᭑᭕᭟ ᬤᬸᬄᬮᬤ᭄ᬬᬧᬶᬲᬦ᭄ᬩᭂᬮᬶ᭞ᬮᬯᬸᬢ᭄ᬢᬸᬮᬸᬲ᭄᭞ᬳᬶᬢᬦ᭄ᬢ᭄ᬭᬜ᭄ᬚᬶᬂᬓᬲ᭄ᬭᬄ᭟ᬗ᭄ᬮᬶᬲᬸᬩᬤ᭄ᬤᬶᬗᭂᬄᬮᬯᬲ᭄᭞ᬧᬭᬲᬸᬮᬶᬗ᭄ᬕᬶᬄᬳᬾᬤᬶᬦᬶ᭞ᬗᭀᬧ᭄ᬢᬳᬂᬗᬍᬫ᭄ᬫᬓ᭄ᬚᬂ᭞ᬓᬳᬬᬸᬦ᭄ᬜᬦᬾᬢᬸᬃᬭᬶᬭᬶᬄ᭞ᬦ᭄ᬕᭂᬲᬶᬦ᭄ᬲ᭄ᬮᭀᬓᬲ᭄ᬯᬸᬢᬶ ᬤᬲ᭄ᬧᬢᬸᬢᬶᬦ᭄ᬩᭂᬮᬶᬫᬮᬸᬦᬗ᭄ᬳᬶᬂᬘᬦᭂᬕ᭄ᬫᬗ᭄ᬭᬲ᭞ᬩᬓᬮᬧᬶᬓᬼᬢ᭄ᬘᬳᬶ᭞ᬩᬦᬾᬮ᭄ᬬ᭞ᬗ᭄ᬮᬶᬲᬸᬩᬗ᭄ᬮᬄᬲᭀᬫᬄ᭟ᬦᬸᬢᬸᬕ᭄ᬩᬳᬦ᭄ᬩᭂᬮᬶᬮ᭄ᬬᬂ᭞ᬩᬦᬾᬳᬤᬲᬸᬓᬜ᭄ᬘᬳᬶ᭞ᬧᬢᬶᬄᬩᬡ᭄ᬥᬾᬲ᭄ᬯᬃᬬ᭄ᬬᬜᬸᬫ᭄ᬩᬄ᭞ᬓᬮᬶᬦ᭄ᬢᬂ ᬮᬶᬦ᭄ᬢᬂᬗᭂᬢᬶᬲᬶᬦ᭄᭞ᬫᬦᬄᬢᬶᬢ᭄ᬬᬂᬧᬶᬭᬕᬶ᭞ᬧᬯᬘᬦᬦᬾᬓᬤᬯᬸᬄ᭞ᬳᬭᬶᬫ᭄ᬪᬯᬬᬭᬦ᭞ᬧᬓᬬᬸᬦᬦᬾᬫᬘᬶᬭᬶ᭞ᬥᬃᬫ᭄ᬫᬳᬮᬸᬲ᭄᭞ᬗᬫᬂᬕ᭄ᬕ᭄ᬬᬂᬓᬲᬦ᭄ᬢᭀᬲᬦ᭄᭟ᬗ᭄ᬳᬶᬂᬯᬾᬦ᭄ᬢᭂᬦ᭄ᬧᬗᬫ᭄ᬧᭂᬢ᭄ᬲ᭄ᬮᭀᬓ᭞ᬲᬂᬧ᭄ᬭ ᬪᬸᬢᬦ᭄ᬯᬾᬦ᭄ᬢᭂᬦ᭄ᬓᬾᬗᬶᬦ᭄᭞ᬥᬭᬤᬩᬲ᭄ᬓᬲᬦ᭄ᬳᭀᬲᬦ᭄᭞ᬫᬯᬲᬦ᭄ᬓᬶᬭᬂᬲᬶᬤ᭄ᬥᬶ᭞ᬚᬚᬾᬳᬦᬾᬓᬧᬶᬧᬶᬄ᭞ᬢ᭄ᬮᬲ᭄ᬚᬦ᭄ᬢᬦ᭄ᬳᬦ᭄ᬢᬸᬓ᭄ᬰᬢ᭄ᬭᬸ᭞ᬲᬸᬮᬶᬗ᭄ᬕᬶᬄᬓᬶᬭᬂᬥᬃᬫ᭄ᬫ᭟ᬓᬳ᭄ᬬᬸᬦ᭄ᬓᬲᬲ᭄ᬢ᭄ᬭᭀᬲᬦ᭄ᬫᬭᬶ᭞ᬧᬶᬮᬶᬄᬩᬸ
᭑᭖᭟ ᬳᬸᬢ᭄᭞ᬲᬢᬧᬩ᭄ᬭᬢᬦᬾᬭᬸᬲᬓ᭄᭟ᬲᬶᬧ᭄ᬭᬪᬸᬓ᭄ᬜᭂᬫ᭄ᬫᬗ᭄ᬕᬸᬢᬦ᭄᭞ᬢᬸᬃᬗᬃᬣᬬᬂᬘᬦᬂᬕ᭄ᬮᬶᬲ᭄᭞ᬓᬢᬸᬃᬲᬕᬶᬓᬯᭀᬢᬦ᭄᭞ᬫᬲ᭄ᬧᬶᬭᬧᬢᬶᬄᬓᬳᭂᬜ᭄ᬚᬸᬳᬶᬦ᭄᭞ᬓᬸᬦᬮ᭄ᬦᬗᬦ᭄ᬗᬮᬶᬳ᭄ᬳᬶᬦ᭄᭞ᬲᬫ᭄ᬩᬶᬮᬂᬜᬸ ᬫᬩᬸᬄᬫᬓᬧ᭄ᬬᬸᬢ᭄᭞ᬲᬂᬧ᭄ᬭᬪᬸᬘᬭᬶᬲ᭄ᬩᬸᬤᬮ᭄᭞ᬢᬗ᭄ᬓᬶᬮᬦᬧᬤᬫᬸᬮᬶᬄ᭞ᬘᬭᬶᬢᬬᬂ᭞ᬤᬶᬕ᭄ᬭᭀᬧᬸᬭᬶᬓᬧᬢᬶᬳᬦ᭄᭟ᬲᬶᬭᬧᬢᬶᬄᬫᬧᬸᬢᬸᬮᬦ᭄᭞ᬦ᭄ᬤᬫ᭄ᬤᬗᬂᬲᬧᬸᬮᬶᬧᬮᬶ᭞ᬧᬩᬸᬜ᭄ᬘᬶᬗᬦᬾᬗᬸᬫ ᬦ᭄ᬬᬂ᭞ᬮᬦ᭄ᬢᬲ᭄ᬢᬶᬲ᭄ᬧ᭄ᬭᬓᬢᬧ᭄ᬭᬚᬦᬶ᭞ᬳᬧᬩᬓᬮ᭄ᬗ᭄ᬯᬾᬳᬶᬦ᭄᭞ᬤᬾᬦᬶᬓᬮᬶᬦ᭄ᬢᬗᬦ᭄ᬯᬶᬯᬶᬸᬪᬸᬄ᭞ᬧ᭄ᬢᭂᬂᬢ᭄ᬯᬭᬲᬢ᭄ᬯᬬᬂ᭞ᬤ᭄ᬬᬄᬢᬦ᭄ᬢ᭄ᬭᬶᬲ᭄ᬫᭂᬂᬓᬧᬸᬭᬶ᭞ᬲᬸᬩᬓᬢᬸᬃ᭞ᬲᬂᬧ᭄ᬭᬪᬸᬮ᭄ᬬᬂᬗᬯᬲ᭄ᬯᬲ᭄᭟ᬕ᭄ᬭᬕᭂᬢᬦ᭄ᬳ ᬗᭀᬩ᭄ᬓᬮᬶᬦ᭄ᬢᬂ᭞ᬲᬗᬍᬫᬾᬢᬶᬤᭀᬂᬕᬶᬕᬶᬲ᭄᭞ᬓᬭᬧᭀᬲ᭄ᬢ᭄ᬯᬭᬦᬸᬱ᭞ᬩᬬᬤᬾᬯᬦ᭄ᬧᬲᬶ᭞ᬕᭂᬦ᭄ᬤᬶᬲ᭄᭞ᬜᬶᬮᬸᬫᬶᬦ᭄ᬭᬶᬤ᭄ᬬᬄᬢᬦ᭄ᬢ᭄ᬭᬶ᭞ᬧᬜ᭄ᬚ᭄ᬭᭀᬯᬦ᭄ᬲᬶᬗᭂᬦᭀᬢ᭄ᬘᬸᬫ᭄ᬧᬸ᭞ᬧᬳᬸᬦ᭄ᬤᬶᬓ᭄ᬫᬗ᭄ᬭᬢᭀ
