᬗᬦ᭄ᬤᬶᬓᬩᬸᬯᬶᬦ᭄ᬳᬶᬤᬲᬂᬧ᭄ᬭᬪᬸᬲᬃᬯ᭄ᬯᬶᬫᬦᬶᬲ᭄᭟ᬳᬶᬄᬫᬲ᭄ᬩᬧᬦᬾᬘᭂᬦᬶᬂ᭞ᬳᭂᬤᬚᬘᭂᬦᬶᬂᬧᭂᬗ᭄ᬓᬸᬂ᭞ᬳᬶᬤᭂᬧᬂᬧᭂᬲᬦ᭄ᬧᬫᬸᬜᬶᬦ᭄ᬩᬧᬦᬾ᭞ᬬᬦ᭄ᬢᬭᬗᬶᬤᭂᬧᬂᬚ᭄ᬮᬾᬳᬦᬓᬾᬩᬸᬓᬩᬧ᭞ᬭᬸᬫᬲᬢ᭄ᬘᭂ
ᬦᬶᬂᬗᬸᬩᬤᬶᬦ᭄ᬲᬓᬶᬢ᭄ᬩᬧᬦᬾᬫ᭄ᬯᬄᬲᬓᬶᬢ᭄ᬕᬸᬫᬶᬦᬾ᭟ᬓ᭄ᬭᬦᬩᬧᬦ᭄ᬤᬶᬗᭂᬄᬢᬸᬢᬸᬃᬳᬦᬓᬾᬳᭀᬤᬄ᭞ᬢᬸᬲᬶᬂᬤᬤᬶᬧᭂᬲᬦ᭄ᬳᬦᬓᬾᬳᬓᬸᬳᬕᭂᬫᬂᬢ᭄ᬯᬭᬦᬯᬸᬃᬧ᭄ᬭᬢᬶᬚ᭄ᬜᬵ᭞ᬬᬦ᭄ᬳᭂᬦ᭄ᬢᭀᬩᬦᬶᬩᬧᬗᭂᬍᬫ᭄᭞ᬧᭂᬤᬲ᭄ᬚᭂᬮᬾᬧᬮᬦ᭄ᬜ᭞ᬢᬺᬳ
ᬦᭂᬫᬸᬦᭂᬫᬸᬭᬳᬬᬸ᭟ᬳᭂᬦ᭄ᬢᭀᬓ᭄ᬭᬦᬩᬸᬓᬩᬧᬫᬺᬕᬶᬮᬶᬳᬶᬤᭂᬧ᭄ᬘᭂᬦᬶᬗᬾ᭞ᬳᬧᬂᬲᬸᬤᬶᬚᬩᬸᬓᬘᭂᬦᬶᬂᬗᬶᬤᭂᬧᬂᬧᬶᬢᬸᬢᬸᬃᬩᬧᬦᬾ᭞ᬭᬾᬄᬳᬶᬧ᭄ᬬᬦᬓ᭄ᬢᬦ᭄ᬯᭂᬦᬂᬢᭂᬫ᭄ᬧᬮ᭄ᬢᭂᬓᬾᬦ᭄ᬱᬧᬓᭀᬦᬶᬂᬧᬕᬸᬭ᭄ᬯᬦ᭄᭞ᬯ᭄ᬬᬤᬶᬦ᭄ᬱᬧᬓᭀᬦᬶᬂᬲᬂᬧ᭄ᬭᬪᬸ᭞ᬬ
