Kaca:Bali-lontar-paparikan-tantri-01-250ppi.pdf/11

Saking Wikisource
Kaca punika durung kauji-waca

[10 B]
᭑᭐᭟ᬮᬕᬸᬫᬶᬮᬗᬶᬢ᭄᭞ᬦᬵᬬᬧᬧᬮ᭄ᬬᬦ᭄᭞ᬤᬾᬯᬤᬾᬯᬷᬗᬭᬵᬕᬦᬶᬦ᭄᭟᭐᭟᭗᭗᭞ᬲᬫ᭄ᬩᬶᬮ᭄ᬩᬸᬲᬸ᭠ᬤᬸᬲᬸᬤᬶᬦ᭄ᬧᬸᬲᬸᬂᬢᬦ᭄ᬧ᭄ᬕᬢ᭄᭞ᬢᭀᬬᬜ᭄ᬘᬶᬗᬓᬾᬦᬶᬳᬶᬲ᭄᭞ᬦᬶᬩᬾᬦ᭄ᬧᬧᬾᬮᬾᬗᬦ᭄᭞ᬳᭀᬓᬦᬾᬤᬺᬲ᭄ᬫᬘᬧ᭄ᬘᬧ᭄᭞
ᬰᬺᬢ᭄ᬧᬗᬦ᭄ᬥᬶᬓᬦᬾᬫᬶᬚᬶᬮ᭄᭞ᬥᬸᬄᬧᬵᬦᬓ᭄ᬩᬧ᭞ᬦᬾᬫᬓ᭄ᬭᬡᬩᬧᬲ᭄ᬤᬶᬄ᭟᭐᭟᭗᭘᭟ᬧᬗᬃᬱᬦ᭄ᬲᬂ᭠ᬧ᭄ᬭᬪᬸᬫᬓᬾᬯᭂᬳᬶᬦ᭄ᬧᬶᬲᬦ᭄᭞ᬓᬳ᭄ᬬᬸᬦ᭄ᬫᬩᬸᬜ᭄ᬘᬶᬂᬲᬳᬶ᭞ᬜ᭄ᬮᬶᬓ᭄ᬦᬾᬳ᭄ᬦᬸᬥᬕ᭞ᬫᬾᬄᬲᬸᬩᬓᬸᬥᬂᬢᬶᬩᬦ᭄᭞ᬲᬶᬤ᭄ᬥᬩ
ᬦ᭄ᬩᬧᬦ᭄ᬤᬕᬶᬗᬶᬦ᭄᭞ᬦᬵᬮᬯᬲᬦ᭄ᬜ᭞ᬦᬾᬲ᭄ᬥᭂᬂᬫᬜ᭄ᬚᬶᬂ᭟᭐᭟᭗᭙᭟ᬫᬸᬮᬕᬦ᭄ᬢᬶᬮᬭᬧᬦ᭄ᬲᬂᬧ᭄ᬭ᭠ᬪᬸᬫᭂᬗ᭄ᬕᬄ᭞ᬫᬧ᭄ᬯᬭᬩᬓᬮ᭄ᬫᬢᬶ᭞ᬥᭂᬓ᭄ᬥᭂᬓᬮᬄᬘᬄᬘᬄ᭞ᬓᬳ᭄ᬬᬸᬦᬾᬲᬂᬫ᭄ᬬᬃᬱ᭞ᬳᬮᬸᬲ᭄ᬢᬸᬃᬜᬸᬫ᭄ᬩᬄᬜᬳᬸᬭᬶᬦ᭄᭞ᬩ
ᬧᬳᬫ᭄ᬧᬸᬭ᭞ᬲᬵᬫ᭄ᬧᬸᬦ᭄ᬜᬮᬶᬢ᭄ᬧᬦᬫ᭄ᬧᬶ᭟᭐᭟᭘᭐᭟ᬭᬹᬧᬋᬋᬤ᭄ᬢᬶᬢ᭄ᬬᬂᬗ᭄ᬕᬫᭂᬮ᭄ᬓ᭄ᬧᬢᬹᬢᬦ᭄᭞᭠ᬓᬦᬶᬸᬤᬶᬫᬫᬦᬄᬚᬮᬶᬃ᭞ᬩᭀᬬᬢ᭄ᬭᬧ᭄ᬳᬦᬓ᭄᭞ᬮᬸᬄᬫᬯᬗ᭄ᬰᬉᬢ᭄ᬢᬫ᭞ᬭᬱᬫᬼᬤ᭄ᬧᬶᬲᬦ᭄ᬫᬜ᭄ᬚᬶᬂ᭞ᬳᬯᬦᬦ᭄ᬢᬶ
[11 A]
ᬢ᭄ᬬᬂ᭞ᬫᬵᬢᬸᬃᬓᬤᬶᬧᬸᬦᬶᬓᬶ᭟᭐᭟᭘᭑᭟ᬬᬦ᭄ᬓᬮᬶᬗ᭄ᬕᬶᬳᬦ᭄ᬩᬗ᭄ᬕᬬᬂᬢᬶᬢ᭄ᬬᬂᬳᬢᬸᬭᬂ᭞ᬫᬫᬋᬓᬓᬭᬶ᭞ᬲᬶᬮᬶᬄᬢᬶᬢ᭄ᬬᬂ᭞ᬳᬸᬢᬸᬦᬶᬤᬲᬂᬦᬵᬣ᭞ᬗᬾᬦᬓᬶᬦ᭄ᬲᬓᬳ᭄ᬬᬸᬦ᭄ᬕᬸᬲ᭄ᬢᬶ᭞ᬲᬶᬤ᭄ᬥᬦᬶᬂᬲᬥ᭄ᬬ᭞ᬤᬸᬫᬥᬓᬶ
ᬘᬯᬶᬥᬶ᭟᭐᭟᭘᭒᭟ᬧᬶᬲᬦ᭄ᬫᬗ᭄ᬤᬾᬳᬸᬲᬦ᭄ᬯᬾᬦ᭄ᬢᭂᬦ᭄ᬧᬓᬳ᭄ᬬᬸᬦᬦ᭄᭞ᬫᬩᬸᬜ᭄ᬘᬶᬂᬓᬤᬶᬫᬗ᭄ᬓᬶᬦ᭄᭞ᬢᬶᬢ᭄ᬬᬗᬮᬶᬧᬸᬭᬂ᭞ᬳᬦ᭄ᬢᬸᬓᬸᬘᬧᬦ᭄ᬰᬵᬲ᭄ᬢ᭄ᬭ᭞ᬫᬦᬯᬶᬓᬕᬶᬜ᭄ᬚᭂᬕ᭄ᬮᬮᬶ᭞ᬢᬼᬩ᭄ᬫᬶᬋᬗᬂ᭞ᬘᬭᬶᬢᬦ᭄ᬮᬶᬂᬦᬶᬂᬳᬚᬷ᭟᭐᭟᭘᭓᭟
ᬕᬮᬂᬧ᭄ᬬᬃᬓᬳ᭄ᬬᬸᬦ᭄ᬕᬸᬭᬸᬦᬾᬫᬋᬗᬂ᭞ᬗᬍᬫᬾᬢᬦ᭄ᬲᬶᬧᬶ᭞ᬢᬸᬃᬳᬮᬸᬲ᭄ᬗᬦ᭄ᬥᬶᬓ᭞ᬥᬸᬄᬤᬾᬯᬆᬢ᭄ᬫᬚᬷᬯ᭞ᬪᬬᬢ᭄ᬯᬄᬢᬶᬢᬶᬲᬶᬂᬍᬯᬶᬄ᭞ᬳᬸᬮᬶᬤᬶᬲ᭄ᬯᬃᬕ᭄ᬕᬦ᭄᭞ᬫᬵᬯᬓ᭄ᬲᬜ᭄ᬚᬶᬯᬦᬷ᭟᭐᭟᭘᭔᭟ᬳᬸᬮᬶᬳᬸᬮ᭄ᬬᬦ᭄ᬩᬧᬦᬾ
ᬗᬶᬱ᭄ᬝᬶᬲᬢᬢ᭞ᬗ᭄ᬕᬯᬾᬦᬂᬚ᭄ᬦᭂᬓᬢᬶ᭞ᬦᬾᬤ᭄ᬥᬦ᭄᭞ᬩᬧᬦ᭄ᬧᬸᬓᬶᬦ᭄ᬨᬮᬦ᭄᭞ᬳᬦᬓᬾᬫᬳ᭄ᬜᬄᬍᬯᬶᬄ᭞ᬲᬥᬸᬓᬥᬃᬫᬦ᭄᭞ᬦᬸᬤᬶᬲ᭄ᬓᬮᬢᬫ᭄ᬧᬶ᭟᭐᭟᭘᭕᭟ᬓᬯᬶᬪᬯᬦ᭄ᬲᬸᬓ