[᭕᭗57B]ᬢ᭄ᬬᬂᬢᭀᬂᬧᬧᬓᬧᬦ᭄᭞ᬤ᭄ᬭᭀᬯᬓᬍᬯᬶᬓ᭄ᬫ᭄ᬭᬶᬄ᭞ᬮᬭᬦᬶᬂᬫᬶᬢ᭄ᬭ᭞ᬲᬂᬳᬦ᭄ᬤᬓᬭᬭᬶᬲ᭄ᬗᬸᬘᬧ᭄᭞ᬜᬾᬦ᭄ᬳᬚᬓ᭄ᬘᬳᬶᬦ᭄ᬤᬶᬗᭂᬳᬶᬦ᭄᭞ᬫᬸᬜᬶᬦ᭄ᬲᬂᬲᬶᬗ᭄ᬳ᭞ᬫᬓᬤᬤᬯᬩ᭄ᬯᬢ᭄ᬧᬢᬶ᭟ᬳᬶᬲᬫ᭄ᬪ
ᬤᬫᬢᬸᬃᬢᬶᬢ᭄ᬬᬂᬧᬤᬾᬯᬾᬓᬦ᭄᭞ᬳᬧᬦ᭄ᬭᬶᬂᬲᬸᬦ᭄ᬬᬓᬧᬗ᭄ᬕᬶᬄ᭞ᬦᬸᬚᬸᬧᬓᬮᬶᬳᬦ᭄᭞ᬓ᭄ᬜᭂᬫ᭄ᬲᬂᬳᬦ᭄ᬤᬓᬜᬫ᭄ᬧ᭄ᬭᬓ᭄᭞ᬳᬄᬢ᭄ᬯᬭᬲ᭄ᬥᭂᬂᬕᬸᬕᭀᬦᬶᬦ᭄᭞ᬫᬸᬜᬶᬦ᭄ᬩᬲᬫ᭄ᬪᬤ᭞ᬗᬯᬕ᭄ᬢᭀᬂᬳ
ᬤᬫᬲᬓ᭄ᬱᬶ᭞ᬭᬶᬂᬘᬭᬶᬢᬫᬳᬤᬦ᭄ᬳᬶᬘᬾᬯᬗ᭄ᬕᬭ᭞ᬲ᭄ᬥᭂᬓ᭄ᬮ᭄ᬯᬲ᭄ᬫᬗᬶᬭᬶᬂ᭞ᬰ᭄ᬭᬶᬤᬾᬯᬦ᭄ᬢᬭ᭞ᬮᬸᬗ᭄ᬳᬫᬩᭀᬭᭀᬲ᭄ᬭᬶᬂᬳᬮᬲ᭄᭞ᬓᬮᬸᬦ᭄ᬢᬮᬸᬦ᭄ᬢᬢᬦ᭄ᬧᭀᬮᬶᬄ᭞ᬓᬍᬲᭀᬦ᭄ᬫᬭᬭ᭄ᬬᬦ᭄᭞ᬩᬢ
ᬓ᭄ᬢᬗ᭄ᬕᬸᬮᬸᬦ᭄ᬫᬮᬶᬗ᭄ᬕᬶᬄ᭟ᬫᬗᬦ᭄ᬤᬶᬓᬲᬂᬫᬦ᭄ᬢ᭄ᬭᬶᬭᬶᬂᬲᬾᬯᬗ᭄ᬕᬭ᭞ᬓ᭄ᬫᬗᬮᬶᬄᬬᬾᬄᬳ᭄ᬦᬶᬂ᭞ᬮᬯᬦ᭄ᬲᬃᬯ᭄ᬯᬧᬮ᭞ᬤᭂᬤᬶᬧᬸᬦ᭄ᬘᬾᬯᬗ᭄ᬕᬭ᭞ᬮ᭄ᬯᬲ᭄ᬗᬮᬶᬳᬶᬦ᭄ᬬᬾᬄᬳ᭄ᬦᬶᬂ᭞ᬫ᭄ᬯᬄᬲᬃᬯ᭄ᬯᬧᬮ᭞ᬦᬗ᭄ᬳᬶᬘᬸᬃᬢ᭄ᬯ
[᭕᭘58A]ᬭᬧᭀᬮᬶᬄ᭟ᬫᬮᬶᬧ᭄ᬢᬦ᭄ᬫᬢᬸᬃᬭᬶᬂᬰ᭄ᬭᬶᬤᬾᬯᬦ᭄ᬢᬭ᭞ᬲᬃᬯ᭄ᬯᬧᬮᬢᬦ᭄ᬧᭀᬮᬶᬄ᭞ᬮᬦ᭄ᬢᭀᬬᬧᬯᬶᬢ᭄ᬭ᭞ᬕᬯᭀᬦ᭄ᬢᬶᬢ᭄ᬬᬂᬫᬗᬦ᭄ᬢᭂᬦᬂ᭞ᬭᬶᬂᬢ᭄ᬗᬄᬧᬲᬶᬳᬾᬯ᭄ᬬᬓ᭄ᬢᬶ᭞ᬩᭀᬚᭀᬕ᭄ᬫᬳᬶᬕᭂᬮᬦ᭄
᭞ᬫᬮᬾᬬᭀᬫᬢᬜ᭄ᬚᭂᬓ᭄ᬚᭂᬗ᭄ᬓᬶᬂ᭟ᬫᬳᭂᬜ᭄ᬚᭂᬓᬦ᭄ᬭᬶᬂᬩᬢᬸᬳᬶᬢᭂᬫ᭄ᬓᬫᬫ᭄ᬩᬂ᭞ᬫᬩᬶᬦᬩᬶᬦᬩ᭄ᬘᬶᬓ᭄᭞ᬦᬸᬦᬲ᭄ᬭᬢᬸᬘᬶᬗᬓ᭄᭞ᬰ᭄ᬭᬶᬤᬾᬯᬦ᭄ᬢᬭᬗᬸᬘᬧ᭄᭞ᬘᬾᬯᬗ᭄ᬕᬭᬫᭀᬕ᭄ᬩᭀᬕᬼᬩᬶᬄ᭞ᬢ
ᬦ᭄ᬭᬶᬂᬓᬸᬦᬓᬸᬦ᭞ᬩᭀᬚᭀᬕ᭄ᬫᬕᬶᬸᬗᬶᬕᭂᬮ᭄ᬤᬶᬧᬲᬶᬄ᭟ᬳᬶᬗ᭄ᬕᬶᬄᬭᬢᬸᬬᬦ᭄ᬢᬶᬢ᭄ᬬᬂᬯᬾᬦ᭄ᬢᭂᬦ᭄ᬳᬤ᭄ᬯ᭞ᬧᬤ᭄ᬫᬂᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬲᬧᬸᬦᬶᬓᬤᬾᬯ᭞ᬤᬤᬶᬰ᭄ᬭᬶᬤᬾᬯᬦ᭄ᬢᬭ᭞ᬮᬸᬗ᭄ᬳᬫ᭄ᬭᬶᬓ᭄ᬱᬓᬩᬶᬩᬶᬄ᭞ᬭᬯᬸᬄ
ᬭᬶᬂᬲᬕᬭ᭞ᬢᬦ᭄ᬲᬯᬂᬫᬢ᭄ᬭᬓᬳᬓ᭄ᬱᬶ᭟ᬳᬧᬦ᭄ᬫᬬᬦ᭄ᬤᬤᬭᬶᬓᬢᭀᬦ᭄ᬳᬓ᭄ᬤᬧ᭄᭞ᬲᬂᬫᬦ᭄ᬢ᭄ᬭᬶᬫᬢᬓᬾᬦ᭄ᬭᬭᬶᬲ᭄᭞ᬩ᭄ᬦᭂᬂᬤᬶᬚᬢᭀᬗᭀᬲ᭞ᬳᬶᬭᬶᬓᬶᬩ᭄ᬦᭂᬄᬓᬢ᭄ᬗᬄ᭞ᬜᬾᬦ᭄ᬳᬚᬓ᭄ᬳᬶᬩᬗᬶᬯ
