[᭓᭖ 36B]
᭓᭖
ᬭᬵᬓ᭄ᬱᬲ᭞ᬲᬬᬦ᭄ᬋᬡᬧᬶᬲᬦ᭄ᬳᬶᬤᭂᬧ᭄ᬦᬾᬳᬶᬭᬵᬓ᭄ᬱᬲᬫᬦᬶᬗᭂᬳᬂᬧᬗᬚᬸᬫ᭄ᬳᬶᬤᬸᬃᬫ᭄ᬫᬦᬾ᭞ᬤᬶᬢᬸᬮᬳᬸᬢ᭄ᬢᬸᬢᬸᬭᬗᬲᬳᬶᬦ᭄ᬤᬶᬓ᭄ᬳᬶᬦ᭄ᬤᬶᬓ᭄ᬜᬦᬾᬫᬓ᭄ᬭᬦᬩᬶᬲᬰᬓ᭄ᬢᬶ᭞ᬢᬸᬲᬶᬂᬳᬤᬗᬮᬳᬂᬲᬤᬸᬳᬸᬭᬶᬂᬢᬦᬄᬫ᭄ᬯᬄᬲᭀᬭᬶᬂᬳᬓᬱ᭟ᬓᬾᬦᬾᬫᬸᬜᬶᬦ᭄ᬦᬾ
᭟ᬳᬶᬄᬘᭂᬦᬶᬂᬤᬸᬃᬫ᭞ᬮᬫᬸᬦ᭄ᬘᭂᬦᬶᬂᬫᬩᬸᬤ᭄ᬥᬶᬳᬧᬂᬢᬳᬸᬓᬰᬓ᭄ᬢ᭄ᬬᬦ᭄ᬫᬾᬫᬾᬦᬾᬫ᭄ᬯᬄᬩᬧᬦ᭄ᬘᭂᬦᬶᬗᬾ᭞ᬲᬓᬾᬯᬮᬲ᭄ᬮᭂ᭠ᬕᬂᬧᭂᬲᬦ᭄ᬫᬤᬶᬗᭂᬳᬂᬫᬸᬜᬶᬦ᭄ᬫᬾᬫᬾᬦᬾ᭟ᬦᬗ᭄ᬳᬶᬂᬩᬸᬓᬘᭂᬦᬶᬂᬳᭂᬤᬧᬢᬶᬯᬾᬭᬯᬾᬭ᭞ᬳᬧᬂᬢᬳᬸᬧᬤᬤ᭄ᬯᬦᬦ᭄ᬤᭀᬕᬾᬦ᭄ᬩ᭄ᬯᬢ᭄ᬳᬶᬲᬶ
ᬦ᭄ᬩᬲᬂᬫᬾᬫᬾᬦᬾ᭟ᬯᬶᬤ᭄ᬬᬥᬭᬶᬫᬤ᭄ᬭᬸᬯᬾᬧᬸᬢ᭄ᬭᬮᬦᬂᬓᬫᬦᬸᬱᬦ᭄ᬳᬤᬶᬭᬶ᭞ᬳᭂᬦ᭄ᬢᭀᬳᬦᬾᬮᬓᬃᬜᬶᬤ᭄ᬥᬬᬂᬜ᭄ᬯᬂᬳᬸᬭᬶᬧ᭄ᬫᬾᬫᬾᬦᬾ᭞ᬫ᭄ᬯᬄᬓᬧᬢ᭄ᬬᬦ᭄ᬩᬧᬦ᭄ᬩᬧᬦ᭄ᬘᭂᬦᬶᬗᬾ᭟ᬲᬚᬯᬶᬦᬶᬂᬓᬾᬢᭀ᭞ᬢᬸᬲᬶᬂᬧᭂᬲᬦ᭄ᬧᬘᬂᬜᬶᬤ᭄ᬥᬬᬂ᭠
ᬳᬦᬓᬾᬦᬕᬶᬄᬗᬫᬢᬶᬬᬂᬤᬾᬯᬾᬓ᭄ᬫᬾᬫᬾᬦᬾ᭞ᬫ᭄ᬯᬄᬓᬧᬢ᭄ᬬᬦ᭄ᬩᬵᬧᬦ᭄ᬘᭂᬦᬶᬗᬾ᭟ᬦᬗ᭄ᬳᬶᬂᬦᬾᬓᭂᬦᭂᬳᬂ᭠ᬫᬾᬫᬾ᭞ᬢᬸᬲᬶᬂᬳᬤᬧᭂᬲᬦ᭄ᬫᬦᬸᬱᬫᬭᬩᬶᬢᭂᬓᬾᬦᬶᬂᬯᬶᬤ᭄ᬬᬥᬭᬶ᭞ᬓᬮᬶᬂᬓᬾᬗᬦ᭄ᬢᬶᬫᬧᬸᬢ᭄ᬭ᭞ᬦᭂᬧᬸᬓᬶᬦ᭄ᬢᬸᬲᬶᬂᬢᬳᬾᬦ᭄᭟ᬬᬦ᭄ᬓᬶᬢ
[᭓᭗ 37A]
᭓᭗
ᬦᬫᬭᬩᬶ᭞ᬧᭂᬤᬲ᭄ᬢᬸᬲᬶᬂᬫᬧᬸᬢ᭄ᬭ᭟ᬳᭂᬦ᭄ᬢᭀᬓ᭄ᬭᬦᬫᬾᬫᬾᬩᬦᬶᬫᭂᬲ᭄ᬯᬂᬳᬶᬲᬶᬦ᭄ᬩᬲᬂᬫᬾᬫᬾᬦᬾᬢᭂᬓᬾᬦ᭄ᬘᭂ᭠ᬦᬶᬂ᭟ᬤᬤᬶᬳᬶᬤᬸᬃᬫᬩᭂᬗᭀᬂᬢᬸᬃᬕᬃᬕᬶᬢᬧᭂᬲᬦ᭄ᬓᭂᬦᭂᬄᬦᬾᬗᬶᬜ᭄ᬘᭂᬧᬂᬢᬸᬢᬸᬃᬫᬾᬫᬾᬦ᭄ᬦᬾ᭟ᬮᬳᬸᬢ᭄ᬳᬶᬬᬫᬓ᭄ᬭᬸᬦ᭞ᬳᬶᬗ᭄ᬕᬶᬄᬫᬾᬫᬾ᭞
ᬲᬫ᭄ᬧᬸᬦᬂᬚᬫᬾᬫᬾᬫᬲᬲᬸᬫ᭄ᬩᬃᬳᬲᬧᬸᬦᬶᬓ᭞ᬚᬮᬦᬾᬯᬾᬦ᭄ᬢᭂᬦ᭄ᬫᬦᬸᬱᬳᬲᬧᬸᬦᬶᬓᬵ᭞ᬦᬾᬦ᭄ᬢᭂᬦ᭄ᬓᬾᬳᬦᬓᬾᬓᬤᬶᬤᬾᬯᬾᬓ᭄ᬢ᭄ᬬᬗᬾᬤᬤᭀᬲ᭄ᬚᬚᬭᬳᬦ᭄᭟ᬫᬲᬳᬸᬃᬦᬶᬤᬸᬃᬕ᭄ᬕᬤᬾᬦᬶᬂ᭟ᬥᬸᬄᬫᬲ᭄ᬫᬓᬚᬶᬯᬦ᭄ᬫᬾᬫᬾᬦᬾᬳᬶᬘᭂᬦᬶᬂ᭞ᬳᭂᬤᬚᬵ᭠
ᬳᬶᬤᬾᬯᬲᬸᬫᬗ᭄ᬲᬬᬩᬳᬦ᭄ᬢᭀᬢᭀᬦᬦ᭄᭞ᬳᬦᬂᬳᬫ᭄ᬩᬸᬮ᭄ᬫᭂᬤᬗᬾᬘᭂᬦᬶᬂᬳᭂᬤᬚᭂᬚᭂᬄᬩ᭄ᬯᬢ᭄ᬢᭀᬢᭀᬦᬦ᭄᭞ᬫᬾᬫᬾᬗ᭄ᬮᬄᬢᬗ᭄ᬕᬸᬗᬦᬾ᭟ᬬᬦ᭄ᬲᬸᬩᬚᬫᬩᬤᬶᬂᬕᬸᬫᬶᬦᬾ᭞ᬕᬸᬦᬸᬗᬾᬤᬤᬶᬧᬲᬶᬄ᭞ᬲ᭄ᬯᬃᬕ᭄ᬕᬦᬾᬤᬤᬶᬓᬯᬄ᭞ᬓᬗᬶᬦ᭄ᬓᬯᬸᬳᬾ
ᬓᬚᬓ᭄ᬮᭀᬤᬾᬫᬓᭂᬚᬂᬫᬩᬤᬶᬂᬲᬩᬢᬲ᭄ᬲᬳᬶᬲᬶᬦᬶᬂᬕᬸᬫᬶᬦᬾ᭞ᬤᬶᬢᬸᬢᭀᬦ᭄ᬤᬾᬦ᭄ᬫᬲᬶᬄᬩᬓᬫᬾᬫᬾᬫ᭄ᬯᬄᬩᬧᬜ᭄ᬘᭂᬦᬶᬗᬾᬓᬃᬯ᭄ᬯᬦ᭄ᬮᬓᬃᬫᬢᬶ᭟ᬫᬭᬓᬾᬢᭀᬫᬸᬜᬶᬦ᭄ᬦᬾᬳᬶᬤᬸᬃᬕ᭄ᬕᬤᬾᬦᬶᬂ᭞ᬳᬶᬤᬸᬃᬫᬩᭂᬗᭀᬂᬢᬸᬲᬶᬂᬧᭂᬲᬸᬧᭂᬲᬸᬳᭀᬫᭀᬂ᭞ᬲ
