᭑᭖᭟ᬯᭀᬲᬂ᭞ᬫᬸᬜᬶᬦᬾᬫᬓᬶᬲᬶᬓᬶᬲᬶ᭞ᬦᬾᬚᬧᬸᬧᬸᬢ᭄᭞ᬳᬬᬸᬦᬾᬯᭀᬂᬩᬓᬢ᭄ᬘᬾᬤ᭟᭐᭟᭑᭗᭟ᬳᬤᬜᬯᬸᬢᬶᬦ᭄ᬢ᭄ᬯᬄᬲᬚ᭞ᬭᬱᬭᬱᬜᬦᬾᬚᬦᬶ᭞ᬦᬾᬤᬶᬦᬶᬯᭀᬗᭀᬲ᭄ᬧᬫ᭄ᬭᬕᬢ᭄᭞ᬓᬳ᭄ᬯᬸᬦ᭄ᬲᬂᬧ᭄ᬭᬦᬸᬫᬩᬸᬜ᭄ᬘᬶᬂ᭞ᬢᭀᬩ᭄ᬯᬶᬦ᭄ᬗᬮᬶᬄᬭᬩᬶ᭞ᬤᬶᬚᬗᬮᬶᬄᬳᬦᬓᬬᬸ᭞ᬫᬗᬼᬩᬶᬳᬶᬦ᭄ᬦᬾᬦᬾᬜ᭞ᬮ᭄ᬬᬸᬬᬦ᭄ᬧ᭄ᬢᬸᬯᬬᬂᬳᬸᬫᬶᬓ᭄᭞ᬭᬭᬯᭀᬲᬦ᭄᭞ᬧᬜ᭄ᬚ᭄ᬭᭀᬯᬦᬾᬲᬮᬶᬂᬢᬶᬫ᭄ᬩᬮ᭄᭟᭐᭟᭑᭘᭟ᬧᭂᬢᭂᬂᬲᬸᬩᬲᬸᬭᬸᬧ᭄ᬲᬹᬃᬬ᭄ᬬ᭞ᬲᬂᬧ᭄ᬭᬤᬸᬲᬵᬫ᭄ᬧᬸᬦ᭄ᬗ᭄ᬭᬜ᭄ᬚᬶᬂ᭞ᬦᬚᭀᬕ᭄ᬭᬸᬗ᭄ᬕᬄᬓᬧᬫᭂᬋᬫᬦ᭄᭞ᬩᭀᬦᬸᬓᬸᬧᬸᬓᬸᬧᬦ᭄ᬫᬶᬬᬶᬓ᭄᭞ᬍᬗᭃᬗᬾᬩᭂᬓᬶᬦ᭄ᬧᬸᬭᬷ᭞ᬓᬸᬲᬸᬭᬾᬫᬢᬸᬦ᭄ᬤᬧᬶᬢᬸ᭞ᬰᬺᬕᭂᬧ᭄ᬫᬉᬧᬘᬵᬭ᭞ᬲᬵᬫ᭄ᬧᬸᬦ᭄ᬢᭂᬮᬄᬓᬯᬲᬸᬳᬶᬦ᭄᭞ᬧᬵᬤᬓᬮᬶᬄ᭞ᬲᬂᬧ᭄ᬭᬪᬸᬳᬮᬸᬲ᭄ᬗᬦ᭄ᬤᬶᬓ᭟᭐᭟᭑᭙᭟ᬦᬾᬤᬶᬦᬶᬢᬦ᭄ᬢ᭄ᬭᬷᬧᬳᭂᬓᬂ᭞ᬩᬢᬶᬦᬾᬧ᭄ᬘᬶᬓ᭄ᬧᬳᭂᬓᬶᬦ᭄᭞ᬤ᭄ᬬᬄᬢᬦ᭄ᬢ᭄ᬭᬫ᭄ᬦᬾᬓᬦ᭄ᬜᬸᬫ᭄ᬩᬄ᭞ᬦ᭄ᬤᭂᬲᭂᬓᬶᬦ᭄ᬧᬥᬦ᭄ᬤᭂᬲᭂᬓᬶᬦ᭄᭞ᬫᬓᬚᭀᬄᬧᭂᬢᭂᬂᬓᬦ᭄ᬢᬶ᭞ᬤ᭄ᬬᬄᬢᬦ᭄ᬢ᭄ᬭᬷᬳᬭᬶᬧᬾᬧᬸᬧᬸᬢ᭄᭞ᬮᬯᬸᬢ᭄ᬦᬸᬦ᭄ᬤᬾᬧᬋᬓᬦ᭄᭞ᬳᬶᬯᬶᬚᬶᬮ᭄᭞ᬫ᭄ᬩᭂᬦᬳᬶᬦ᭄ᬲᬸᬦ᭄ᬤᬶᬄ᭞ᬮᬦ᭄ᬢᬲ᭄ᬩᬗᬸᬦ᭄᭞ᬳᬶᬯᬶᬚᬶᬮ᭄᭞ᬳᬿᬗ᭄ᬕᬶᬬᬸᬥᬸᬫᬶᬃ᭟᭐᭟᭒᭐᭟ᬤ᭄ᬬᬄᬢᬦ᭄ᬢ᭄ᬭᬷᬳᬤᬾᬂᬗᬦ᭄ᬤᬶᬓ᭞ᬫᬳᬶᬢᬾᬫᬲᬢ᭄ᬯᬯᬶᬚᬶᬮ᭄᭞ᬳᬗ᭄ᬕᭀᬦ᭄ᬫᬜᬲ᭄ᬯᬂᬓᬶᬬᬧ᭄᭞ᬳᬶᬯᬶᬚᬶᬮ᭄ᬓᭂᬜᭂ᭠ᬫ᭄ᬜᬯᬸᬢᬶᬦ᭄᭞ᬢᬶᬢ᭄ᬬᬂᬢᬦ᭄ᬯᬾᬦ᭄ᬢᭂᬦᬸᬦᬶᬂ᭞ᬭᬶᬂᬳᬦ᭄ᬢᬸᬓ᭄ᬫᬲᬢ᭄ᬯᬭᬢᬸ᭞ᬳᬶᬗ᭄ᬕᬶᬄᬭᬢᬸᬫᬲᬢ᭄ᬯ᭞ᬘᭀᬓᭀᬃᬲᬂᬧ᭄ᬭᬪᬸ᭠ᬫᬢᬸᬦ᭄ᬤᬶᬓ᭄᭞ᬦᬯᬂᬯᬗ᭄ᬲᬶᬢ᭄᭞ᬳᬶᬯᬶᬚᬶᬮ᭄ᬲᬬᬦ᭄ᬫᬕᬺᬗᭂᬗᬂ᭟᭐᭟ᬭᬭᬶᬲᬂᬭᬢᬸᬯᬶᬚᬶᬮᬂ᭞ᬦᬯᬶᬢᬶᬢ᭄ᬬᬂᬋᬲᭂᬧ᭄ᬓᬶᬥᬶᬓ᭄᭞ᬤ᭄ᬬᬄᬢᬦ᭄ᬢ᭄ᬭᬷᬲᬵᬫ᭄ᬧᬸᬦ᭄ᬫᬗ᭄ᬭᬱ᭞ᬩᬳᬦ᭄ᬲᬂᬧ᭄ᬭᬪᬸᬫᬢᬸᬦ᭄ᬤᬶᬓ᭄᭞ᬧᬸᬧᬸᬲᬢ᭄ᬯᬦᬾᬫᬦᬶᬲ᭄᭞ᬢᬩᬸᬄᬫᭂᬫ᭄ᬩᬄᬫᬥᬸᬚᬸᬭᬸᬄ᭞ᬯᬶᬚᬶᬮ᭄ᬦᬾᬧᬥᬶᬳᬂ᭞ᬋᬲᭂᬧᬂᬫᬦᬳᬂᬫᬲᬶᬄ᭞ᬢᬸᬢᬸᬭᬦᬾ᭞ᬧᬧᬦᬗ᭄ᬓᬦᬸᬮᬶᬕ᭄ᬕᭀᬓ᭟᭐᭟᭒᭒᭟ᬳᬶᬤᬳ᭄ᬬᬩᬰᬸᬪᬕ᭞ᬓᭀᬦᬶᬂᬧ᭄ᬓᬮᬸᬫ᭄ᬩ᭄ᬭᬄᬫᬓᬃᬤ᭄ᬤᬶ᭞ᬫ
