[᭒᭖ 26B]
᭒᭖
ᬳᬦᬓᬾᬳᬕᬸᬂᬫ᭄ᬯᬄᬲᬳᬧᬗᬶᬭᬶᬗᬾᬗᬺᬋᬧ᭄ᬤᬶᬫᬃᬕ᭄ᬕᬶᬳᬯ᭄ᬗᬶ᭞ᬩᬾᬜ᭄ᬚᬂᬲ᭄ᬫᭂᬂᬦᬾᬫᬫᬃᬕ᭄ᬕᬶᬢ᭄ᬭᬸᬲ᭄ᬢᬦ᭄ᬧᬭᬃ᭠ᬬ᭄ᬬᬦ᭄᭞ᬓᬕᬾᬢ᭄ᬯᬯᬸᬤᬯᬸᬄᬭᭀᬦᬧᬓ᭄ᬳᬶᬤᬤᬶᬢ᭄ᬗᬄᬳᬮᬲᬾ᭞ᬤᬶᬢᬸᬮᬳᬸᬢ᭄ᬧᬗᬶᬭᬶᬗᬾᬳᬶᬚᬸᬭᬸᬩᭀᬭᭀᬲ᭄ᬫᬓᭂ
ᬚᬂᬧᬤᬫᬕᭂᬕ᭄ᬮᬭᬦ᭄ᬧᬶᬭᬦ᭄ᬢᬶᬦᬶᬂᬫᬩᬸᬭᬸ᭟ᬮ᭄ᬯᬶᬭᬾ᭞ᬳᬤᬗᬦ᭄ᬤᬸᬧᬂᬘᬶᬘᬶᬂ᭞ᬳᬤᬦᭂᬕᬓᬶᬦ᭄ᬚᬭᬦ᭄ᬗᬸᬮᬳᬶᬦ᭄ᬲᬃᬯ᭄ᬯᬩᬸᬭᭀᬦᬾ᭞ᬳᬤᬫᬲᬂᬚᬭᬶᬂ᭞ᬳᬤᬫᬶᬧᬶᬢᬂᬮᬓᬃᬫ᭄ᬤᬶᬮ᭄᭞ᬩᬸᬯᬶᬦ᭄ᬳᬤᬳᬦᬾᬗᬸᬮᬄᬳᬚᬶᬢᬸᬫ᭄ᬩᬓ᭄᭞ᬢᬸᬃᬳᬦᬾᬢ
ᬦ᭄ᬧᬲᬜ᭄ᬚᬢᬜᬸᬃᬬ᭄ᬬᬓᬶᬦ᭄ᬩᬸᬭᭀᬦᬾᬳᬦᬾᬫ᭄ᬮᬳᬶᬩ᭄᭟ᬳᬧᬓᬤᬾᬦ᭄ᬭᬫᬾᬦ᭄ᬲᬸᬃᬬ᭄ᬬᬓᬾᬤᬶᬢ᭄ᬗᬄᬳᬮᬲᬾᬫᬯᬦ᭄ᬢᬶᬯᬦ᭄ᬢᬶᬢᬺᬧᭂᬕᬢ᭄ᬧ᭄ᬕᬢ᭄᭞ᬗᬦ᭄ᬢᬶᬧᬮᬶᬂᬳᬶᬲᬶᬦ᭄ᬳᬮᬲᬾᬫ᭄ᬮᬳᬶᬩ᭄᭟ᬫ᭄ᬮᬳᬶᬩ᭄ᬓᬗᬶᬦ᭄ᬳᬤᬗᬸᬮᬄ᭞ᬫ᭄ᬮᬳᬶᬩ᭄ᬓᬯᬸᬄᬫᬲᬶᬄᬳ
ᬤᬗᭂᬧᬸᬂᬢᬸᬃᬗᬦ᭄ᬤᬸᬧᬂ᭟ᬤᬤᬶᬲᬶᬂᬚᬳᬶᬬᬗ᭄ᬮᬄᬓᭂᬦᭂᬄᬬᬾᬦ᭄ᬩᬓᬮ᭄ᬳᬶᬤᬸᬧ᭄᭟ᬩᬸᬯᬶᬦ᭄ᬳᬤᬗᭂᬩᬸᬕ᭄ᬩᭂᬦ᭄ᬤᬾ᭞ᬳᬤᬗᬸᬧᬶᬦ᭄ᬧ᭄ᬭᬾᬭᬾᬢ᭄᭞ᬤᬤᬶᬳᬶᬚᬸᬭᬸᬩᭀᬭᭀᬲ᭄ᬲᬶᬂᬚᬗ᭄ᬮᬄᬓᭂᬦᭂᬄᬓᭂᬜᭂᬮ᭄᭞ᬕᬶᬭᬂᬩᬳᬦ᭄ᬭᬫᬾᬦ᭄ᬲᬹᬃᬬ᭄ᬬᬓᬾᬫᬯᬦ᭄ᬢᬶᬯᬦ᭄ᬢᬶᬢᬸ
[᭒᭗ 27A]
᭒᭗
ᬲᬶᬂᬧᬧᭂᬕᬢᬦ᭄᭞ᬓᬲᬳᬸᬭᬶᬦ᭄ᬩᬳᬦ᭄ᬫᬸᬜᬶᬦ᭄ᬕᭀᬂᬫ᭄ᬯᬄᬩᭂᬦ᭄ᬤᬾ᭟ᬭᬫᬾᬧᭂᬲᬦ᭄ᬤᬶᬢ᭄ᬗᬄᬳᬮᬲᬾᬢᬸᬃᬕᬃᬚ᭄ᬚᬶᬢᬧᭂᬲᬦ᭄ᬓᭂᬦᭂᬄᬳᬶᬚᬸᬭᬸᬩᭀᬭᭀᬲᬾ᭞ᬩᬳᬦ᭄ᬩᬸᬭᭀᬦᬾᬮᬶᬬᬸᬩᬓᬢᬗᬳᬤᬓᭂᬦᬚᬭᬶᬂ᭞ᬳᬤᬫᬢᬶᬳᬸᬬᬓ᭄ᬘᬶᬘᬶᬂ᭟ᬲᬳᬶ
ᬲᬶᬦ᭄ᬳᬮᬲᬾᬮᬶᬬᬸᬳᬦᬾᬩᬓᬢᬗ᭟ᬮ᭄ᬯᬶᬭᬾ᭞ᬩᭀᬚᭀᬕ᭄᭞ᬮᬸᬢᬸᬂ᭞ᬯᬭᬓ᭄᭞ᬩ᭄ᬭᬸᬯᬂ᭞ᬫᭀᬂ᭞ᬓᬶᬤᬂ᭞ᬫᬜ᭄ᬚᬗᬦ᭄᭞ᬘᬾᬮᬾᬂᬫ᭄ᬯᬂᬳᬶᬚᬸᬂ᭞ᬫ᭄ᬯᬄᬳᬦᬾᬮᬾᬦ᭄ᬮᬾᬦᬦ᭄᭞ᬮᬶᬬᬸᬧᭂᬲᬦ᭄ᬳᬦᬾᬓᭂᬦᬧᬦᬄ᭞ᬢᬸᬫ᭄ᬩᬓ᭄ᬫ᭄ᬯᬄᬩ᭄ᬤᬶᬮ᭄᭟ᬫᬭᬓᬾᬢᭀ
ᬩᬸᬯᬶᬦ᭄ᬲᬹᬃᬬ᭄ᬬᬓᬾᬫᬯᬦ᭄ᬢᬶᬯᬦ᭄ᬢᬶᬢᬸᬲᬶᬂᬧ᭄ᬕᬢ᭄ᬧ᭄ᬕᬢ᭄᭞ᬩᬳᬦ᭄ᬓᭂᬦ᭄ᬤᭂᬮ᭄ᬦᬾᬩᬲᬗᭂᬢ᭄ᬫᬓᭂᬚᬂᬢᬸᬲᬶᬂᬗᬲᬾ᭠ᬦ᭄ᬓᭂᬜᭂᬮ᭄ᬫ᭄ᬯᬂᬮᬬᬄᬯ᭄ᬬᬤᬶᬦ᭄ᬩᭂᬤᬓ᭄ᬫᬩᬸᬤ᭄ᬥᬶᬯᬭᬶᬄ᭚᭜᭚ᬤᬤ᭄ᬬᬦ᭄ᬜᬲᬂᬧ᭄ᬭᬪᬸᬳᬾᬕᬃᬧᭂᬲᬦ᭄ᬓᬬᬸᬦ᭄ᬳᬶᬤᬦᬾᬢᬸᬃᬳᬶᬤᬳᬸᬮᬶᬤᬸᬯᬸᬃᬢᬸᬦ᭄ᬤᬸ
ᬦ᭄ᬕᬚᬳᬾ᭞ᬗᬓ᭄ᬱᬶᬓᬯᬸᬮᬦ᭄ᬳᬶᬤᬦᬾᬧᬤᬕᬢᬶᬫᬳᬸᬩᭂᬃᬳᬸᬩᭂᬭᬦ᭄ᬧᬤᬢᬸᬲᬶᬂᬜᬓ᭄ᬫᬭᬾᬭᬾᬦ᭄᭞ᬗᬸᬮᬳᬂᬤᭀᬕᬾᬦ᭄ᬧᬚᬮᬦ᭄ᬦᬾᬫᬩᬸᬭᬸ᭞ᬬᬦ᭄ᬢ᭄ᬯᬄᬫᬳᬶᬲᬶᬓᭂᬦᭂᬄᬦᬾᬳᬶᬚᬸᬭᬸᬩᭀᬭᭀᬲ᭄᭞ᬫᬧᬶᬦᬸᬦᬲ᭄ᬳᬧᬂᬳᬩᭂᬲᬶᬓ᭄ᬳᬦᬾᬤᬶᬗ᭄ᬓᬶᬮ᭄᭞
