[᭕᭘58B]ᬲᬶᬦ᭄᭞ᬢᬶᬢ᭄ᬬᬂᬧᬤᬾᬯᬾᬓᬦ᭄᭞ᬲᬂᬦᬢᬤᬸᬓᬢᬦ᭄ᬲᬶᬧᬶ᭟ᬭᬭᬶᬲ᭄ᬫᬾᬭᬂᬓᬢᬸᬕᭂᬮ᭄ᬩᬳᭀᬗᬾᬧ᭄ᬕᬢ᭄᭞ᬓᬾᬦ᭄ᬘᬾᬯᬗ᭄ᬕᬭᬫᬢᬶ᭞ᬓᬾᬢᭀᬢᬸᬢᬸᬭᬜ᭞ᬦᬸᬢᬸᬭᬂᬫᬸᬜᬶᬫᬩ᭄ᬯᬢ᭄᭞ᬢ᭄ᬯᬭᬳ
ᬤᬗᭂᬮᬄᬲᬓ᭄ᬱᬶ᭞ᬬᬤ᭄ᬬᬧᬶᬦ᭄ᬧᬲᬚ᭞ᬢᬦ᭄ᬲᬬᬸᬓ᭄ᬢᬶᬕᬸᬕᭀᬦᬶᬦ᭄᭟ᬢ᭄ᬯᬭᬲ᭄ᬥᭂᬂᬢᬸᬢᬸᬭᬂᬤᬶᬧᬲᬫ᭄ᬯᬦ᭄᭞ᬫᬓᬤᬶᬲᬂᬯᬶᬱᬾᬰᬲᬦ᭄ᬤᬶ᭞ᬭᬶᬤᬤᬶᬯᬮᬶᬓ᭄ᬤᬦ᭄ᬤ᭞ᬓᬲᭂᬗ᭄ᬕᬸᬄᬯᬧᬶᬲᬸᬦ᭞
ᬩᬸᬓᬫᬸᬜᬶᬦ᭄ᬩᬳᬶᬢᬸᬦᬶ᭞ᬢᬦ᭄ᬧᬲᬓ᭄ᬱᬶᬯᬢᬂ᭞ᬗᬭᬾᬫᭀᬦ᭄ᬧᬢᬶᬤᬸᬮᬫᬶᬓ᭄᭟ᬳᬶᬲᬫ᭄ᬪᬤᬓᬧ᭄ᬬᬲᭂᬫ᭄ᬳᬲ᭄ᬫᬸᬚ᭄ᬗᬄ᭞ᬓᬢᭂᬦᭂᬃᬤᬬᬦᬾᬤᭂᬗ᭄ᬓᬶ᭞ᬦᬤᬶᬲᬸᬓᬾᬭᬗᬦ᭄᭞ᬮᬯᬸᬢ᭄ᬫᬧᬫᬶᬢ᭄ᬩᬸᬤᬮ᭄᭞
ᬩ᭄ᬯᬶᬦ᭄ᬩᬶᬓᭂᬢ᭄ᬳᬸᬧᬬᬲᬦ᭄ᬤᬶ᭞ᬧᬋᬓ᭄ᬭᬶᬂᬲᬶᬂᬲᬶᬗ᭄ᬳ᭞ᬢ᭄ᬓᬫᭀᬃᬫᬦᬗᬶᬲ᭄᭟ᬰ᭄ᬭᬶᬪᬸᬧᬢᬶᬗᬦ᭄ᬤᬶᬓᬳᬶᬄᬲᬫ᭄ᬪᬤ᭞ᬢᬸᬫ᭄ᬩᬾᬦ᭄ᬲᭂᬩᭂᬗᬾᬕᬢᬶ᭞ᬩᬳᬸᬚᬦᬶᬗᭂᬦᬄ᭞ᬳᬶᬗ᭄ᬕᬶᬄᬢᬭᬸᬲᬂᬦᬣ᭞ᬦᬾᬯ
[᭕᭙59A]ᬳᬸᬢᬶᬢ᭄ᬬᬂᬫᬧᬗ᭄ᬕᬶᬄ᭞ᬲᬂᬲᬸᬭᬩᬶᬚ᭞ᬭᬸᬧᬓᬤᬶᬫᬧᬧᬶᬭᬶᬂ᭟ᬫᬦᬸᬢᬸᬭᬂᬮᬶᬯᬓᬶᬸᬢ᭄ᬳᬗ᭄ᬓᬭᬦ᭄ᬳᬶᬲᬶᬗ᭄ᬳ᭞ᬢᬸᬃᬤ᭄ᬭᭀᬯᬓᬾᬂᬫᬶᬢ᭄ᬭᬓᬦ᭄ᬢᬶ᭞ᬲᬧᬸᬦᬶᬓᬤᬾᬯ᭞ᬓᭀᬘᬧ᭄ᬯᬾᬦ᭄ᬢᭂ
ᬦ᭄ᬭᬶᬂᬘᬭᬶᬢ᭞ᬲᬂᬧ᭄ᬭᬪᬸᬲᬶᬗ᭄ᬳᬓᬾᬰᬭᬶ᭞ᬭᬶᬂᬦᬦ᭄ᬤᬯᬦ᭞ᬫᭀᬫᭀᬢᬦ᭄ᬗ᭄ᬭᬲᬯᬶᬱ᭄ᬝᬶ᭟ᬫᬫᬗ᭄ᬕᬶᬳᬶᬦ᭄ᬕᬚᬄᬳᬕᭂᬗᬾᬓᬮᬶᬯᬢ᭄᭞ᬳᬳᬶᬭᬯᬦᬢᬦ᭄ᬧᬳᬶ᭞ᬲᬂᬓᬾᬰ
ᬭᬶᬧᬗ᭄ᬓᬄ᭞ᬕᬮᬓ᭄ᬓᬺᬂᬢᬦ᭄ᬧᬳᬶᬗᬦ᭄᭞ᬫᬓ᭄ᬱᬬᬂᬜᭀᬕ᭄ᬭᭀᬄᬳᬫᬦ᭄ᬢᬶᬂ᭞ᬳᬶᬕᬚᬄᬢᬦ᭄ᬩᬶᬗ᭄ᬮᬓ᭄᭞ᬫᬗ᭄ᬕᭂᬮᬸᬃᬕ᭄ᬤᭂᬕ᭄ᬫᬦ᭄ᬤᭂᬗ᭄ᬓᬶᬓ᭄᭟ᬫᬦᬭᬸᬫ᭄ᬧᬓ᭄ᬫᬦ᭄ᬤᭀᬕᭀᬃᬗᬾᬗ᭄ᬓᭀ
ᬢᬂᬤᬦ᭄ᬢ᭞ᬲᬂᬲᬶᬗ᭄ᬳᬓᬢᬢᭀᬦᬶᬦ᭄᭞ᬮᬶᬮᬶᬄᬫᬸᬮᬶᬄᬳᬾᬗ᭄ᬕᬮ᭄᭞ᬫᬯᬸᬕ᭄ᬭᬶᬂᬕ᭄ᬯᬓᬮᬭᬦ᭄᭞ᬓᬲᬓᬶᬢᬦ᭄ᬦᬦ᭄ᬤᬂᬓᬦᬶᬦ᭄᭞ᬫᬦ᭄ᬤᬸᬳᬸᬄᬫᬗᬸᬬᬂ᭞ᬢᬶᬦᬾᬳ᭄ᬓᬜ᭄ᬚᭂᬦᬸᬓᬶᬦ᭄᭟
