[᭔᭙ 49B]
᭔᭙
ᬦᬾᬤᬶᬳᬯᬓ᭄᭞ᬳ᭄ᬤᬵᬜᭂᬧ᭄ᬮᬂᬗᭂᬓᭀᬄᬍᬢᬸᬄ᭞ᬳᬾᬤᬾᬗᬂᬳᬧᬗᬧᭂᬲᬸ᭞ᬲᬸᬦ᭄ᬤᬭᬶᬦ᭄ᬩᬦ᭄ᬲᬂᬳ᭄ᬬᬂᬗᬚᬶ᭞ᬓᬢ᭄ᬓᬾᬂᬳᬶᬘᬢᬸᬃᬯᬃᬡ᭄ᬦ᭞ᬲᬮᬄᬢᬸᬗ᭄ᬕᬮ᭄ᬳᬗ᭄ᬕᭀᬦ᭄ᬢᬸᬗ᭄ᬕᬸᬮ᭄᭞ᬫᬰ᭄ᬭᬡᬩᬦ᭄ᬫᬦᬄᬥᬃᬫ᭄ᬫ᭞ᬳᭂᬦ᭄ᬢᭀᬳᬗ᭄ᬕᭀᬦ᭄ᬦᬸᬜ᭄ᬚᭂᬮ᭄ᬲᬫᬶ᭞
ᬓᬪ᭄ᬬᬱᬦᬶᬂᬰᬶᬱ᭄ᬝᬘᬵᬭ᭞ᬫᬓᬧᬗᬵᬜᬸᬢᬦᬼᬢᬸᬄ᭟᭒᭙᭘᭟ᬲᬶᬱ᭄ᬝᬘᬵᬭᬦᬾᬬᬦ᭄ᬫᬭᬶ᭞ᬢᬦ᭄ᬧᬕᬸᬡᬵ᭞ᬧᬕᬯᬾᬦ᭄ᬳᬶᬥᬃᬫ᭄ᬫᬲᬥᬸ᭞ᬲᬶᬦᬄᬢ᭄ᬯᬭᬩᬓᬢ᭄ᬧᬸᬧᬸ᭞ᬨᬮᬦ᭄ᬜᬦᬾᬳᬶᬮᬂᬲᬫᬶ᭞ᬬᬦ᭄ᬧᬕᭂᬄᬳᬶᬲᬶᬱ᭄ᬝᬘᬭ
᭞ᬳᬶᬥᬃᬫ᭄ᬫᬫᬗ᭄ᬕᬸᬄᬭᬳᬬᬸ᭞ᬨᬮᬦ᭄ᬜᬦᬾᬪᬹᬓ᭄ᬢᬶᬯ᭄ᬓᬲᬦ᭄᭞ᬧᬥᬫᬫᬗ᭄ᬕᬸᬳᬂᬩ᭄ᬘᬶᬓ᭄᭞ᬳᭂᬦ᭄ᬢᭀᬓ᭄ᬭᬡᬚ᭄ᬯᬲ᭄ᬓᬦᬂ᭞ᬰᬶᬱ᭄ᬝᬘᬵᬭᬦᬾᬧᬶᬓᬸᬓᬸᬄ᭟᭒᭙᭙᭟ᬳᬤᬭᬢᬮᬶᬯᬢ᭄ᬧᬶᬗᬶᬢ᭄᭞ᬭᬶᬂᬩ᭄ᬭᬵᬳ᭄ᬫᬡ᭞ᬬᬦ᭄ᬢᬗ᭄ᬕᬮ᭄ᬧᬶᬂᬓᬸᬢᬸᬲ᭄᭞
ᬫ᭄ᬯᬄᬧᬶᬂᬧᬢ᭄ᬩᭂᬮᬲ᭄ᬫᬦᭂᬫᬸ᭞ᬢ᭄ᬓᬾᬂᬧᬹᬃᬡ᭄ᬦᬫᬵᬗᬭᬭᬶᬲ᭄᭞ᬢ᭄ᬯᬭᬤᬤᬶᬫᬲᬗ᭄ᬕᬫᬵ᭞ᬭᬶᬂᬳᬶᬭᬩᬶᬳ᭄ᬤᬧᭂᬗ᭄ᬓᬸᬂ᭞ᬩ᭄ᬭᬢᬅᬫᬺᬢᬲ᭄ᬦᬢᬓᬵ᭞ᬓᬾᬢᭀᬋᬓᬾᬓᬯᬵᬱ᭄ᬝᬦᬶᬦ᭄᭞ᬩ᭄ᬭᬢᬓᬮᬶᬯᬢ᭄ᬉᬢ᭄ᬢᬫ᭞ᬳᭂᬦ᭄ᬢᭀᬧᬕᭂᬳᬂᬧᬶᬂᬢᬸᬳᬸ
[᭕᭐ 50A]
᭟᭓᭐᭐᭟ᬢᬦ᭄ᬓᬯ᭄ᬦᬂᬗᬮᬧ᭄ᬭᬩᬶ᭞ᬫᬭᬶᬓᭀᬱ᭞ᬬᬦ᭄ᬢᬦ᭄ᬫᬲᬫᬬᬳᬤᬸᬂ᭞ᬫᬶᬦᬹᬫ᭄ᬢ᭄ᬯᬓ᭄ᬢᬦ᭄ᬓᬧᬵᬢᬹᬢ᭄᭞ᬢᬦ᭄ ᬯ᭄ᬦᬂᬗᬫᬢᬶᬫᬢᬶ᭞ᬳ᭄ᬤᬫᬶᬣ᭄ᬬᬭᬶᬂᬯ᭄ᬘᬡ᭞ᬳ᭄ᬤᬩᭀᬩᬤ᭄ᬗᬓᬸᬳᬓᬸ᭞ᬧᬭᬥᬭᬵᬤᬫᬶᬦᭂᬳᬂ᭞ᬓᬾᬢᭀᬧᬫᬢᬹᬢ᭄ᬲᬂᬍᬯᬶᬄ
᭞ᬦᬾᬲᬚᬧᬘᬂᬫ᭄ᬯᬢᬂ᭞ᬲ᭄ᬯᬃᬕ᭄ᬕᬫᭀᬢ᭄ᬢᬫᬓᬚᬸᬚᬸᬃ᭟᭓᭐᭑᭟ᬧᬫᬗᬦᬾᬓᬧᬶᬢᭂᬢᬶᬦ᭄᭞ᬳᬲᬶᬂᬘᬫᬄ᭞ᬢᬦ᭄ᬓᬯ᭄ᬦᬂᬗᬶᬕᭂᬮ᭄ᬗᬶᬥᬸᬂ᭞ᬢᬦ᭄ᬓᬮᬸᬕ᭄ᬭᬵᬫᬓᬮᬗᬸᬦ᭄᭞ᬢᬦ᭄ᬯ᭄ᬦᬂᬳᬶᬦᬗ᭄ᬕᬶᬢ᭄᭞ᬳ᭄ᬤᬫᬕᬡ᭄ᬥᬮᬾᬧᬦ᭞ᬢᬦ᭄ᬯ᭄ᬦᬂᬗᬮᬓᬸ
ᬮᬓᬸ᭞ᬳ᭄ᬤᬓᬤᬮᭀᬦ᭄ᬭᬶᬂᬲᬸᬓ᭞ᬢᬸᬭᬸᬦᬾᬧᬵᬢᬸᬢ᭄ᬧᬶᬢᭂᬢᬶᬦ᭄᭞ᬬᬦ᭄ᬲᬶᬤ᭄ᬥᬳᬫᭀᬦ᭄ᬢᭀᬳᬦ᭄᭞ᬢᬦ᭄ᬳᬶᬦᬸᬘᬧ᭄ᬲ᭄ᬯᬃᬕ᭄ᬕᬢᭂᬧᬸᬓ᭄᭟᭓᭐᭒᭟ᬦᬾᬳᬤᬩ᭄ᬯᬶᬦ᭄ᬓᬤᬦᬶᬦ᭄᭞ᬩ᭄ᬭᬢᬬᬫ᭞ᬫᬘᬘᬓ᭄ᬳᬤᬰᬘᬸᬓᬸᬧ᭄᭞ᬚᬦᬶᬳᬸᬘᬧ᭄ᬯᬵ
ᬱ᭄ᬝᬦᬶᬧᬸᬦ᭄᭞ᬓ᭄ᬱᬫᬲᬢ᭄ᬬᬓ᭄ᬮᬦ᭄ᬧ᭄ᬭᬶᬢᬶ᭞ᬫᬶᬯᬄᬅᬳᬶᬗ᭄ᬲᬅᬃᬚ᭄ᬚᬯ᭞ᬧ᭄ᬭᬲᬤᬵᬫᬤᬹᬃᬬ᭄ᬬᬫᬸᬯᬸᬄ᭞ᬳᬭᬶᬫ᭄ᬩᬯᬫ᭄ᬯᬄᬫᬃᬤ᭄ᬥᬯ᭞ᬲᬶᬓ᭄ᬮᬦ᭄ᬧᬗᬸᬦ᭄ᬢᬢ᭄ᬫᬮᬶᬄ᭞ᬦᬄᬓᬾᬢᭀᬲᬸᬩᬳᬤᬰ᭞ᬳᭂᬦ᭄ᬢᭀᬧᬶᬢ᭄ᬕᭂᬲᬂᬫᬮᬸ᭟᭓᭐᭓᭟ᬅᬦᬺᬲ
Kaca:Bali-lontar-paparikan-sarasamuscaya-300ppi.pdf/50
Kaca puniki sampun kauji-wacén
