[83 B]
᭘᭓᭟ᬪᬶᬦ᭞ᬕᬤᬸᬂᬩᬦᬳᬾᬢᬸᬗ᭄ᬕᬮ᭄᭞ᬓ᭄ᬟᬾᬓ᭄ᬳᬶᬘᭂᬫ᭄ᬩᬸᬮᬦ᭄ᬫᬮᬶᬄ᭞ᬫᬲᬳᬸᬢ᭄ᬩᬦ᭄ᬩᬦ᭄᭞ᬧᬢᬹᬢᬾᬬᬓᭂᬜ᭄ᬥᬦᬶᬦ᭄᭟᭐᭟᭙᭓᭟ᬤᬶᬚᬳᬤᬓᬯᬶᬮᬓᬸᬫᬗᬤᬸᬯᬂ᭞ᬧᬯᬶᬓᬭᬦᬾᬚᬦᬶ᭞ᬓᬮᬄᬫ᭄ᬦᬂᬓᬃᬯ᭄ᬯᬦ᭄᭞ᬫᬲᬯᬸ
ᬢ᭄ᬳᬶᬧᬺᬕᬸᬱ᭞ᬦᬤᬓ᭄ᬤᬶᬚᬗᬮᬶᬄᬓᬯᬶ᭞ᬓᬾᬯᬮᬳᬤ᭞ᬳᬦᬓ᭄ᬲᭂᬥᬓ᭄ᬦᬸᬯᬓᬶᬦ᭄᭟᭐᭟᭙᭔᭟ᬳᬶᬘᭂᬫ᭄ᬩᬸᬮᬦ᭄ᬫᬳᬗ᭄ᬕᬸᬢᬦ᭄ᬮᬯᬸᬢᬫᬭ᭞ᬲᬫ᭄ᬩᬶᬮᬗᬫᬫᬸᬜᬶ᭞ᬚᬦᬶᬓ᭄ᬦᭂᬳᬶᬭ᭞ᬳᬯᬂᬘᬭᬩ᭄ᬭᬵᬳ᭄ᬫᬡ᭄ᬟ᭞ᬓᬳᬸᬘᬧ᭄ᬤᬶ
ᬢᬸᬫᬳᬶᬱᬶ᭞ᬓᬩ᭄ᬯᬢᬦ᭄ᬢᬶᬗ᭄ᬓᬄ᭞ᬧ᭄ᬭᬦᬵᬭᬳᭂᬄᬦ᭄ᬢᭀᬯᬦᬹᬢᬶᬦ᭄᭟᭐᭟᭙᭕᭟ᬢᬸᬭᬄᬩᬸᬓᬧᬫᬃᬕ᭄ᬕᬶᬦ᭄ᬲᬂᬬᬚ᭄ᬜᬯᬮ᭄ᬓ᭞ᬫᬢᬸᬗ᭄ᬓᬲ᭄ᬫᬘ᭄ᬗᬶᬮ᭄᭞ᬗᬮᬯᬦ᭄ᬲᬂᬲᬓᬮ᭄ᬬ᭞ᬫᬳᬸᬪᬬᬲᬶᬂᬓᬮᬄ᭞ᬳᬧᬂᬫᬗ᭄ᬫᬲᬶᬦ᭄ᬧ᭄ᬢᬶ᭞ᬢᬸᬃ
ᬲᬸᬲᬸᬯᬸᬦᬦ᭄᭞ᬩᬾᬩᬲ᭄ᬳᬶᬘᬗᬤ᭄ᬬᬦᬶᬦ᭄᭟᭐᭟᭙᭖᭟ᬚᬦᬶᬳᬧᬧᬺᬕᬸᬱᬩᬓᬮ᭄ᬳᭂᬢᭀᬳᬂ᭞ᬳᬶᬧᬺᬕᬸᬱᬗᬵᬯᬸᬢᬶᬦ᭄᭞ᬢᭂᬦ᭄ᬟᬲᬾᬬᭂᬢᭀᬳᬂ᭞ᬳᬲᬶᬂᬓᬮᬄᬓᬧᬸᬗ᭄ᬕᬮ᭄᭞ᬲᬢ᭄ᬓᬦ᭄ᬜᬦᬾᬢᬸᬫᬸᬮᬶᬄ᭞
[84 A]
ᬧᬥᬫ᭄ᬭᬥᬢ᭞ᬲᬩᬶᬓᬲᬾᬫᬘ᭄ᬗᬶᬮ᭄᭟᭐᭟᭙᭗᭟ᬳᬶᬲᬸᬭᬵᬤᬜᬯᬸᬢᬶᬦᬶᬭᬢᬦ᭄ᬩᬶᬱ᭞ᬲᭂᬗ᭄ᬓᬩᬓᬮ᭄ᬗᭂᬜ᭄ᬘᬦᬶᬦ᭄᭞ᬦᬾᬓᬯᬶᬦᬵᬭᬬᬂ᭞ᬩ᭄ᬮᬳᬦ᭄ᬅᭈᬤᬰ᭞ᬢᬸᬃᬢ᭄ᬯᬭᬧᬲᬩᬦ᭄ᬤᬶᬦᬶ᭞ᬦᬸᬦ᭄ᬤᬶᬓᬶ᭠
ᬦ᭄ᬳᬾᬗ᭄ᬕᬮ᭄᭞ᬳᬶᬯᬮᬘᬶᬓ᭄ᬫᬫᬸᬜᬶ᭟᭐᭟᭙᭘᭟ᬳ᭄ᬤᬓᬾᬢᭀᬩ᭄ᬮᬶᬂᬗᬫ᭄ᬩᬢ᭄ᬢ᭄ᬬᬭᬲᬪ᭞ᬫᬸᬮᬧᬲᬪᬦ᭄ᬤᬶᬦᬶ᭞ᬮᬯᬸᬢᬂᬧ᭄ᬕᬢᬂ᭞ᬫᬫᬸᬜᬶᬬᬶᬲᬸᬭᬵᬤ᭞ᬧᬓ᭄ᬧᬦ᭄ᬳᬶᬬᬶᬢᬸᬗᬸᬗ᭄ᬓᬸᬮᬶᬦ᭄᭞ᬳᬶᬩᭀᬚᭀᬕ᭄ᬓᬮᬄ᭞ᬕᬥᬸᬂ
ᬩᬦᬄᬢ᭄ᬯᬭᬲᬗ᭄ᬲᬶᬄ᭟᭐᭟᭙᭙᭟ᬩᬸᬗ᭄ᬳᬳᭂᬤᭀᬦ᭄ᬮᬸᬗ᭄ᬕᬳᬦ᭄ᬧᬥᬫᬮᬾᬦᬦ᭄᭞ᬦ᭄ᬟᭂᬲᭂᬓᬂᬳᬶᬯᬮᬘᬶᬓ᭄᭞ᬳᬾᬫᭂᬂᬬᬦ᭄ᬟᬶᬗᭂᬳᬂ᭞ᬫᬸᬜᬶᬦᬾᬳᬶᬲᬸᬭᬵᬤ᭞ᬲᬶᬕᬸᬕ᭄ᬢᬦᬶᬗ᭄ᬕᭂᬮᬄᬕᭂᬦ᭄ᬤᬶᬂ᭞ᬧ᭄ᬲᬧᬗᬚᬄ᭞ᬳᬤᬾᬂ
ᬫᬓᬶᬲᬶᬓᬶᬲᬶ᭟᭐᭟᭑᭐᭐᭟ᬗᬸᬤᬓᬾᬢᭀ᭞ᬳᬩᭂᬢ᭄ᬗ᭄ᬕᬳᬾᬧᬧ᭄ᬕᬢᬦ᭄᭞ᬢ᭄ᬯᬭᬩᬶᬱᬗᬶᬗᬦᬶᬦ᭄᭞ᬓᬾᬦᬾᬳᭀᬭᬳᬶᬜ᭞ᬬᬦ᭄ᬳᬶᬩᭀᬚᭀᬕ᭄ᬓᬮᬳᬂ᭞ᬳᬶᬬᬳᭂᬢᬸᬄᬧᬬᬄᬕᬳᬶᬂ᭞ᬳᬧᬦᬾ
Kaca:Bali-lontar-paparikan-tantri-01-250ppi.pdf/84
Kaca punika durung kauji-waca
