Kaca:Bali-lontar-paparikan-tantri-01-250ppi.pdf/92

᭙᭑᭟ᬳᬶᬩᬶᬮᬘᬸᬭᬾᬮᬶᬯᬢ᭄᭞ᬚᬦᬶᬦᬾᬳᬗ᭄ᬕᭀᬦ᭄ᬧᬶᬢᭀᬮᬶᬄ᭞ᬮᬯᬸᬢ᭄ᬢᬸᬲᬸᬓ᭄᭞ᬮᬫ᭄ᬩᬸᬂᬳᬶᬯᬦᬭᬶᬭᬸᬲᬓ᭄᭟᭜᭟᭙᭟ᬫᬸᬮᬶᬄᬓᬢ᭄ᬭᬶᬤᬰᬮᬬ᭞ᬅᬢ᭄ᬫᬦᬾᬲᬸᬓᬶᬸᬓᬦ᭄ᬧᬸᬓᬶᬦ᭄᭞ᬫᬸᬮᬾᬫᬸᬮᬾᬓᬯᬶᬪᬯᬦ᭄᭞
ᬧᬮᬮᭀᬕᬲ᭄ᬢᭂᬓᬾᬦᬸᬭᬶᬧ᭄᭞ᬤᬾᬯᬋᬱᬶᬦᬾᬲᬫᬶ᭞ᬫᬶᬚᬶᬮ᭄ᬬᬯᬾᬥᬫᬸᬳᬸᬕ᭄᭞ᬲᬯᬂᬢᬫ᭄ᬩᬸᬮᬶᬮᬶᬗᬦ᭄᭞ᬤᬶᬩᬸᬗ᭄ᬳᬦᬾᬗᬶᬲᭂᬧ᭄ᬲᬭᬷ᭞ᬲᬸᬩᬕᬧᬸᬮ᭄᭞ᬓᬢ᭄ᬧᬸᬓ᭄ᬢᭂᬓᬾᬦᬶᬂᬧ᭄ᬬᬦᬓ᭄᭟᭜᭟᭑᭐᭟᭠
ᬲᬸᬩᬫᬲᬮᬶᬦ᭄ᬰᬭᬷᬭ᭞ᬤᬤᬶᬤᬾᬯᬢᬶ᭞ᬳᬶᬧᬧᬓᬩ᭄ᬯᬶᬦ᭄ᬓᭀᬘᬧ᭄᭞ᬗᬺᬋᬲ᭄ᬫᬓ᭄ᬮᭀᬲᬓᬶᬢ᭄᭞ᬓᬢ᭄ᬓᬦ᭄ᬮᬯᬸᬢ᭄ᬫᬢᬶ᭞ᬅᬢ᭄ᬫᬦᬾᬦ᭄ᬧᬸᬓᬶᬦ᭄ᬓᭂᬩᬸᬲ᭄᭞ᬳᬯᬾᬢ᭄ᬤᬶᬳᭂᬦ᭄ᬢᬶᬧ᭄ᬓᬯᬄ᭞ᬫᬶᬢᬸᬢᬸᬃᬳᬶ
ᬢᬶᬮᬶᬂᬫ᭄ᬯᬦᬶ᭞ᬢ᭄ᬓᬾᬦᬾᬳ᭄ᬮᬸᬄ᭞ᬲᬸᬩᬓᬲᬶᬤ᭄ᬟᬦᬶᬂᬲᬤ᭄ᬬ᭟᭜᭟᭑᭑᭟ᬩᬦ᭄ᬧᬢᬸᬮᬸᬲᬂ᭠ᬕᬭᬸᬤ᭞ᬳᬯᬦᬦ᭄ᬳᬦᬓᬾᬭᬶᬭᬶᬄ᭞ᬦᬶᬗ᭄ᬓᬳᬂᬧᬗ᭄ᬭᬯᭀᬲ᭄ᬧᬜ᭄ᬚᬂ᭞ᬲᬶᬂᬳᬤᬲᭀᬓ᭄ᬓᬧᬶᬦ᭄ᬤ᭄ᬭᬶᬄ᭞ᬫᬲ᭄ᬬᬢ᭄ᬦ
ᬗᬸᬦ᭄ᬓᬮᬶ᭞ᬲᬕᬸᬢ᭄ᬳᬶᬩᬶᬢᬓ᭄ᬱᬳᬮᬸᬲ᭄᭞ᬲᬚᬳᬶᬬᬲᬫ᭄ᬩᬸᬢ᭞ᬳᬶᬢᬶᬮᬶᬂᬬᬫᬗ᭄ᬮᬄᬓᬦ᭄ᬢᬶ᭞ᬬᬳᬶᬉᬲ᭄ᬢ᭄ᬭ᭞ᬩ᭄ᬮᭀᬕ᭄ᬢ᭄ᬯᬭᬗ᭄ᬮᬄᬧᬶᬢᬸᬗᬦ᭄᭟᭜᭟᭑᭒᭟ᬜᬦ᭄ᬟᬂᬧᬶᬲᬦ᭄ᬜᬓᬩᬓ᭄ᬱ᭞ᬩᬳᬦ᭄ᬧ᭄ᬭᬪᬸᬲᬶᬗ᭄ᬳᬚᬦᬶ᭞ᬳ
ᬮᬸᬲ᭄ᬲᬯᬸᬃᬧ᭄ᬭᬪᬸᬲᬶᬗ᭄ᬳ᭞ᬢᬦ᭄ᬧᬵᬢᬹᬢ᭄ᬓᬾᬢᭀᬚᬮᬦᬶᬦ᭄᭞ᬫᬳᬩᬭᬢ᭄ᬧᬸᬓᬶᬦ᭄᭞ᬜᬶᬤ᭄ᬭᬳᬚᬓ᭄ᬳᬦᬾᬳᬢᬸᬦ᭄᭞ᬓᬦᬵᬭᬓᬦᬾᬳᬲᬄ᭞ᬢ᭄ᬓᬾᬦᬶᬂᬗ᭄ᬭᬸᬲᬓ᭄ᬲᬮᬶᬗ᭄ᬕᬶᬄ᭞ᬫᬗ᭄ᬤᬤᬸᬭᬸᬲ᭄᭞ᬳᬶᬩᬶᬢᬓ᭄ᬱᬫᬶᬰᬺᬗᬂ
᭟᭜᭟ᬧᬸᬦᬶᬓᬶᬭᬢᬸᬫᬃᬕ᭄ᬬᬂ᭞ᬓ᭄ᬦᬶᬲᬵᬫ᭄ᬧᬸᬦ᭄ᬕᬾᬲᬶᬲᬶᬧ᭄᭞ᬳᬶᬭᬶᬂᬧᬫᬃᬕ᭄ᬕᬶᬦ᭄ᬧᬤᬤ᭄ᬟ᭞ᬦᬾᬜ᭄ᬭᬶᬤᬡ᭄ᬟᬰᬸᬘᬶᬕ᭄ᬦᬶᬂ᭞ᬫᬲᬮᬶᬦ᭄ᬤᬸᬳᬸᬂᬫᬮᬶᬄ᭞ᬬᬾᬦ᭄ᬧᬘᬂᬳᬗ᭄ᬕᬾᬦ᭄ᬧᬢᬫ᭄ᬬᬸ᭞ᬫᬓᬵᬤᬶᬧᬘᬂᬗᬓ᭄ᬱ᭞ᬫᬶᬯᬄᬓᬃᬬ᭄ᬬᬓᬯᭀᬦ᭄ᬩᭂ᭠
ᬘᬶᬓ᭄᭞ᬓᬯ᭄ᬦᬗᬂᬳᬶᬗ᭄ᬲᬓᬃᬫᬢᬢᬫ᭄ᬧᬳᬦ᭄᭟᭜᭟᭑᭔᭟ᬢᬦ᭄ᬯᬾᬦ᭄ᬢᭂᬦ᭄ᬳᬯᬦᬦ᭄ᬲᬲᬃ᭞ᬳᬶᬗ᭄ᬕᬶᬳᬦ᭄ᬢᬦ᭄ᬲᬓᬶᬂᬭᬤᬶᬦ᭄᭞ᬢᬶᬗ᭄ᬓᬤᬶᬦ᭄ᬳᬦ᭄ᬢᬸᬓᬸᬧᬬ᭞ᬢᬦ᭄ᬯᬗ᭄ᬤᬾᬳᬶᬉᬲ᭄ᬢ᭄ᬭᬓ᭄ᬦᬶ᭞ᬚᬦ᭄ᬢᭂᬦ᭄ᬗᬢᬸᬭᬂᬳᬸᬭᬶᬧ᭄᭞ᬳᭂᬦ᭄ᬢᭀᬭᬯᭀ