[᭒᭑ 21B]
᭒᭑
ᬳᬶᬧᬸᬦᬾ᭟ᬫ᭄ᬮᬳᬶᬩ᭄ᬢ᭄ᬬᬂᬓᭂᬫᬢᬸᬢᬸᬕ᭞ᬫ᭄ᬮᬳᬶᬩ᭄ᬢ᭄ᬬᬂᬫᬳᬶᬫᬲᬶᬄᬢᬸᬢᬸᬕ᭄ᬳᬶᬧᬸᬦ᭄᭞ᬓᬾᬗᬶᬦ᭄ᬓᬩ᭄ᬮᭂᬢ᭄ᬧᬶᬲᬦ᭄ᬫᬦᬄ᭠ᬢ᭄ᬬᬗᬾ᭞ᬦᬾᬦ᭄ᬢᭂᬦ᭄ᬯᬾᬦ᭄ᬢᭂᬦ᭄ᬚᬮᬦ᭄ᬫᬲᬂᬓ᭄ᬮᬶᬩᬦ᭄ᬫᬮᬶᬄ᭟ᬤᬤ᭄ᬬᬦ᭄ᬜᬓᬤᬕᬶᬗᬦ᭄ᬫᬦᬄᬳᬶᬧᬸᬦᬾᬓᬲ᭄ᬫᬵᬭᬦ᭄᭟ᬳᬲᬧᬸᬦᬶᬓᬧᬭᬶ
ᬳᬶᬦ᭄ᬤᬶᬓ᭄ᬢ᭄ᬬᬗᬾᬭᬶᬂᬳᬮᬲᬾ᭞ᬫᬗ᭄ᬤᬵᬕᬸᬲ᭄ᬢᬶᬳᬸᬦᬶᬂ᭟ᬬᬦ᭄ᬕᬸᬲ᭄ᬢᬶᬢᬦ᭄ᬗᭂᬕᭂᬭᬶᬂᬤᬾᬯᬾᬓ᭄ᬢ᭄ᬬᬗᬾ᭞ᬩᭂᬘᬶᬓ᭄ᬕᬸᬲ᭄ᬢᬶᬲᬦᬾᬫᬗ᭄ᬓᬶ᭠ᬦ᭄ᬦᬓᬾᬦᬶᬦ᭄ᬳᬦᬓᬾᬳᬶᬲ᭄ᬢ᭄ᬭᬶᬧᬸᬦᬶᬓᬶ᭟ᬮᬳᬸᬢ᭄ᬳᬸᬢᬸᬲᬦᬾᬩᬗ᭄ᬕ᭄ᬭᬲ᭄ᬧᬲᬳᬸᬢ᭄ᬦᬾ᭞ᬩᬾᬄᬬᬾᬦ᭄ᬳᬓᬾᬢᭀᬢᬶᬗ᭄ᬓᬄᬳᬦᬓᬾᬮᬸᬄᬦᬾ᭠
ᬢᬸᬲᬶᬂᬚᬳᬦᬓ᭄ᬮᬸᬄᬍᬯᬶᬄ᭞ᬢ᭄ᬯᬄᬚᬢᬶᬳᬦᬓ᭄ᬮᬸᬄᬮᬸᬳᬸ᭞ᬫ᭄ᬯᬄᬳᬶᬲ᭄ᬢ᭄ᬭᬶᬚᬮᬶᬃᬓᭀᬳᬤᬦ᭄ᬦᬾᬓᬲ᭄ᬫᬵᬭᬦ᭄ᬢ᭄ᬓᬾᬦ᭄ᬳᬦᬓ᭄ᬢ᭄ᬭᬸᬦᬩᬕᬸᬲ᭄᭟ᬚᬮᬦ᭄ᬲᬸᬩᬘᬳᬶᬫᬸᬮᬶᬄ᭞ᬤᭂᬧᬂᬓᬸᬢᬂᬬᬤᬶᬦᬶ᭞ᬧᬧᬓ᭄ᬭᬸᬗᬸᬓᭂᬦᭂᬄᬳᬦᬓᬾᬳᬦᬾᬚ᭄ᬮᬾ᭞ᬚᬸᬫᬄᬗᬮᬶᬄᬳᬦ
ᬓ᭄ᬮᬸᬄᬮᬫᬸᬜ᭄ᬘᬳᬶᬤᭂᬫᭂᬦ᭄᭞ᬭᬲᬍᬯᬶᬳᬦ᭄ᬢᭂᬓᬾᬦ᭄ᬢᬾᬦᬾᬦᬦ᭄᭞ᬫᬾᬄᬘᬳᬶᬫᬩᬳᬦ᭄᭟ᬮᬓᬃᬢᬸᬦ᭄ᬤᬾᬦ᭄ᬗᬾ᭠ᬦ᭄ᬓᬾᬦ᭄ᬳᬶᬬᬚᬸᬫᬄ᭞ᬚᬧᬶᬦ᭄ᬢᬸᬦ᭄ᬤᬾᬦ᭄ᬫᭂᬤᭂᬫ᭄ᬩᬗᬸᬦ᭄ᬢᭂᬓᬾᬦ᭄ᬧᬸᬧᬸᬃᬧᬸᬧᬸᬃᬫ᭄ᬯᬄᬕᬬᬄᬕᬬᬄ᭟ᬬᬜ᭄ᬘᬳᬶᬢᬸᬲᬶᬂᬦᬯᬂ᭞ᬳᭂᬦ᭄ᬢᭀᬲᬸᬩᬫᬳᬤᬦ᭄
[᭒᭒ 22A]
᭒᭒
ᬲᬾᬫ᭄ᬧ᭄ᬭᭀᬂᬫᬧ᭄ᬭᬤᬵ᭟ᬤᬾᬦᬶᬂᬓᬾᬢᭀᬧᬗᬦ᭄ᬤᬶᬓᬦᬾᬳᬶᬢᬸᬫᭂᬗ᭄ᬕᬸᬂᬕᬕᬓ᭄ᬩᬦᬶᬂᬢ᭄ᬓᬾᬦ᭄ᬳᬶᬤ᭄ᬫᬸᬂᬳᬫ᭄ᬧᬸᬳᬦ᭄᭞ᬤᬤᬶᬫ᭄ᬭᬲᬩᬶᬂᬫ᭄ᬩᬂᬓᭂᬦᭂᬄᬦᬾᬳᬶᬤᬸᬃᬫᬫᬸᬮᬶᬄ᭞ᬲᬭᬸᬩᬦ᭄ᬓᬮᬶᬧᬸᬢ᭄ᬢᭂᬓᬾᬦ᭄ᬳᬦᬓ᭄ᬮᬸᬄ᭞ᬓᭂᬦᭂᬄᬦᬾ᭞ᬬᬦ᭄ᬚᬦᬶᬫᬸᬮᬶᬄ
ᬓᬲᬶᬗ᭄ᬳᬧᬜ᭄ᬚᬭᭀᬦ᭄ᬦᬗ᭄ᬓᬶᬮ᭄ᬭᬶᬂᬳᬶᬤᬳᬦᬓᬾᬳᬕᬸᬂᬤᬶᬯᬦᭀᬓ᭄ᬮᬶᬂ᭞ᬢᬦ᭄ᬧᬧ᭄ᬯᬭᬧᭂᬲᬦ᭄ᬧᬚᬮᬦᬾ᭠ᬫᬳᬶ᭞ᬩ᭄ᬯᬢ᭄ᬗᬮᬶᬄᬳᬶᬩᬧᬫ᭄ᬬᬲᬢᬸᬲᬶᬂᬢᭂᬧᬸᬓ᭄᭞ᬩᬳᬦ᭄ᬢᬺᬱ᭄ᬡᬦᬾᬫᬧ᭄ᬬᬦᬓ᭄᭞ᬭᬲᬧᬶᬂᬓ᭄ᬝᬶᬢᬸᬭᬸᬦ᭄ᬦᬸᬫᬥᬶᬫᬾᬄᬢᬸᬲᬶᬂᬧ᭠
ᬲᬶᬮᬶᬄᬍᬕᬦ᭄ᬳᬶᬩᬧᬦᬾ᭟ᬳᬦᬓᬾᬳᬕᬸᬂᬫᬲᬶᬄᬩᬸᬓᬓᬾᬢᭀᬳᬶᬘ᭄ᬙᬦ᭄ᬦᬾᬢᭂᬓᬾᬦ᭄ᬤᬾᬯᬾᬓᬾ᭟ᬫᬲᬳᬸᬃ᭠ᬳᬦᬓᬾᬳ᭄ᬮᬸᬄᬳᭂᬦ᭄ᬢᭀ᭟ᬥᬸᬄᬩ᭄ᬮᬶᬩᬕᬸᬲ᭄᭞ᬲᬫ᭄ᬧᬸᬦ᭄ᬧᬶᬲᬦ᭄ᬩᭂᬮᬶᬩᬸᬤᬮ᭄ᬦᬶᬗ᭄ᬕᬮ᭄ᬢ᭄ᬬᬂᬓᬲᬶᬗ᭄ᬳᬧᬜ᭄ᬚᬭᭀᬦ᭄᭞ᬬᬦ᭄ᬩᭂᬮᬶᬩᬸᬤᬮ᭄ᬧᬸᬦ
ᬧᬶᬤᬤᭀᬲ᭄ᬢ᭄ᬬᬗᬾᬳᬶᬭᬶᬓᬶ᭞ᬢᬦ᭄ᬳᬸᬭᬸᬗᬦ᭄ᬢ᭄ᬬᬂᬧᬤᭂᬫ᭄ᬢᬦ᭄ᬧᬦᭂᬤ᭟ᬧᬸᬦᬧᬶᬩ᭄ᬮᬶᬢᬦ᭄ᬳᬾᬮᬶᬂᬭᬶᬂᬧᬲᬸᬪᬬᬦᬾᬲᬫ᭄ᬧᬸᬦ᭄᭟ᬫᬭᬓᬾᬢᭀᬫᬸᬜᬶᬦ᭄ᬦᬾᬳᬶᬮᬮᬶᬗ᭄ᬱ᭄ᬬᬦ᭄᭞ᬜᬸᬫᬶᬗ᭄ᬓᬶᬦᬂᬲᬗᭂᬢ᭄ᬧᭂᬤᬶᬄᬳᬸᬢᬸᬲᬦᬾ᭞ᬮᬳᬸᬢ᭄ᬫᬲᬳᬸᬃ᭟ᬘ᭄ᬦᬶᬂᬤᬸᬃᬫᬚᬮᬦ᭄ᬲᬸᬩ
