Kaca:Bali-lontar-paparikan-sarasamuscaya-300ppi.pdf/52

Saking Wikisource
Kaca puniki sampun kauji-wacén

[᭕᭑ 51B]
᭕᭑
ᬥᭂᬧ᭄ᬫᬯᬓ᭄ᬧᬦᬶᬫ᭄ᬩᬗᬦ᭄᭞ᬦᬶᬫ᭄ᬩᬗᬦ᭄ᬳᬶᬬᬮᬳᬬᬸ᭟᭓᭐᭙᭟ᬓᬾᬦᬾᬧᬗᭂᬥᬸᬫ᭄ᬦᬾᬚᬵᬢᬶ᭞ᬩᬕᬶᬢᬶᬕ᭞ᬲᬓ᭄ᬯᬾᬳ᭄ᬦᬾᬩ᭄ᬭᬡᬦᬾᬳᭂᬥᬹᬫ᭄᭞ᬦᬾᬳᬩᬩᬶᬲᬶᬫ᭄ᬧᭂᬦ᭄ᬫᬮᬸ᭞ᬳᬗ᭄ᬕᬾᬦ᭄ᬓᬥᬃᬫ᭄ᬫᬦ᭄ᬳᬩᬕᬶ᭞ᬦᬾᬳ
ᬩᬕᬶᬳᬗ᭄ᬕᬾᬫᬲᬸᬓᬦ᭄᭞ᬓᬾᬢᭀᬢᬶᬗ᭄ᬓᬄᬫᬃᬕ᭄ᬕᬶᬢ᭄ᬮᬸ᭞ᬳ᭄ᬤᬳᬸᬕᬶᬫᬜᬬᬗᬂ᭞ᬓᬾᬯᬮᬢᬗᬭᬶᬦ᭄ᬳᬸᬕᬶ᭞ᬳ᭄ᬤᬳᬫ᭄ᬧᬄᬫᬜᬮᬦᬂ᭞ᬫᬸᬮᬲᭂᬗ᭄ᬓᭂᬗᬮᬶᬄᬳᬬᬸ᭟᭓᭑᭐᭟ᬬᬦᬶᬂᬫᬫᬹᬦ᭄ᬤᬸᬳᬂᬧᬶᬧᬶᬲ᭄᭞ᬳ᭄ᬤᬮᬾᬫ᭄ᬧ
ᬲ᭄᭞ᬢ᭄ᬓᬾᬦ᭄ᬥᬲᬃᬥᬃᬫ᭄ᬫᬧᬵᬢᬹᬢ᭄᭞ᬬᬦ᭄ᬲᬚᬳᬶᬥᬃᬫ᭄ᬫᬧᬸᬘᬸᬓ᭄᭞ᬲᬶᬦᬄᬲᬸᬮᬪᬓᬧᬗ᭄ᬕᬶᬄ᭞ᬫᬶᬯᬄᬲᬸᬓᬦᬾᬓᬢᬫ᭞ᬤᬾᬦᬶᬂᬳᬶᬥᬃᬫ᭄ᬫᬧᬦᬸᬦ᭄ᬢᬸᬦ᭄᭞ᬦᬗ᭄ᬳᬶᬂᬬᬦ᭄ᬢᬦ᭄ᬳᬤᬥᬃᬫ᭄ᬫ᭞ᬲᬶᬦᬄᬮᬘᬸᬭᬾᬓᬧᬗ᭄ᬕᬶᬄ᭞ᬮᬶᬯᬢ᭄ᬫ
ᬮᬦᬾᬩᬓᬢᬂ᭞ᬫᬢᬶᬳᬶᬥᬸᬧ᭄ᬧ᭄ᬭᬬᬢ᭄ᬧᬸᬓ᭄᭟᭓᭑᭑᭟ᬬᬦ᭄ᬢᬦ᭄ᬥᬃᬫ᭄ᬫᬲᬶᬤ᭄ᬥᬦᬲᬭᬶᬦ᭄᭞ᬗᬮᬶᬄᬅᬃᬣᬵ᭞ᬧᬶᬢ᭄ᬯᬶᬦᬾᬫᬗ᭄ᬕᬶᬄᬳᬃᬣᬮ᭄ᬬᬸ᭞ᬲᬶᬤ᭄ᬥᬩᬳᬦᬫᬧᬸᬦ᭄ᬤᬸᬄ᭞ᬳᭂᬦ᭄ᬢᭀᬲᬶᬦᬄᬪᬬᬧᬗ᭄ᬕᬶᬄ᭞ᬍᬢᭂᬳᬾᬢᬦ᭄ᬓᬸᬭᬂ
[᭕᭒ 52A]
ᬓᬸᬭᬂ᭞ᬲᬓᬶᬂᬘᭀᬭᬳᬾᬫᬤᬸᬕ᭄ᬤᬸᬕ᭄᭞ᬧᬶᬢ᭄ᬯᬶᬳᭂᬦ᭄ᬢᬲ᭄ᬳᬩᬾᬦᬂ᭞ᬲᬶᬦᬄᬢ᭄ᬯᬭᬲᬶᬤ᭄ᬥᬩ᭄ᬭᬲᬶᬄ᭞ᬳᬢ᭄ᬫᬦᬾᬫᬗᬦ᭄ᬤᭀᬂᬫᬮᬵ᭞ᬫᬢᬶᬳᬶᬥᬸᬧ᭄ᬫᬗ᭄ᬕᬶᬄᬍᬢᬸᬄ᭟᭓᭑᭒᭟ᬧᬩᬺᬲᬶᬳᬦ᭄ᬢ᭄ᬯᬄᬮᬶᬬᬸᬤᬶᬦᬶ᭞ᬫᬳᬾᬦ᭄ᬤᬳᬦ᭄᭞ᬯᬵᬱ᭄ᬝᬦ᭄ᬜᬦᬾ
ᬘᬘᬓ᭄ᬫᬮᬸ᭞ᬧᬢ᭄ᬭᬲᭀᬘᬳᬶᬢᬸᬂᬫᬮᬸ᭞ᬫᬶᬯᬄᬫᬺᬢ᭄ᬰᭀᬘᬦᬾᬫᬮᬶᬄ᭞ᬚᬮᬰᭀᬘᬪᬱ᭄ᬫᬰᭀᬘ᭞ᬅᬃᬣᬰᭀᬘᬧᬶᬦᬶᬄᬳᬬᬸ᭞ᬳᭂᬦ᭄ᬢᭀᬦᬾᬰᬸᬘᬶᬳᬶᬦᬸᬘᬧ᭄᭞ᬦᬗ᭄ᬳᬶᬂᬳ᭄ᬤᬅᬃᬣᬤᬓᬶ᭞ᬅᬃᬣᬘᭀᬭᬳᬾᬫᬓ᭄ᬭᬡ᭞
ᬫᬗᬼᬩᬸᬃᬳᬶᬥᭂᬧ᭄ᬭᬳᬬᬸ᭟᭓᭑᭓᭟ᬳᬤᬍᬢᬸᬄᬢ᭄ᬓᬜᬶᬮᬶᬩ᭄᭞ᬲᬓᬶᬂᬳᬃᬣ᭞ᬬᬦᬶᬂᬳᬤᬰᬢ᭄ᬭᬸᬭᬯᬸᬄ᭞ᬫᬗᬢᬸᬭᬂᬩ᭄ᬭᬡᬮᬶᬬᬸ᭞ᬳᭂᬦ᭄ᬢᭀᬢᬗᬭᬶᬦ᭄ᬫᬦᬫ᭄ᬧᬶ᭞ᬢᬦ᭄ᬦᬸᬭᬸᬂᬫᬮᬦᬾᬢ᭄ᬓ᭞ᬤᬭᭀᬧᭀᬦᬾᬩᬲ᭄ᬓᬮᬗ᭄ᬓᬸᬂ᭞
ᬓᬤᬾᬦ᭄ᬲᬚᬧᬹᬡ᭄ᬬᬫ᭄ᬮᬄ᭞ᬳᬸᬮᬶᬂᬳᬮᬸᬄᬫ᭄ᬩᬳᬦ᭄ᬗᬶᬤᬶᬄ᭞ᬧᬦᬃᬓ᭄ᬓᬦᬾᬫᬗ᭄ᬤᬢᬢᬲ᭄᭞ᬗᬶᬤᬶᬄᬩ᭄ᬭᬡᬫᬶᬯᬄᬦᬸᬤᬸᬓ᭄᭟᭓᭑᭔᭟ᬧᬶᬢ᭄ᬯᬶᬦᬾᬫᬩᬗ᭄ᬲᬵᬩ᭄ᬘᬶᬓ᭄᭞ᬤᬤᬶᬚᬦ᭄ᬫ᭞ᬬᬦᬶᬂᬫᬼᬤᬾᬓᬮᬓᬶᬸᬗ᭄ᬓᬸᬂ᭞ᬢ᭄ᬓᬾᬦ᭄ᬩᬭᬂᬢᬦ᭄ᬧ