Kaca:Bali-lontar-satwa-i-durma-250ppi.pdf/30

Saking Wikisource
Kaca puniki sampun kauji-wacén

[᭒᭙ 29B]
᭒᭙
ᬭᬵᬓ᭄ᬱᬲᬓᬵᬮᬤᬺᬫ᭄ᬪ᭞ᬳᬶᬓᬵᬮᬫᬸᬓᬫ᭄ᬯᬄᬦᬶᬤᬸᬃᬕ᭄ᬕᬤᬾᬦᬶᬂᬩᬋᬂᬢ᭄ᬓᬾᬦ᭄ᬳᬶᬤᬸᬃᬫᬲ᭄ᬥᭂᬓ᭄ᬧᬤᬫᬧᬳᭀᬫᭀᬗᬦ᭄ᬤᬶᬢ᭄ᬗᬳᬶᬂᬳᬮᬲ᭄᭟ᬫᬓ᭄ᬭᬸᬦᬳᬶᬭᬵᬓ᭄ᬱᬲᬮᬸᬄᬦᬶᬤᬸᬃᬕ᭄ᬕᬤᬾᬦᬶᬂᬢ᭄ᬓᬾᬦ᭄ᬩᭂᬮᬶᬦᬾᬳᬶᬓᬵᬮᬤᬺᬫ᭄ᬪᬫ᭄ᬯᬄᬳᬶᬓᬵᬮᬫᬸᬓ᭟᭠
ᬳᬶᬄᬩ᭄ᬮᬶ᭞ᬩ᭄ᬮᬶ᭞ᬧᬸᬦᬶᬓᬶᬳᬸᬬᬸᬢ᭄ᬧᬶᬲᬦ᭄‌ᬲᬹᬃᬬ᭄ᬬᬓᬾᬫᬯᬦ᭄ᬢᬶᬯᬦ᭄ᬢᬶᬓᬢᬫ᭄ᬩᬸᬗᬶᬦ᭄ᬩᬳᬦ᭄ᬫᬸᬜᬶᬦ᭄ᬕᭀᬂᬪᬾᬭᬶᬫ᭄ᬯᬄᬩᭂᬦ᭄ᬤᬾ᭟ᬬᬦ᭄ᬫᬦᬳᬂᬢ᭄ᬬᬂᬫᬳᬶᬦᬩ᭄ᬰᬢ᭄ᬭᬸᬭᬯᬸᬄᬫᬫᬦᬄᬗᬺᬚᭂᬓ᭄ᬫ᭄ᬭᬶᬓᬶ᭟ᬫᬲᬳᬸᬢ᭄‌ᬩ᭄ᬮᬶᬦᬾ᭞ᬩᬄᬲᬚᬵ᭞ᬳᭂᬦ᭄ᬢᭀᬳᬧᬰᬢ᭄ᬭᬸᬦᬾ᭠
ᬢᭂᬓᬫᬭᬾᬭᭀᬤ᭄ᬭᬾᬭᭀᬤ᭄ᬳᬚᬓᬮᬶᬬᬸ᭞ᬲᬜ᭄ᬚᬢᬦᬾᬧᬤᬢᬶᬢᬶᬩ᭄ᬫᬓᭂᬚᬂ᭟ᬩᬾᬄᬍᬕᬧᭂᬲᬦ᭄ᬓᭂᬦᭂᬄᬩ᭄ᬮᬶᬦᬾᬮᬓᬃᬫᬳᬦ᭄ᬢᬢᬥᬳᬦ᭄᭞ᬦᬤᬄᬯᭀᬂᬲᬶᬗ᭄ᬳᬧᬜ᭄ᬚᬭᭀᬦᬾᬫᬓᭂᬚᬂ᭟ᬳᬸᬮᬶᬮᬯᬲ᭄ᬩᭂᬮᬶᬗᬶᬤᬫᬂᬫᬦᬸᬲᬢᬸᬲᬶᬂᬢᬳᬾᬦ᭄ᬢ
ᬳᬾᬦ᭄ᬫᬳᬦ᭄ᬢᬢᬤᬳᬦ᭄᭞ᬚᬦᬶᬲᬸᬩᬪᬕ᭄ᬬᬦᭂᬓ᭞ᬳᬦᬾᬢᬺᬳᬮᬶᬄᬦᭂᬓᬳᬂᬳᬶᬩᬦ᭟ᬩᬸᬯᬶᬦ᭄ᬫᬓ᭄ᬭᬸᬦᬳᬶᬤᬸᬃᬕ᭄ᬕᬤᬾᬦᬶᬂ᭞ᬳᬶᬗ᭄ᬕᬶᬄᬩ᭄ᬮᬶ᭞ᬬᬦ᭄‌ᬚᬢᬶᬳᬲᬧᬸᬦᬶᬓ᭞ᬩᭂᬘᬶᬓ᭄ᬩᭂᬮᬶᬬᬢ᭄ᬦᬳᬶᬦ᭄ᬧᬶᬲᬦ᭄᭞ᬢ᭄ᬬᬂᬢᬍᬃᬲᬋᬂᬦᬸᬮᬸᬗᬶᬦ᭄ᬦᬤᬄ᭞ᬫᬲᬳᬸᬃᬩ᭄ᬮᬶᬦᬾ᭟

[᭓᭐ 30A]
᭓᭐
ᬓᬤᭀᬂᬜᬳᬶᬢᬸᬲᬶᬂᬩᬋᬂ᭞ᬳᬾᬫᬦ᭄ᬧᭂᬲᬦ᭄ᬩᬳᬦ᭄ᬩᭂᬮᬶᬦᬗ᭄ᬓᭂᬧᬶᬦ᭄ᬢᬢᬤᬳᬦᬾᬢᭀᬢᭀᬦᬦ᭄ᬳᬚᬓ᭄ᬤᬤ᭄ᬯᬵ᭟ᬲᬓᬾᬯᬮᬩᬸᬓᬜᬳᬶᬬᬢ᭄ᬦᬳᬶᬦ᭄ᬤᭀᬕᬾᬦ᭄ᬳᬶᬤᬸᬃᬫᬳᬧᬂᬤᬳᬶᬬᬓᬶᬚᬓᬶᬚᬧᬚᬮᬦ᭄ᬦᬾ᭟ᬓᭂᬦᬜᬳᬶᬗᭂᬫᬶᬢ᭄ᬳᬚᬶᬧᬮ᭄ᬬᬢ᭄ᬤᭀ
ᬕᬾᬦ᭄‌ᬲ᭄ᬮᬫ᭄ᬧᬄᬮᬓᬸᬦ᭄ᬜ᭟ᬦᬄᬮᬫᬸᬦ᭄ᬜᬳᬶᬜᬶᬤᬬᬂᬦᭂᬕᬸᬮ᭄ᬓᭂᬦᭂᬄᬳᬶᬤᬸᬃᬫ᭞ᬚᬮᬦ᭄ᬚᬦᬶᬩᬋᬂᬫᬚᬮᬦ᭄ᬦᬦ᭄ᬤᬗᬶᬦ᭄‌ᬯᭀᬂᬯᬦᬓ᭄ᬮᬶᬂᬗᬾᬳᭂᬦ᭄ᬢᭀ᭟ᬫᬲᬯᬸᬃᬩᬸᬯᬶᬦ᭄ᬳᬶᬤᬸᬃᬕ᭄ᬕᬤᬾᬦᬶᬂ᭞ᬳᬶᬗ᭄ᬕᬶᬄᬳᬦ᭄ᬢᬸᬓ᭄ᬧᬸᬦᬶᬓ᭞ᬫᬲᬩ᭄ᬮᭀᬕ᭄ᬢ᭄ᬬᬂᬗᬫᬦᬳᬂᬳᬶᬤᬸᬃᬫᬧᬸᬦᬶᬓ᭟ᬲᬸᬳᬸᬤ᭄ᬫ
ᬧᬳᭀᬫᭀᬗᬦ᭄ᬓᬾᬢᭀ᭞ᬮᬦ᭄ᬢᬲ᭄ᬫᬚᬮᬦ᭄‌ᬳᬶᬭᬵᬓ᭄ᬱᬲᬧᬜᬫᬳᬦ᭄ᬳᬚᬓᬢᬢ᭄ᬮᬸᬦᬦ᭄ᬤᬓᬶᬦ᭄ᬰᬢ᭄ᬭᬸᬦᬾᬢᭂᬓ᭟ᬯᭀᬂ᭠ᬯᬦᭀᬓ᭄ᬮᬶᬗᬾᬲᬾᬧᬦᬦ᭄ᬦᬩ᭄ᬤᬩᬂᬕᭂᬮᬃᬦᬾ᭞ᬚᬕ᭄ᬲᬸᬩᬓᬢᭂᬓᬳᬶᬦ᭄ᬩᬳᬦ᭄ᬫᬸᬲᬸᬄ᭟ᬦᬾᬘᬸᬘᬸᬓᬗᬧᭂᬲᬦ᭄ᬦᬦ᭄ᬤᬶᬗᬶᬦ᭄ᬰᬢ᭄ᬭᬸᬦᬾ᭞ᬢ᭄ᬯᬭᬮᬾᬦ᭄‌ᬢ᭄ᬯᬄ
ᬳᬦᬾᬰᬓ᭄ᬢᬶᬩᬸᬯᬶᬦ᭄ᬢᭂᬕᬸᬄ᭞ᬦᬾᬫᬳᬤᬦ᭄ᬳᬶᬤᬸᬃᬕ᭄ᬕᬤᬾᬦᬶᬂ᭟ᬳᭂᬦ᭄ᬢᭀᬢ᭄ᬯᬄᬦᬾᬓᬳᬋᬧᬂᬢ᭄ᬓᬾᬦ᭄ᬩᭂᬮᬶᬦᬾᬗᭂᬦᭂᬫᬶᬦ᭄ᬫᬸᬲᬸᬳᬾᬢᭂᬓ᭟ᬢᬦ᭄ᬧᬦᬳᬦ᭄ᬦᬶᬤᬸᬃᬕ᭄ᬕᬤᬾᬦᬶᬂᬩᬺᬤᬶᬦ᭄ᬫᬸᬲᬸᬄ᭞ᬤᬶᬢᬸᬮᬳᬸᬢ᭄ᬳᬶᬤᬸᬃᬕ᭄ᬕᬤᬾᬦᬶᬂᬳᬸᬚᬦᬶᬦᬩᬳᬦ᭄ᬩᬢᬸ᭞ᬓᬩ᭄ᬤᬶᬮᬶᬦ᭄‌ᬓᬢᬸᬫ᭄ᬩᬓᬶ᭠