Kaca:Bali-lontar-paparikan-tantri-01-250ppi.pdf/80

᭗᭙᭟ᬧᬸᬦ᭄ᬧᬸᬢᬸᬦ᭄ᬧᬤᬦ᭄ᬟᬦᬾᬫᬗ᭄ᬓᬶᬦ᭄ᬭᬸᬲᬓ᭄᭞ᬓ᭄ᬦᬶᬕᬸᬢᬶᬮ᭄ᬮᬮᬶᬧᬶ᭞ᬬᬦ᭄ᬲᬶᬤ᭄ᬟᬦᬶᬂᬲᬤ᭄ᬬ᭞ᬳᬸᬭᬶᬨᬦ᭄ᬢᬸᬓ᭄ᬧᬤᬦ᭄ᬟ᭞ᬢᬶᬢ᭄ᬬᬂᬗᬢᬸᬭᬂᬳᬩᬕᬶ᭞ᬚᬕᬢ᭄ᬧᬸᬦᬶᬬᬓ᭞ᬓᬮᬶᬄᬲᬤᬕᬶᬂᬧᬸᬭᬷ᭟᭜᭟᭖᭐᭟ᬫᬦᬄᬢᬶᬢ᭄ᬬᬂᬢᬦ᭄ᬧᬲᬄᬫ᭄ᬓᬸᬮ᭄ᬧᬤᬦ᭄ᬟ᭞ᬲᬧᬶᬢᬸᬥᬸᬄᬲᬳᬶᬭᬶᬂ᭞ᬳᬸᬢᬶᬂᬢᬸᬦ᭄ᬓᬸᬫᬯᬸᬮ᭞ᬲᬯᬸᬭᬾᬲᬋᬂ᭠ᬫᬫᬶᬦ᭄ᬟᬄ᭞ᬦᬫ᭄ᬧᬶᬩᬩᬕ᭄ᬬᬦᬾᬲᬫᬶ᭞ᬮᬮᬶᬄᬓᬢᬸᬮᬓ᭄᭞ᬲᬓᬾᬯᬦ᭄ᬢᭂᬦ᭄ᬲᬳᬶᬭᬶᬂ᭟᭐᭟᭖᭑᭟ᬫᬗ᭄ᬭᬯᬸ᭠ᬳᬶᬦ᭄ᬭᬶᬂᬕ᭄ᬦᬄᬮᬬᭀᬦ᭄ᬧᬸᬦᬶᬓ᭞ᬫ᭄ᬧᬸᬬᬚ᭄ᬜᬤᬃᬫᬰ᭄ᬯᬫᬶ᭞ᬗᬸᬢᬸᬲᬂᬫᬗ᭄ᬕᬕᬄ᭞ᬭᬸᬭᬸᬩ᭄ᬮᬬᭀᬦᬾᬲᬫ᭄ᬬᬦ᭄᭞ᬢᬸᬃᬫᬕᬕ᭄ᬮᬭᬦ᭄ᬫᬮᬶᬄ᭞ᬲᬸᬓ᭄ᬱ᭄ᬫᬘᬶᬦ᭄ᬢ᭄ᬬ᭞ᬧᬭᬫᬕᬹᬡ᭄ᬬᬫᬮᬶᬄ᭟᭜᭟᭖᭒᭟ᬧᬫᬗ᭄ᬲᬸᬮᬦᬸᬭᬶᬧ᭄ᬲᬵᬫ᭄ᬧᬸᬦ᭄ᬓᬭᬜ᭄ᬚᬶᬗᬂ᭞ᬭᬶᬂᬯᬶᬦ᭄ᬥᬸᬮ᭄ᬬᬗᬶᬂᬳᬢᬶ᭞ᬓᬚᬢᬾᬦ᭄ᬲ᭄ᬯᬦᬵᬢ᭄ᬫ᭞ᬲᬵᬫ᭄ᬧᬸᬦ᭄ᬓᬢ᭄ᬓᬦ᭄ᬲᬤ᭄ᬬ᭞ᬫᬮᬶᬄᬜ᭄ᬚᭂᬦᭂᬂᬭᬤᬾᬦ᭄ᬫᬦ᭄ᬢ᭄ᬭᬶ᭞ᬓᬮᬶᬦ᭄ᬢᬂᬳᬾᬦᬓ᭄᭞ᬲᬂᬧ᭄ᬭᬪᬸᬧ᭄ᬭᬫᬾᬰ᭄ᬯᬭᬷ᭟᭜᭟᭖᭓᭟ᬓᬚ
᭘᭐᭟ᬮᬦᬶᬦ᭄ᬲᬤᬕᬶᬂᬲᭀᬲᭀᬢᬾᬧᬥ᭞ᬫ᭄ᬧᬸᬬᬚ᭄ᬜᬥᬃᬫᬰ᭄ᬯᬫᬷ᭞ᬫᬳᬢᬹᬃᬫᬫᬶᬦ᭄ᬥᬄ᭞ᬲᬓᬾᬯᬦ᭄ᬢᭂᬦ᭄ᬦᭂᬍᬭᬂ᭞ᬧᬵᬢᬹᬢ᭄ᬧ᭄ᬭᬪᬸᬧᬶᬢᬶᬦ᭄ᬥᬶᬄ᭞ᬲᬵᬫ᭄ᬧᬸᬦ᭄ᬩᬭᭀᬩᬄ᭞ᬧᬶᬢᬸᬥᬸᬄᬲᬾᬭᭀᬤᬺᬢᬶ᭟᭐᭟᭖᭔᭟ᬓᬮᬶᬄᬯᬸᬲᬦ᭄ᬳᬸᬢᬸᬦ᭄ᬭᬶᬂᬘᬦ᭄ᬥᬮᬦᬶᬱ᭄ᬝ᭞ᬩᬗᭂᬢ᭄ᬕᭂᬮᬶᬲ᭄ᬗᬮᬄᬮᬳᬶᬦ᭄᭞ᬤᭀᬱᬓᬦᬵᬭᬓᬦ᭄᭞ᬲᬂᬧ᭄ᬭᬪᬸᬢ᭄ᬯᬭᬧᬶᬯᬮ᭄᭞ᬢᬸᬫᬸᬮᬶᬗᬸᬢᬸᬲ᭄ᬫᬫᬃᬕ᭄ᬕᬶ᭞ᬲᬶᬓᭂᬧ᭄ᬲᬢᬓᬦ᭄᭞ᬗᬺᬚᬔᬶᬧᬦ᭄ᬤᬾᬘᬸᬯᬶᬮ᭄᭟᭜᭟᭖᭕᭟ᬓᬥᬂᬩ᭄ᬭᬬᬢ᭄ᬓᬦᬶᬂᬜᬄᬲᭀᬫᬄᬳᭀᬜ᭞ᬳᬶᬫᬵᬗ᭄ᬓᬭᬫᬢᬶ᭞ᬲᬸᬓᬦᬾᬫᬜ᭄ᬚᬭᬄ᭞ᬢᬸᬯᬸᬓ᭄ᬩᬦ᭄ᬫᬲ᭄ᬲᬮᬓ᭞ᬬᬾᬦ᭄ᬳᬤᬫᬧᬲᬸᬄᬭᬶᬳᬶᬦ᭄᭞ᬳᭂᬓ᭄ᬢᭀᬳᭂᬍᬧ᭞ᬓ᭄ᬭᬡᬓᬘᬘᭂᬫ᭄ᬧᭂᬤᬶᬦ᭄᭟᭐᭟᭖᭖᭟ᬧᬭᬲᬸᬮᬶᬗ᭄ᬕᬶᬳᬾᬫᬗ᭄ᬕᭂᬄᬓᬜ᭄ᬘᬂᬤᬸᬃᬬᬦ᭄᭞ᬳᬧᬂᬳ᭄ᬤᬲᬪᬓᬵᬲᬶᬄ᭞ᬢ᭄ᬓᬦ᭄ᬯᬂᬘᬦ᭄ᬥᬮ᭞ᬓᬧᬸᬕᭂᬄᬩᬳᬦ᭄ᬢᬵᬲ᭄ᬢ᭄ᬭ᭄᭞ᬓᬾᬦᬾᬚ᭄ᬮᬾᬦ᭄ᬜᬦᬾᬩ᭄ᬯᬶᬦ᭄᭞ᬳᬶᬯᬂᬘᬦ᭄ᬥᬮ᭞ᬬᬾᬦ᭄ᬩᬲ᭄ᬓᬶᬮᬶᬢ᭄ᬓᬵᬲᬶᬳᬶᬦ᭄