᭑᭓᭟ ᬲᬂ᭞ᬳᬤᬳᬸᬘᬧᬦ᭄ᬲ᭄ᬮᭀᬓ᭞ᬲᭂᬳᬦ᭄ᬫᬥᬸᬦᬾᬦᬾᬲᬸᬘᬶ᭞ᬢ᭄ᬬᬭᬕᬯᬾᬜ᭞ᬮᬾᬤᬦ᭄ᬢᬶᬓᬾᬦ᭄ᬲᬸᬮᬶᬗ᭄ᬕᬶᬄ᭟ᬓᬾᬢᭀᬲᭀᬭᭀᬄᬧᬗᬗ᭄ᬕᭀᬤᬾᬫ᭄ᬮᬄᬫ᭄ᬮᬄ᭞ᬬᬾᬦ᭄ᬢᬦᬶᬳᬗ᭄ᬕᭀᬲᬤᬶ᭞ᬢ᭄ᬯᬭᬕᭀ ᬕᬯᬾᬜ᭞ᬬᬤᬶᬦ᭄ᬦᬾᬲᬸᬕᬶᬄᬲᬸᬓ᭞ᬦᬶᬭᭀᬦ᭄ᬥᬤ᭄ᬕᬸᬳᬓᬶᬗᬦ᭄ᬪᬸᬓ᭄ᬢᬶ᭞ᬧᬭᬶᬲᬲᬢ᭞ᬗᬸᬕᬳᬶᬬᬳᬶᬢᬩ᭄ᬢ᭄ᬭᬶ᭟ᬬᬾᬦ᭄ᬢᬦ᭄ᬢᬸᬮᬸᬲ᭄ᬢᭂᬓᬾᬦ᭄ᬲᬂᬧ᭄ᬭᬪᬸᬳᬢᬸᬭᬂ᭞ᬳᬶᬤ᭄ᬧᬂᬓᬸᬩᬕᬸᬲ᭄ᬢᬶ᭞ᬕᬤᬸᬃᬬ᭄ᬬ ᬜᭀᬮᬄ᭞ᬧᬶᬮᬶᬄᬯᬺᬥᬶᬲᬦ᭄ᬢᬦ᭞ᬲᬶᬤ᭄ᬥᬗᭀᬤᬕ᭄ᬤᬶᬧᬢᬮᬶ᭞ᬫᬧᬶᬦᬄ᭞ᬓᬳ᭄ᬬᬦᬾᬤ᭄ᬬᬄᬭᬸᬧᬶᬦᬶ᭟ᬬᬾᬄᬢᬶᬗ᭄ᬳᬍᬧᬸᬲᬧᬶᬦ᭄ᬫᬢᬸᬃᬲᬦ᭄ᬤᬶᬕ᭞ᬲᬚᬦ᭄ᬫᬦᬾᬫᬶᬭᬕᬶ᭞ᬧᬤᬲᬸᬓᬕᬶᬭᬂ᭞ᬮᬶᬗ᭄ᬲᬶᬃ ᬳᬚᭂᬗᬦ᭄ᬢᭂᬓ᭞ᬧᬢᬢᭂᬮ᭄ᬯᬦ᭄ᬗᬋᬧᬶᬦ᭄᭞ᬲᬸᬳᬸᬤᭂᬲᬸᬩ᭞ᬧᬜ᭄ᬚᬓᬾᬧᬤᬜᬭᬶᬓ᭄᭟᭠ᬧᬸᬧᬸᬄᬲᬶᬦᭀᬫ᭄᭟ᬧᬢᬶᬄᬩᬩ᭄ᬥᬾᬰ᭄ᬯᬃᬬ᭄ᬬ᭞ᬗᭂᬲᬾᬗᬶᬤ᭄ᬭᬗᬶᬦᬾᬢᬸᬫᬸᬮᬶᬄ᭞ᬲᬋᬂᬫᬗ᭄ᬕᬄᬓᬧᬫ᭄ᬭᬸᬫᬦ᭄᭞
᭑᭔᭟ ᬳᬸᬘᬧᬂᬤᬲ᭄ᬲᬸᬭᬸᬧ᭄ᬳᬳᬶ᭞ᬲᬶᬭᬫᬢᬶᬄᬫᬢᬗᬶ᭞ᬢᭀᬬᬭᬯᬸᬧᬲᬫ᭄ᬧᬸᬦ᭄ᬓᬢᬸᬃ᭞ᬭᬭᬶᬲ᭄ᬗᬸᬗ᭄ᬕᬸᬳᬂᬲ᭄ᬥᬄ᭞ᬧᬸᬧᬸᬢᬾᬳᬸᬲᬦ᭄ᬫᬲᬸᬭᬶ᭞ᬫᬤᬩ᭄ᬤᬩᬦ᭄᭞ᬫᬶᬚᬶᬮ᭄ᬦᬗ᭄ᬓᬶᬮ᭄ᬓᬩᬜ᭄ᬘᬶᬗᬄ᭟ᬭᬭᬶᬲ᭄ᬫᬗ᭄ᬭᬗ᭄ᬲᬸᬓᬂᬧᬬᬲ᭄᭞ᬫᬕᬫ᭄ᬧᬸᬄ ᬲᬸᬢ᭄ᬭᬕᬭᬶᬗ᭄ᬲᬶᬂᬳᬮᬸᬲ᭄ᬢᬸᬃᬫᬮᬸᬮᬫ᭄ᬧᬳᬦ᭄᭞ᬫᬲ᭄ᬓᬃᬧᬸᬘᬸᬗ᭄ᬳᬓᬢᬶᬄᬓ᭄ᬭᬶᬲ᭄ᬫᬮᬤ᭄ᬤᬾᬬᬦᬓ᭄ᬭᬾᬫ᭄ᬢᬶᬢᬸᬶᬫ᭄᭞ᬤᭂᬤᭂᬓᬾᬳᬓᬸᬃᬳᬮᬸᬳᬸᬃ᭞ᬩᬕᬸᬲ᭄ᬜᬦ᭄ᬤᬂᬓᬧᬮ᭞ᬧᬧᬸᬲᬸᬗᬤ᭄ᬫᬜ᭄ᬘᬫᬦ᭄ᬢ᭄ᬭᬶ᭞ᬧᬫᬃᬕ᭄ᬕᬶᬦᬾ᭞ᬓᬳᬋᬧᬶᬦ᭄ᬳᬧᬘᬭ ᭟ᬓᬋᬫ᭄ᬧᭂᬕ᭄ᬩᬪ᭄ᬓᬤᬗ᭄ᬭᬬ᭞ᬧᬋᬓᬦ᭄ᬫ᭄ᬯᬄᬭᭀᬩᬦ᭄ᬢᬶᬢᬶᬩ᭄᭞ᬫᬢᬓᬾᬦ᭄ᬭᬯᬸᬄᬤᬶᬚᬩ᭞ᬤᬶᬚᬲᬂᬧ᭄ᬭᬪᬸᬓᬢᬗ᭄ᬓᬶᬮ᭄᭞ᬯᬾᬦ᭄ᬢᭂᬦ᭄ᬫᬢᬸᬃᬳᬶᬗ᭄ᬕᬶᬄ᭞ᬬᬦ᭄ᬓᬳᬸᬃᬢ᭄ᬬᬂᬦᬾᬯᬳᬸ᭞ᬳᬶᬭᬶᬓᬭᬶᬂᬩᬜ᭄ᬘᬶᬗᬄ᭞ᬫᬳᬗ᭄ᬕᬸᬢᬦ᭄ᬲᬶᬭ ᬧᬢᬶᬄ᭞ᬢᬦ᭄ᬓᬳᬸᬘᬧ᭄᭞ᬭᬶᬂᬫᬃᬕ᭄ᬕᬶᬲᬢᬢᬶᬗ᭄ᬓᬳᬦ᭄᭟ᬲᬂᬧ᭄ᬭᬪᬸᬤᬶᬩᬗ᭄ᬕᬶᬩᬄ᭞ᬓᬢᬗ᭄ᬓᬶᬮ᭄ᬩᬢᬦ᭄ᬲᬸᬮᬢ᭄ᬭᬶ᭞ᬧᬶᬧᭂᬓ᭄ᬱᬫᬶᬲᬳᬸᬧᬘᬭ᭞ᬲᬂᬧ᭄ᬭᬪᬸᬗᬸᬢᬸᬲᬂᬕ᭄ᬮᬶᬲ᭄᭞ᬓᭂᬫᬳᬾᬗ᭄ᬕᬮᬂᬳᬮᬶᬄ᭞ᬳᬶᬧᬢᬶᬄᬢᬸᬦ᭄ᬤᬾ
